Pa transport urban, qytetarët: Nuk kemi lekë për taksi! Duhet të ishte hapur, po na dëmton shumë (VIDEO)

TIRANE-Edhe kjo e shtunë qytetarët e Tiranës i gjeti pa transport publik.  Në stacionet e urbanëve pritja është e kotë, pasi autobusi përsëri nuk do të vijë.

“Në një ditë normale ky stacion autobusësh do të ishte i mbipopulluar me qytetarë që presin për linjën e tyre. Ndërsa në kohë të pandemisë transporti është i pezulluar. edhe pse kemi disa vendime nga institucionet që të vazhdojë puna e transportit urban në kryeqytet kjo deri më tani ka qenë e pamundur. shkak për këtë janë bërë kërkesat e shoqatave të transportit, të cilat kanë pezulluar aktivitetin deri në momentin që Ministria e Infrastrukturës  dhe e Financave të vendosin për pagat e punonjësve dhe kërkesat që ata kanë”.

Mendoni se duhet të vazhdoj transporti publik në kryeqytet?
-Duhet të ishte hapur me kohë jo sot.
-Po nuk ka transport ka mbaruar çdo lloj gjëje, transporti na rregullon ne dhe biznesin.
-Duhet të hapet.
-Duhet të hapen të gjitha shërbimet.
-Është i domosdoshëm”

Problemi bëhet më shqetësues në këto ditë të nxehta për punonjësit, të moshuarit apo studentët, që duhet të lëviznin në këmbë ose të përdorin shërbimin taksi në mungesë të një mjeti personal.

“Për ne që jemi në punë na ka prishur shumë punë"

Me çfarë keni shkuar në punë?
Disa ditë në këmbë, pastaj me makinën e punës

"Unë tani dua të iki tek 21 dhjetori. Me çfarë të shkoj me taksi, se kështu thonë. Të iki me taksi. Por ne jemi hallexhi nëse do të kishim lekë do të iknim me makinën tonë. Punëtor jemi pensionistë jemi, njerëz që është 400 lekë bileta themi të paguajmë 300 lekë ku është më lirë po taksinë e dimë të gjithë ne”, thonë qytetarët.

Gjendja e fatkeqësisë natyrore për shkak të pandemisë, si dhe rihapja e transportit publik është njoftuar më 23 qershor, por që deri më tani po punojnë pjesërisht linjat ndërqytetëse.

B.K.//Shqiptarja.com

TAG:
• Transporti publik
• koronavirusi ne shqiperi