TIRANE- Për tre orë e gjysmë përpara organit të akuzës, kreu i Këshillit të Emërimeve në Drejtësi ka dhënë shpjegime lidhur me padinë që kreu i shtetit Ilir Meta depozitoi ndaj tij duke e akuzuar për shpërdorim detyre dhe përvetësim të titullit. Pas daljes nga ambientet e Prokurorisë së Tiranës, duke mbajtur në duar një zarf me një kopje të kallëzimit penal dhe fletë-thirrjes për në Prokurori, Dvorani është ndalur të flasë për mediat lidhur me akuzat ndaj tij. Duke ironizuar deklaratat që kreu i shtetit ka bërë, se ka prova me video përvëluese (të cilat u konluduan dje me një video përmbledhëse të të gjithë akuzave publike), Dvorani tha se institucionet dhe funksionarët nuk duhet t'i shtrojnë problematikat e tyre me produkte artitike apo filma me metrazh të shkurtër apo të gjatë.
Ai ironizoi edhe deklaratën që kreu i shtetit bëri se prokuroria nuk duhet të ndikohet nga presionet politike, duke thënë se këshillat, rekomandimet dhe sugjerimet janë të pakuptimta dhe të papranueshme për një shtet të së drejtës.
Dvorani tha se është aty për të bërë detyrën para ligjit, pasi nuk ka nevojë për vëmendje, pasi si gjyqtar, nuk duhet t'i bjerë në sy elektoratit, ndërsa u shpreh se çdo shpjegim e ka dhënë para prokurorëve, pasi hetimi nuk mund të bëhet me deklarata publike, para mediave.
Ndërkohë brenda javës në Prokurorinë e Tiranës do të pyeten edhe 10 anëtarët e Këshillit të Emërimeve në Drejtësi (EMRAT). Një ditë më parë në Prokurori u paraqit edhe kreu i shtetit Ilir Meta i cili për rreth një orë dëshmoi mbi padinë e depozituar ndaj Dvoranit. Në dalje për mediat Meta tha se rasti në fjalë është tmerrësisht flagrant dhe prokuroria duhet të zbatojë ligjin për të mos u ndikuar nga presionet politike.
Presidenti Ilir Meta e ka akuzuar Dvoranin si ushtar të partisë, sulme që nisën gjatë procesit të përzgjedhjes së anëtarëve të Gjykatës Kushtetuese nga Presidenti dhe Parlamenti në bazë të listave me kandidatë të radhitur përmes një sistemi pikëzimi nga Këshilli i Emërimeve në Drejtësi.
Kreu i Këshillit të Emërimeve në Drejtësisë Ardian Dvorani ka deklaruar pas përfundimit të dëshmisë përpara organit të akuzës lidhur me padinë e kreut të shtetit Ilir Meta.
"Nuk ka asgjë të veçantë për të deklaruar. Prokurori më ka dërguar thirrjen dhe unë përmbusha detyrimin për t'u paraqitur. Përpara prokrurorëve kam dëshmuar faktet dhe rrethanat ashtu si kanë ndodhur që prokurori mund t'i verifikojë. Shpjegimi është i gjatë dhe nuk mund të jem gjithë kohës në media. Nuk ka rëndësi çfarë mendoj unë dhe presidenti. Për këtë situatë prokuroria bën hetime dhe në përputhje me ligjin do vlerësohet ashtu si duhet.
Tani unë nuk mund të flas me detaje. Hetimi nuk bëhet në media por në këtë godinë dhe unë aty kam bërë shpjegim të detajuar të të gjithë fakteve. Institucionet dhe funksionarët nuk duhet t'i shtrojnë problematika me produkte artistike dhe me filma me metrazh të shkurtër apo të gjatë, por në rrugë institucionale.
Nëse kjo ndodh, ligji është i qartë se nëse anëtari është në ndjekje penale, ai pezullohet nga funksioni. Prokurorët janë duke kryer verifikimet. nuk kam mundësi të bllokoj hetimin. Kam dhënë shpjegim dhe janë prokurorët ata që do e vlerësojnë dhe ata duhet të mbrojnë ato prova shkresore që i quajnë të nevojshme. Nuk jam këtu të deklaroj këshilla, rekomandime. Kjo është e pakuptimtë në një shtet të së drejtës.
Në Shqipëri, duhet të mësoheni të gjithë se ligji është i barabartë për të gjithë. Nuk ka arsye të dal e të them se erdha te prokurori. Nuk ka asgjë për t'u mburrur. Ky është detyrim.
Mua nuk më kanë vendosur në asnjë pozitë të vështirë. Gjykata e Lartë është një gjendje të jashtëzakonshme. Në KED jam zgjedhur për shkak të shortit dhe do e ushtroj
Kjo nuk është garë. Personat publikë duhet të jenë shumë seriozë. Unë nuk kam nevojë për vëmendje dhe nuk kam nevojë për publicitet. Unë jam gjyqtar, nuk kam nevojë për elektorat. Nëse ligji dhe kushtetuta më imponojnë të bëj një kallëzim penal, do ta bëj por nuk ka asnjë arsye.
Në këto moment që po flasim do të mblidhet KED. Sot është momenti i miratimit të kalendarit dhe mendoj se këshilli do të procedojë me intervistat e 5 kandidatëve për inspektor. Pas kësaj është procesi i zbardhjes së vendimeve dhe lista do ti çohet kuvendit. Unë nuk e di se kur përfundon agjenda e kuvendit, por ne do të bëjmë më të mirën që të krijojmë kushte që inspektori të emërohet sa më parë.", tha Dvorani.
Kreu i KED Ardian Dvorani është paraqitur në Prokurinë e Tiranës ku do të merret në pyetje lidhur me padinë që kreu i shtetit ka ngritur ndaj tij. Me një buzëqeshje nga kamerat dhe me duart në xhepa, Dvorani është futur në Prokurori në orën 10:00 të paradites së sotme.
10 anëtarët e Këshillit të emërimeve në Drejtësi do të merren në pyetje brenda javës në Prokurorinë e Tiranë për kallëzimin që kreu i shtetit ka bërë ndaj kreut të KED Ardian Dvorani. Meta e akuzon Dvoranin për shpërdorim detyre dhe përvetësim të titullit.
Lista e anëtarëve që do merren në pyetje në Prokurorinë e Tiranës
Anëtarët e Këshillit të Emërimeve në Drejtësi (Të Përkohshëm) 2019
1. Ardian Dvorani (Gjyqtar i Gjykatës së Lartë) -Kryetar
2. Vitore Tusha (Gjyqtare e Gjykatës Kushtetuese) - Zëvendëskryetare
3. Arta Marku (Prokurore nga Prokuroria e Përgjithshme)- Anëtare
4. Fatri Islamaj (Gjyqtar nga Gjykatat e Apelit)- Anëtar
5. Margarita Buhali (Gjyqtare nga Gjykatat e Apelit) -Anëtare
6. Fatjona Memçaj (Prokurore pranë Gjykatave të Apelit) - Anëtare
7. Eriol Roshi (Gjyqtar nga Gjykatat Admini strative) -Anëtar
Anëtarët Zëvendësues të Këshillit të Emërimeve në Drejtësi
(Të Përkohshëm) 2019
1. Medi Bici (Gjyqtar i Gjykatës së Lartë)
2. Gurali Brahimllari (Gjyqtar nga gjykatat e apelit)
3. Klodiana Veizi (Mema) (Gjyqtare nga gjykatat administrative)
Lajme të tjera
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Pse priti deri në fund Berisha, çfarë shpresonte?
22 Nëntor, 13:08
-
Gjykata Kushtetuese i rrëzoi ankimin, Berisha e sulmon: Trupë puçiste, vendimi pjesë e grushtit të shtetit! Njofton 26 nëntorin si protestën e radhës
22 Nëntor, 13:01 -
Dosja Partizani/ Berisha 326 ditë 'burg' në shtëpi, Bardhi i del në krah, i kërkon GJKKO-së: Hiqni 'arrestin shtëpiak'! Kryetari i PD-së mbrojti Kushtetutën, po e pengoni për fushatën
22 Nëntor, 12:02 -
Dosja 'Partizani'/ Gjykata Kushtetuese rrëzon Berishën dhe legjitimon SPAK: 'Për detyrimin me paraqitje' nuk nevojitej autorizimi i Kuvendit! 'Ndalimi jashtë shtetit' i panevojshëm! Masa 'arrest shtëpiak' shqyrtohet në seancë tjetër (VENDIMI)
21 Nëntor, 19:10 -
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
Nga Ylli Pata: Cilat janë pasojat politike të çështjeve penale ndaj Berishës dhe Metës?!
20 Nëntor, 20:53
-
Sekuestrimi i vilave të Kryemadhit/ Juristi Romeo Kara: Të shkulet me rrënjë kjo e keqe! Pa lënë pas dore partitë e tjera! Janë miliarda euro, t'i kthehen popullit
20 Nëntor, 18:08 -
Spahiu: Meta dhe Monika duhet ishin larguar vetë nga politika në 21 Janar pas videos me Dritan Priftin
20 Nëntor, 17:56
