TIRANE-Hapja e disa bizneseve dhe taksive pas 47 ditësh karantinë ka shtuar fluksin e lëvizjes në kryeqytet, por edhe qytetet e tjera të vendit. Taksitë lejohen që të punojnë deri në orën 17:30. Gazetari i Report Tv Arsen Rusta bëri sot në Tiranë një vëzhgim sa po i respektojnë rreth 2 mijë taksitë që punojnë në kryeqytet, 19 pikat e vendosura nga qeveria? Në vëzhgimin e disave prej tyre që bëri Report Tv, jo të gjithë i respektonin.
Shërbimi taksi është hapur prej orës 05:00, ku rezulton se ka një ndërgjegjësim të pjesshëm, taksistë që i kanë vendosur dezinfektantët dhe njoftimet e lajmërimeve, por ka edhe nga ata që nuk i respektojnë, që vendosin maskat sapo shohin kamerat. Ata shprehen se nuk kanë pasgjerë dhe prandaj nuk i kanë vendosur maskat dhe dorezat. Por edhe pasagjerë që nuk i vendosin maskat apo xhamin nuk e mbajnë hapur.
Por, taksistët nuk janë të treguar aspak të kujdesshëm edhe me njëri tjetrin, pasi në momentin që presin pasagjerët nuk respektojnë masat e distancimit social duke qëndruar bashkë të gjithë duke biseduar. Por pyetja që lind është se cili institucion i kontrollon taksistët si po i respektojnë masat?
Një taksist i tha Report Tv se masat i kanë marrë por nuk kanë pasagjerë dhe pavarësisht se kanë disa orë që kanë dalë në punë, nuk kanë bërë asnjë rrugë. Ai tha se pagën e luftës ende nuk e kanë marrë. "Sot kemi dalë në 07:00, akoma nuk e kemi bërë bismila. Asgjë deri tani, shumë biznese nuk punojnë, njerëzit nuk kanë dalë. Dalin me orare, edhe atë orë dalin për pazarin por te taksinë nuk vijnë. Masat i kemi marrë të gjithë, që ti lexojë edhe pasagjeri.
Do të rri deri në 17:30, u futa te e-albania për të kërkuar për të qëndruar më shumë por nuk japin. Në një situatë tjetër deri tani, ora 10:45 do i kishim bërë dy rrugë, por të paktën gëzohem se dolëm nga izolimi dhe jemi mirë. Këtë kohë vetëm brenda. Kemi aplikuar për pagën e luftës, vajta dje në bankë por nuk ka dalë. Na thanë do u lajmërojmë me SMS. U ankuam te ekonomistja jonë, ajo na tha se i kanë takimet në dorë. Rritje çmimi apo ulje? Ajo është me taksimetër, nuk ka as ulje as ngritje, sikur ka qenë është" tha njëri prej tyre.
Nga vëzhgimi i Report Tv rezultoi se jo të gjithë taksistët i respektojnë masat. Por përse? "Nuk nevojiten se nuk ka njeri për të hipur, nuk e kthen njeri kokën. Rrimë këtu ruajmë makinat. Të gjitha taksitë xhiro janë kot harxhojnë karburant. Këtë periudhë, pushime, ha, pi, regjim shtrati. Po pagën e luftës? Kur të çlirohet Shqipëria. Masat i kemi marrë po ku janë njerëzit? As lekë asgjë" tha një taksist për Report Tv.
Lajme të tjera
-
Komiteti i Ekspertëve nuk vendos testin për pasagjerët nga Kina: Sugjerojmë doza të treta dhe të katërta të vaksinës kundër COVID-19
30 Dhjetor 2022, 16:08 -
1 humbje jete dhe 23 raste të reja! Situata Covid-19 në vend gjatë 24 orëve të fundit
23 Dhjetor 2022, 20:40 -
Një humbje jete nga covid dhe tre raste të reja brenda 24 orëve të fundit
19 Dhjetor 2022, 19:56 -
Marrëveshja me Pfizer për 700 000 doza vaksina të rialokuara, Alibeaj skeptik: Pse duhet me urgjencë, është kërkesë e Pfizerit, jo e jona
5 Dhjetor 2022, 15:21 -
17 raste të reja me Covid në të gjithë vendin! Asnjë humbje jete dhe 7 të shëruar brenda 24 orëve të fundit
4 Dhjetor 2022, 17:58 -
Ekonomia e shqiptare, 'Moody-s': Me perspektivë të qëndrueshme! Ulja e borxhit, klima e biznesit me ecuri pozitive! Rrezik, importi i energjisë dhe PPP-të
1 Dhjetor 2022, 19:15
-
17 raste të reja nga 395 testime të kryera në vend! Asnjë humbje jete dhe 6 të shëruar në 24 orët e fundit
1 Dhjetor 2022, 18:26 -
Turizmi në Shqipëri, mbi 6.7 milionë të huaj për 10 muajt e parë të vitit! Ja nga cilat shtete ka rritje më të madhe të turistëve
1 Dhjetor 2022, 16:40 -
Situata Covid-19 në vend! 5 raste të reja dhe asnjë humbje jete në 24 orët e fundit
30 Nëntor 2022, 18:00 -
Raporti i OKB: Shqipëria me rritjen më të madhe të turistëve të huaj në 7 muajt e parë të 2022, krahasuar me 2019-n! Turizmi po tejkalon ndikimet e COVID-19
28 Nëntor 2022, 15:13 -
6 të infektuar nga 381 testime të kryera! Asnjë humbje jete dhe 14 të shëruar! Situata Covid-19 në vend në 24 orët e fundit
26 Nëntor 2022, 18:06 -
Asnjë humbje jete dhe 11 persona të infektuar në të gjithë vendin! Situata Covid-19 gjatë 24 orëve të fundit
23 Nëntor 2022, 17:29
