Qeveria po ndërhyn në një VKM me qëllim që të mundësojë pagesën e transportit për mësuesit që punojnë jashtë bashkisë ku jetojnë. Ministrja e Arsimit, Evis Kushi e ftuar në Report Tv tha se aktualisht pagesë për transport marrin vetëm ata mësues të cilët banojnë 5 deri në 50 km nga shkolla ku punon, por duhet të jetë brenda bashkisë.
E ftuar në emisionin ‘Sot Live në Shqipëri’ me gazetarin Nertil Agalliu, ministrja tha se po ndërhyhet në mënyrë që t’iu jepet zgjidhje këtyre rasteve, një prej të cilit e ka denoncuar edhe Report Tv, ku mësuesit e Roskovecit nuk marrin pagesën për transport pasi japin mësim në Fier.
Sipas ndryshimeve që do të bëhen në VKM që do të futen shumë shpejt në fuqi, Kushi tha se pagesën e transportit do ta përfitojnë edhe ata mësues që japin mësim 50 km larg banesës ku jetojnë, ndonëse shkolla mund të jetë në një bashki tjetër.
“Po e zgjidhim sipas VKM. Një mësues paguhet nëse banon 5 deri në 50 km nga shkolla ku punon por duhet të jetë brenda bashkisë. Nëse distanca është 50 km, por është nga një bashki tjetër, nuk i merr paratë. Po e korrigjojmë, kemi në pritje të mendimit nga ministritë e tjera. Po e heqim kriterin që duhet të punojë dhe jetojë brenda së njëjtës bashki. Do ta përfitojnë pagesën e transportit nëse distanca deri në 50 km, edhe nëse nuk jetojnë në të njëjtën bashki ku punojnë. Shumë shpejt do futet në fuqi”, tha Kushi.
Ndërkohë, ndalur në kërkesat e pedagogëve, për rritje page, Kushi nuk ua ka mbyllur derën duke thënë se po i shohin këto kërkesa dhe në bahskëpunim me ta do të gjejnë një zgjidhje.
“Ne jemi duke i adresuar të gjitha kërkesat e pedagogëve. Qoftë ata të protestave, por të të gjithë rektorëve dhe pedagogëve të tjerë. Ne i rritëm pagat me 15%. 7 nga shteti dhe 8% nga vetë universitetet. Mbështetja jonë do të vazhdojë. Të gjitha kërkesat që kanë, ne po trajtojmë dhe javën e ardhshme kam një seancë dëgjimore në komisionin e edukimit për të adresuar këto probleme. Në bashkëpunim dhe me ata po i adresojmë”, u shpreh Kushi në Report Tv.
Ministrja u ndal edhe tek ngrohja e shkollave, pasi këtë javë vendi ynë është përballur me temperatura shumë të ulëta. Kushi tha se vetëm 28 shkolla janë që nuk kanë ngrohje dhe po bashkëpunojnë me bashkitë për të gjetur zgjidhje. Ajo theksoi se deri më tani asnjë shkollë nuk është mbyllur për shkak të kushteve atmosferike.
“Bashkitë po përpiqen që edhe aty ku ka mungesa ti plotësojnë me pajisje ngrohëse, kaldajë kondicioner. Bashkitë merren në mënyrë të drejtpërdrejtë. 28 shkolla që nuk kanë ngrohej, ka dhe shkolla ku ose kaldaja ka nevojë për riparime ose shitemi elektrik është ia amortizuar dhe nuk e pranon që të përdoren shumë pajisje ngrohëse në të gjithë kohën. Po punojmë në bazë të prioriteteve, aty ku nevojat janë më të mëdha, aty do ndërhyjmë më përpara. Ne bashkëpunojmë, ministria çdo vit ka buxhet për të financuar infrastrukturë shkollore”, vijoi Kushi.
Ndërkohë, ministrja bëri me dije se në të gjithë vendin mësimi po bëhet me dy turne në 92 shkolla dhe pjesa më e madhe e tyre është në Durrës, për shkak të rindërtimit.
"92 shkolla e zhvillojnë me turne, mbi 60 në Durrës, sidomos ato që po rindërtohen nga tërmeti. Të tjerat në shkolla për shkak të numrit të lartë të nxënësve. Në tiranë shkollat e reja, vitin e kaluar janë rindërtuar 12 shkolla të reja, janë me kapacitete më të larta, se i kërkon për momentin ajo zonë. Po i ndërtojmë për një perspektivë disa vjeçare", tha ministrja.
Komente
Lajme të tjera
-
Dyrnjaja për Report TV: Njerëzit afër Berishës dhe djalit të tij marrin leje për kulla, sapo kanë marrë dhe një tjetër në Tiranë! Ai është komod në opozitë
26 Nëntor, 15:20 -
Vrasja e biznesmenit Reçi/ Dervishi në ‘Sot, Live në Shqipëri’: Një polic që trajnohet t’i zgjidhë konfliktet e qytetarëve, por që vetë vepron ndryshe!
26 Nëntor, 14:36 -
Operacioni i SPAK/ Dervishi në Report TV: Organizata vepronte si mafia lokale, bllokonte politikën, Policinë dhe Drejtësinë! Roli i gazetarëve ende i paqartë
26 Nëntor, 13:52 -
Protestë për vrasjen e Martinit para Ministrisë së Arsimit, kërkohet dorëheqja e ministres! I pranishëm babai e gjyshi i 14-vjeçarit: Drejtësi deri në fund
25 Nëntor, 17:07 -
Fjalori i ri i gjuhës shqipe/ Gazetarja Blerina Goce: U drejtohet të gjithëve! Studiuesja Toska: Shqipja duhet të jetë gati të eci me ritmin e teknologjizimit
25 Nëntor, 14:41 -
Vrasja e 14 vjeçarit, Edmond Dragoti në Report Tv: Ngjarje të tilla, ndërgjegjësojnë opinionin! Komunikimet online po krijojnë një shoqëri të sajuar, shqiptarët po shfaqin probleme mendore
25 Nëntor, 14:11 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
'30% e përdoruesve të TikTok në vendin tonë 13-27 vjeç', Eksperti IT në Report Tv: Mbi 890 mijë shqiptarë! Ja cilat janë procedurat që ndiqen nëse do mbyllet
22 Nëntor, 14:23 -
Rrebeshe e shtrëngata në gjithë vendin, Gjoni për Report Tv: Nga mesdita e së shtunës ikin reshjet, por ulen temperaturat
22 Nëntor, 12:57 -
VIDEOLAJM/ ‘Ik, zhduku’, kush i provokoi nga brenda Ministrisë së Arsimit qytetarët që po protestonin për vrasjen e Martin Canit
21 Nëntor, 16:36
E dashur Kushi, ministria qe drejtoni eshte cope-cope. Librat e shkollave jane te keqpershtatur, mesuesit jane me mesatare 6 dhe ngrohja mungon zonje e nderuar. Si keni ndermend te zgjidhni situaten?
Përgjigju