POP 5

Lajmet më të lexuara të 5 minutave të fundit

Kultura

Pagat e artistëve të Teatrit Kombëtar, qëndrimi i drejtorisë e ‘kalvari’ i Statusit, Bora: Në ‘Opera’ i rriti Rama, pse ministrja gabon në arsyetim

Regjisori Armand Bora, një nga firmëtarët e kërkesës për rritje pagash të artistëve të Teatrit Kombëtar rrëfen zhvillimet prej 18 korrikut. Ai tregon se për ta rruga do të jetë më e vështirë se për artistët e ‘Operas’, pagat e të cilëve u rritën me vendim verbal të  kryeministrit. Artisti flet edhe për ‘ngërçin’ me statusin e artistëve

TIRANË- Është java e tretë, prej kur disa artistë të Teatrit Kombëtar bënë publike kërkesën e tyre për rritje pagash. Letra drejtuar kryeministrit Edi Rama e ministres së Kulturës Elva Margariti, erdhi  pas rritjes me 47-59 përqind të pagave të artistëve në TKOB. Nuk kemi pasur deri më tani një takim kolektiv me artistët, por në një nga shpjegimet e saj ministrja e Kulturës e lidh rritjen e pagës së artistëve të ‘Operas’ me buxhetin e rikonstruksionit të godinës.

“Ishte kthyer si përgjigje kryetarit të Sindikatës, që në buxhetin e rikonstruksionit të Teatrit të Operas dhe Baletit, zëri i rritjes së pagës së artistëve ishte minimal dhe se kishte qenë diçka e lehtë për t’u bërë. Më duket absurde, një logjikë as matematikore, as njerëzore, as artistike, sepse teatri i ri kombëtar që do të ndërtohet  mund ta ketë buxhetin shumë herë më të lartë se sa buxheti që u përdor për të rikonstruktuar Operan, atëherë i bie që pagat e aktorëve të rriten shumë herë më lart se sa aktorët e Teatrit të Operas. Nuk më duket normale kjo gjë”, thotë regjisori.

Në pritje të një përgjigjeje, deri në fund të gushtit, artistët e dinë se plotësimi i kërkesës së tyre nuk do të jetë i lehtë, edhe për faktin se për kolegët e ‘Operas’, vendimi u mor fillimisht, nga maja e hierarkisë qeverisëse.

“Unë shikoj vërtetë një problematikë në këtë mes. Sepse iniciativa për të ngritur rrogat, nuk ishte një iniciativë as e artistëve vetë, as e drejtorit të Teatrit të Operas së Baletit, as e Ministrisë së Kulturës, por ishte iniciativë e drejtpërdrejtë e kryeministrit. Të gjithë hallkat më poshtë kanë qenë në ‘ngërç’ dhe të papërgatitur për ti dhënë zgjidhjen formale. Dhe e kuptoj që kjo rrugë është shumë herë më e vështirë”, thotë ai.

Në mungesë të mendimit të tyre në letër, Bora tregon nëse në këtë nismë artistët do të kenë mbështetjen e drejtorit të Teatrit Kombëtar Hervin Çulit e Bordit Artistik.

“Padyshim edhe Sindikata në këtë rast quhet partner, si dhe drejtoria e Teatrit Kombëtar. Nuk besoj se këto institucione nuk do të kenë dëshirën për ta mbështetur këtë kërkesë”, thotë më tej.

Në 3 dekada kalvar përpjekjesh, e në mungesë të miratimit të Statusit të Artistit, rritja e pagës është vetëm një prej kërkesave që do t’i bënte ata të barabartë me kolegët jashtë vendit.

“Prej kryetarit të SIndikatës ka përpjekje për ta rihapur çështjen e Statusit në Ministri. Komuniteti i Artistëve ka prej ’90-ës deri më sot ka kaluar një kalvar të gjatë ligjesh, nën ligjesh dhe ç’është e vërteta është fatkeqësi që ne nuk arritëm të përpunonim një edukatë në përpunimin e këtyre dokumenteve”, shprehet Bora.

B.K./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • gjergji: 07/08/2022 17:04

    Detyra e shtetit eshte te siguroj mjetet e vendin e aktrimit ne kushtet optimale.Pagesat (sic behen ne cdo vend te botes) te kryhen mbi bazen e fitimit e kontibutin tend(te artistit) ne role te ndryshme,gjithenje sipas procedurave bashkore te kontatave. Ne kapitalizem shteti nuk eshte finantrop(sic duan aktoret),ai krijon kushtet e pershtateshme per te kryer aktivitetin tend artistik.Institucionet artistike zakonisht nuk jane buxhetore,se paku ne Angli apo Amerike.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Papët dhe jubilejtë: hapja e Derës Shenjte në histori

Papët dhe jubilejtë: hapja e Derës Shenjte në histori

25 Dhjetor, 07:31