POP 5

Lajmet më të lexuara të 5 minutave të fundit

Ekonomi

Pagat e reja/ Nga 110 - 130 mijë rroga mujore e këshilltarëve të jashtëm të Presidentit dhe ministrave! Nëse Rama angazhon konsulent të huaj paguhet deri në 1 mln lekë

Presidenti i Republikës, Kryeministri, zëvendëskryeministri, ministrat apo titullarët e institucioneve në varësi të tyre kanë të drejtë të kenë këshilltarë të jashtëm apo ndihmës të jashtëm. Por sa paguhet ky post? 

Pagat e reja/ Nga 110 - 130 mijë rroga mujore e këshilltarëve të jashtëm të Presidentit dhe ministrave! Nëse Rama angazhon konsulent të huaj paguhet deri në 1 mln lekë

Foto ilustruese

Presidenti i Republikës, Kryeministri, zëvendëskryeministri, ministrat apo titullarët e institucioneve në varësi të tyre, me qëllim realizimin me efektivitet dhe eficiencë të misionit dhe objektivave të institucionit, që drejtojnë, kanë të drejtë për të marrë këshillimin e duhur për çështje specifike, të kenë këshilltarë të jashtëm apo ndihmës të jashtëm.

Por sa mund të paguhet një këshilltar i jashtëm i një drejtuesi shteti?

Në fletoren zyrtare të 21 qershorit 2023 janë publikuar të kategorizuar paga e këtyre këshilltarëve të cilët emërohen nga vetë drejtuesit e institucioneve dhe pagesa përcaktohet nga ata

Paga më e lartë është ajo e këshilltarit të presidentit dhe e kryeministrit që shkon deri në masën 130 mijë lekë ndërkohë këshilltarët e jashtëm të titullarëve e institucioneve në varësi të Kryeministrit apo ministrave paga u shkon në masën deri në 110 000 (njëqind e dhjetë mijë) lekë në muaj.

Paga e Këshilltarit të jashtëm të presidentit të emëruar prej tij, deri në 130 000 (njëqind e tridhjetë mijë)
Paga e për këshilltarët e jashtëm të kryeministrit të emëruar prej tij, deri në 130 000 (njëqind e tridhjetë mijë) lekë në muaj
Paga për ndihmësit e jashtëm të kryeministrit deri në 120 000 (njëqind e njëzet mijë) lekë në muaj.
-Paga për këshilltarin e jashtëm të zëvendëskryeministri dhe ministrat, të emëruar prej tyre, deri në masën deri në 120 000 (njëqind e njëzet mijë) lekë në muaj
Paga për këshilltarët e jashtëm të titullarëve të institucioneve në varësi të Kryeministrit apo ministrave, të emëruar prej tyre, në masën deri në 110 000 (njëqind e dhjetë mijë) lekë në muaj.

Kryeministri me këshilltar të jashtëm shtetas i huaj

Ndërkohë kryeministri ka të drejtë të angazhojë këshilltarë të jashtëm edhe shtetas të huaj, ekspertë apo konsulentë të njohur ndërkombëtarisht me një pagesë jo më shumë se 1 milionë lekë në muaj.

“Përjashtimisht, Kryeministri ka të drejtë të angazhojë si këshilltarë të jashtëm edhe shtetas të huaj, ekspertë/konsulentë të njohur ndërkombëtarisht, me një pagesë jo më shumë se 1 000 000 (një milion) lekë në muaj, për një periudhë angazhimi jo më shumë sesa kohëzgjatja e mandatit të tij” thuhet në pikën 3 të vendimit nr 325, datë 31 maj 2023.

Sa paguhen ekspertët në institucione

Gjithashtu janë përcaktuar dhe pagat bazë mujore të nëpunësve në pozicionet “ekspertë”, në qendrat e ekselencës, pjesë e strukturës dhe organikës së institucioneve të administratës shtetërore.  

Në Kryeministri dhe aparatet e ministrive:  
Ekspert i kategorisë së parë, 153 000 (njëqind e pesëdhjetë e tre mijë) lekë në muaj;
Ekspert i kategorisë së dytë, 129 000 (njëqind e njëzet e nëntë mijë) lekë në muaj.

Efektet financiare, që rrjedhin nga zbatimi i këtij vendimi për pagat e reja, fillojnë nga data 1 prill 2023.

Me këtë vendim shfuqizohet vendimi nr. 187, datë 8.3.2017, i Këshillit të Ministrave, “Për miratimin e strukturës dhe të niveleve të pagave të nëpunësve civilë/nëpunësve, zëvendësministrit dhe nëpunësve të kabineteve në disa institucione të administratës publike”

Projektligji për rritjen e pagave u miratua më 25 maj 2023 dhe u dekretua disa ditë më pas nga presidenti Bajram Begaj. 

(Kliko këtu për të lexuar vendimet e plota)

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

3 Janar, 22:53