Receta

Paça e Ramazanit me kos dhe hudhër nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 26 Mars, 11:49 | Përditesimi: 26 Mars, 11:51

Paça e Ramazanit me kos dhe hudhër

Përbërësit:

500 gr kokë qengji ose viçi
1 qepë mesatare
2-3 thelpinj hudhër
1 lugë çaji kripë
1 lugë çaji piper i zi
1 gjethe dafine (opsionale)
1 filxhan çaji oriz ose miell

Për salcën:

LEXO EDHE:
Pufka me qumësht pluhur të sherbetosura nga zonja Albana

2 të verdha veze
500 gr kos
2 thelpinj hudhër
Lëngu i 1 limoni
Pak kripë

Përgatitja:

Lajmë mirë kokën e qengjit, por mund të përdorim dhe mish kocke viçi. E vendosim në një tenxhere me ujë të bollshëm dhe shtojmë qepën e plotë, hudhrat, kripën, piperin dhe gjethen e dafinës. E lëmë të ziejë në zjarr të ngadaltë për 1.5–2 orë, derisa mishi të ndahet lehtë nga kocka dhe lëngu të bëhet i qartë. Nxjerrim mishin nga lëngu dhe e presim në copa të vogla. Kthejmë lëngun e zierjes në zjarr dhe shtojmë orizin ose miellin (të tretur më parë në pak ujë të ftohtë). E lëmë të ziejë për 10-15 minuta derisa orizi të zbutet dhe supa të trashet. Në një tas rrahim të verdhat e vezëve me kosin dhe lëngun e limonit. Marrim pak nga lëngu i nxehtë i supës dhe e hedhim ngadalë mbi përzierjen me kos, duke e trazuar vazhdimisht që të mos priten vezët. Hedhim masën në tenxhere, duke e përzier lehtë që të lidhet mirë me supën. Nuk e lëme të ziejë më pas shtimit të kosit, vetëm sa të ngrohet mirë. Shtojmë dhe copat e mishit dhe në fund shtojmë hudhrën e shtypur për aromë dhe e lëmë të pushojë 5 minuta përpara se ta shërbejmë.