Viti elektoral 2019, gjatë të cilit partitë politike do të kenë ndeshjen e radhës për bashkitë, sjell edhe lehtësim të taksave për sektorë të caktuar të biznesit. Kjo është vënë në dukje dje, gjatë takimit që ka zhvilluar ministri i Financave dhe Ekonomisë Arben Ahmetaj më përfaqësues të sipërmarrjes private.
Këto masa pak a shumë janë thënë kohët e fundit në moment të ndryshme nga anëtarë të qeverisë apo edhe nga vetë kryeministri, dhe kanë të bëjnë me incentive që parashikohet të hyjnë në fuqi nga fillimi i vitit të ardhshëm.
Taksa kryesore, ku parashikohet të ndërhyhet më amendimin përkatës në legjislacion, është tatim fitimi. Vitin e ardhshëm mendohet që 56% e bizneseve të jenë të përjashtuara nga kjo taksë, ndërkohë që 28% të tjera të taksohen në masën 5% të fitimit të deklaruar. Ndërkohë që vetëm 16% e bizneseve të mëdha të regjistruara do të paguajnë tatim fitimi në masën 15%, norma më e lartë e parashikuar nga ligji. Kjo përputhet me logjikën e diferencimit progresiv të barrës së taksave, që, sipas këndvështrimit qeveritar, duhet të rëndojë më shumë mbi ata që fitojnë më shumë, individë apo biznese.
Aktualisht paguhet 15 për qind për xhiro nga 8.000.001 lekë në vit dhe 5 për qind për xhiro me vlerë deri në 8.000.000 lekë. Qeveria do të sjellë në Kuvend draftin që bizneset me xhiro deri në 14 milionë lekë në vit të paguajnë 5% tatim fitim. Ndërsa për ato mbi këtë nivel, tatimi do të jetë 15%. Gjithashtu, është vendosur që edhe për kooperativat bujqësore, ose ndryshe bashkimin e fermerëve, tatim fitimi të ulet në 5%. Po kaq do të jetë ky tatim edhe për bizneset në agroturizëm.
Turizmi dhe agroturizmi do të incentivohen edhe me lehtësim të Tatimit mbi Vlerën e Shtuar. Draftet parashikojnë normë të reduktuar të TVSH-së prej 6% për shërbimet e akomodimit, ushqimit apo veprimtarive të tjera, që ofrohen nga subjekti i licensuar agroturistik. Sektori i agroturizmit do të jetë një ndër prioritetet e vendit, me qëllim zhvillimin e turizmit në zonat rurale, e shoqëruar kjo edhe me nxitjen e prodhimit dhe tregtimit të produkteve lokale të zonës, theksojnë burime pranë dikasterit të Financë/Ekonomisë. Norma e reduktuar e tatimit mbi fitimin 5% do të aplikohej për një periudhë 10-vjeçare për ato struktura, të cilat përfitojnë statusin “subjekt i çertifikuar agroturizmi” deri në dhjetor 2021. Efektet e normës së reduktuar fillojnë në vitin pasardhës pas përfitimit të statusit “subjekt i çertifikuar agroturizmi”.
Nuk përjashtohen nga vëmendja bizneset e sektorit të bixhozit. Për lojrat e fatit drafti bën një riformulim më të saktë të ligjit për atë se çfarë do të quhen të ardhura bruto nga loja, duke specifikuar se taksimi do të bëhet pas zbritjes së fitimit nga loja. Në paketën fiskale janë parashikuar lehtësi edhe për investimet në fushën e energjisë diellore.
Ndërkohë që, sa u përket taksave vendore, mendohet që të propozohet aplikim i përjashtimit nga taksa e ndikimit në infrastrukturë e ndërtimeve që bëhen në agroturizëm nga personat e pajisur me certifikatë për veprimtari agroturistike. Në këtë mënyrë, biznesi i agroturizmit stimulohet me të njëjtat instrumenta që u përdorën për stimulimin e turizmit elitar me 5 yje.
Paketa fiskale pritet t’i nënshtrohet një procesi konsultimi me biznesin. Por, vlen të theksohet se përjashtimet fiskale që qeveria ka bërë për disa sektorë, në kundërshtim të qartë me rekomandimet e Fondit Monetar Ndërkombëtar. Në raportin e FMN-së për Shqipërisë, publikuar pak ditë më pare, mbizotëronte këshilla se qeveria nuk duhet të bënte përjashtime fisjkale, përkundrazi, të rriste nivelin e taksave në disa sektorë, si garanci për buxhetin dhe financat publike në tërësi.
Lajme të tjera
-
Dosja 'Buka', Avokatët e Ahmetajt kërkojnë pushimin e çështjes, SPAK kalimin për gjykim! GJKKO vendos më 18 nëntor
4 Nëntor, 11:45
-
Afera e Inceneratorëve/ SPAK shtyn me 3 muaj afatin hetimor për ish-zv/kryeministrin Arben Ahmetaj, i mbyll më 22 Dhjetor
23 Shtator, 11:19 -
Në kërkim nga SPAK, Arben Ahmetaj shijon pushimet në shoqërinë e Vangjel Dules në Zvicër! Gazetari nxjerr foton: Po bëjnë plane si të çajnë Çetën e Dibrës
23 Gusht, 20:48 -
Nxjerrja e Ahmetajt si viktimë, ndihma më e madhe që mund t'i jepet çdo të korruptuari
30 Korrik, 14:33
-
Kryeministri më jetëgjatë me ministrat e Financave më jetëshkurtër
30 Korrik, 09:55 -
Ndryshimet në qeveri, Meta: Larje hesapesh brenda PS, Rama frikë nga ‘dëshmia’ e Ahmetajt! Vëngu me nënshtetësi greke? Mund të punojë kundër çështjes së detit
29 Korrik, 13:54 -
Mero Baze: Intervista e Ahmetajt si zhurmuese e pazarit për Kodin e zgjedhjeve
27 Korrik, 21:09
-
Inceneratori i Tiranës/ 8 urdhërarreste, asnjë i ekzekutuar! Mbështetësi i Ahmetajt me të tjerët pastruan 20 mln euro! SPAK: Zoto e Mërtiri ‘kokat’ e grupit kriminal
16 Korrik, 13:05 -
SPAK i firmosi urdhërarrest/ Ilir Dedja, biznesmeni nga Kavaja, doli garant për Arben Ahmetaj në Zvicër. I punësoi gruan Erjolën, me pagë 9 mijë franga në muaj
13 Korrik, 11:52 -
Inceneratori i Tiranës, SPAK lëshon 8 urdhër-arreste, mes tyre edhe mbështetësi i Arben Ahmetajt në Zvicër! Janë firmosur dhe masa të tjera sigurie (EMRAT+ AKUZA)
13 Korrik, 09:50
-
'21 janari', Dumani: Do ta hetojmë, zbatojmë vendimin e Gjykatës së Lartë! Afera 'Partizani'? Kreu i SPAK: Berisha nën hetim pasuror (E PLOTË)
8 Korrik, 11:41 -
Në kërkim për inceneratorët, SPAK zgjat me 3 muaj afatet hetimore për Arben Ahmetaj
24 Qershor, 12:11
