Në fletoren zyrtare të datës 21 qershor 2023, janë publikuar pagat e punonjësve të personelit shqiptar të misioneve diplomatike të Republikës së Shqipërisë në shtetet e huaja, në përfaqësitë ushtarake të Republikës së Shqipërisë pranë NATO-s, në organizatat ndërkombëtare dhe në shtabet ushtarake ndërkombëtare, si dhe të punonjësve të tjerë shqiptarë për kohën që shërbejnë si nëpunës ndërlidhës, si oficerë kontakti, si përfaqësues të ministrisë përgjegjëse për bujqësinë dhe si prokuror ndërlidhës pranë EUROJUST në Hagë, Holandë.
Kështu për një ambasador paga bazë për gradë/ funksion shkon në 3 530 euro ose 4 300 dollarë. Ndërsa konsullit të përgjithshëm i shkon në 2 730 euro ose 3 290 dollarë.
Ushtarakët në misione diplomatike
Janë përcaktuar dhe pagat për ushtarakët e Forcave të Armatosura, si dhe punonjësit civilë të sistemit të Ministrisë së Mbrojtjes për kohën që shërbejnë në misionet diplomatike të Republikës së Shqipërisë, në përfaqësinë ushtarake të Republikës së Shqipërisë pranë NATO-s, në stafin ndërkombëtar, stafin ushtarak ndërkombëtar, strukturën e komandës, strukturën e forcës, agjencitë dhe qendrat e NATO-s në organizatat ndërkombëtare dhe rajonale;
Kështu për një ushtarak me gradë Gj. Lejtnant që është në përfaqësinë e NATO-s paga bazë është 3 300 euro, ose 3 990 dollarë. Nëse ka gradën Gj. Major, paga bazë është 3 235 euro ose 3 850 dollarë. Për Gradën Gj.Brigade paga bazë është 3 025 euro ose 3 625 dollarë.
Në vendimin Nr. 324, datë 31.5.2023 e publikuar në Fletore zyrtare, paga e atasheut ushtarak nuk mund të jetë më e lartë se paga e punonjësit të personelit diplomatik me gradën “ministër këshilltar” në misionet diplomatike.
Në ratet kur ministri i Mbrojtjes, në marrëveshje me ministrin përgjegjës për punët e jashtme, për shkak të ngarkesës së punës, emëron edhe një ndihmës të atasheut ushtarak, paga e ndihmësit të atasheut ushtarak nuk mund të jetë më e lartë se paga e punonjësit të personelit diplomatik me gradën diplomatike “këshilltar” në misionet diplomatik
Trajtimi me pagë, fillon nga data e mbërritjes në vendin e punës.
Punonjësit kur shkojnë për herë të parë në vendin e punës, marrin si paradhënie një shumë në valutë, të barabartë me pagesën e 15 (pesëmbëdhjetë) ditëve, shumë që e shlyejnë brenda 6 (gjashtë) muajve nga data e fillimit të detyrës. Nëse transferohen në atdhe përpara mbarimit të këtij afati, kundërvlerën e paradhënies së mbetur e shlyejnë në monedhën kombëtare (lekë), sipas kursit të këmbimit valutor, brenda 6 (gjashtë) muajve nga data e kthimit në atdhe.
Gjithashtu ata mund të marrin dhe shtesë për koston e jetesës e cila varion nga 360 euro/dollarë në 180 euro/dollarë
Misioni i përhershëm në New York
Punonjësit e personelit diplomatik, të cilët shërbejnë në misionin e përhershëm të Republikës së Shqipërisë në Organizatën e Kombeve të Bashkuara, në New York, për një periudhë dyvjeçare të anëtarësisë së Republikës së Shqipërisë në Këshillin e Sigurimit, për periudhën deri më 15 janar 2024, përfitojnë një shpërblim mujor që varion nga 1 230 dollarë në 420 dollarë për atasheun.
Efektet financiare, që rrjedhin nga zbatimi i këtij vendimi, fillojnë nga data 1 prill 2023 dhe për vitin 2023 dhe përballohen: për sistemin e Ministrisë së Mbrojtjes, nga fondet e akorduara për këtë ministri, për këtë vit; ndërsa për institucionet e tjera, nga fondet e kontingjencës, të miratuara për vitin 2023.
Projektligji për rritjen e pagave u miratua më 25 maj 2023 dhe u dekretua disa ditë më pas nga presidenti Bajram Begaj.
(Kliko këtu për të lexuar vendimet e plota)
Lajme të tjera
-
Kryebashkiakja e Durrësit rrit pagën e saj dhe të bashkëpunëtorëve mbi 50 për qind! PD kundër: Diskriminuese
4 Nëntor, 15:54
-
Pagat e reja për Forcat e Armatosura! Nga forcat speciale deri te mjekët e infermierët e ushtrisë, ja shtesat dhe 8 kategoritë që përfitojnë
13 Tetor, 12:04 -
Drafti/ Paga minimale do rritet përsëri, ndryshon edhe tatimi mbi rrogat
23 Shtator, 08:42 -
Nëndeklarimi i pagave, qeveria plan me 7 masa! Në ‘lupë’ çdo rrogë deri te orët shtesë, do të përdoret teknologjia dhe kontrollet ‘blic’
22 Shtator, 12:42
-
Nga kryekuzhinieri tek administratori i vilës 30! Nga 1 shtatori shtesat e reja të pagave për punonjësit e drejtorisë së Shërbimeve Qeveritare
21 Shtator, 08:20 -
Indeksimi nuk mjafton, pensioni mesatar sa minimumi jetik, vetëm sa 25% e rrogës mesatare! Nëndeklarimi i pagave thellon hendekun paga-pensione
20 Shtator, 16:05
-
Paga mesatare në Shqipëri 75.114 lekë, në shtet 15 mijë lekë më e lartë se në privat! Bizneset dorështrënguar në paga dhe pse s’kanë punonjës
10 Shtator, 20:16
-
Eurostat: Edhe pas rritjeve, paga minimale në Shqipëri mbetet më e ulëta në Europë, sipas fuqisë blerëse
5 Shtator, 14:40 -
42 mln euro për indeksimin e pagave të administratës, eksperti: Rrogat nuk rriten kur je keq, rishikim çdo vit! Inflacioni ka goditur konsumin
2 Shtator, 21:15
-
Nga largimi i të rinjve, rrezikojmë të mbetemi edhe pa fuqi punëtore. Për bizneset, zgjidhje mbetet rritja e pagës mesatare në 1 mijë euro
10 Gusht, 09:06 -
Policia e burgjeve e paqartë dhe e pakënaqur me rrogat e reja! Policët: Nuk na shkon 900 euro! Ja sa u rritën pagat
9 Gusht, 16:47
-
Pagat sipas profesioneve në 2023! Teknologjia e Informacionit dhe Forcat e Armatosura, me rritjen më të madhe
8 Korrik, 09:41
