Ministrja Shahini ishte sot e pranishme në Universitetin "Ismail Qemali" Vlorë, ku së bashku me Administratorin e Postës Shqiptare Z. Laert Duraj, rektorin e universitetit, deputetët e Qarkut Vlorë etj. kanë ndjekur procesin e shpërndarjes së kartës për studentët e këtij universiteti.
Pak kohë më parë, MASR zyrtarizoi bashkëpunimin me Postën Shqiptare, falë të cilit kjo e fundit do të prodhojë dhe shpërndajë kartën për studentët e universiteve publike jashtë Tiranës duke ofruar shërbime publike e private me çmime të reduktuara.
Ministrja Shahini theksoi se tashmë projekti ka filluar të zbatohet sipas detajeve të paracaktuara në bisedimet e bëra gjatë verës me Postën Shqiptare.
“Ky shërbim përfshin jo vetëm ata studentë që janë në Tiranë, por edhe ata që janë në rrethe të tjera. Në këtë kartë do të integrohen të gjitha shërbimet që mund të merren me ulje çmimi për studentët: si shërbimet e siguruara me marrëveshje ministrore në nivel kombëtar, ashtu dhe marrëveshjet me bashkitë apo kompani të ndryshme private", u shpreh ajo.
Ajo theksoi se jeta studentore është e shtrenjtë ngaqë nuk kanë të ardhura të mjaftueshme. Prandaj janë bërë përpjekjet maksimale për të lehtësuar shpenzimet e tyre.
“Çdo shërbim apo produkt që studentët marrin me ulje çmimi i ndihmon ata në lehtësimin e barrës financiare për ata dhe familjet e tyre. Të njëjtin proces do ta organizojmë edhe në rrethet e tjera, por jam e lumtur që e hapëm këtë projekt në Vlorë”- është shprehur Shahini.
Ndërsa Administratori i Postës Shqiptare, Z. Laert Duraj, u shpreh:
"Ky është hapi i parë në konkretizimin e marrëveshjes midis MASR dhe Postës Shqiptare, në përputhje me qasjen e re të Qeverisë Shqiptare për studentët dhe Postës Shqiptare për klientët e së ardhmes. Përmes kësaj karte, përveç lehtësirave që do të ofrohen nga pushteti qendror dhe ai vendor, Posta Shqiptare do të ofrojë edhe lehtësira për shërbimet bazë që ofron duke synuar që kësaj pakete t'i shtohen së shpejti edhe aktorë të tjerë të tregut, publik apo privat. Qëllimi final është të mundësohen transaksione elektronike kombëtare dhe ndërkombëtare pèrmes llogarive virtuale të studentëve".
Lajme të tjera
-
Lënë mësimin, studentët e Shkencave Sociale dalin në protestë: 'Pakti për Universitetin' nuk u realizua! Edhe te 'Shkencat e Natyrës' pati bojkotim të leksioneve
15 Mars 2022, 15:55
-
Skadimi i kartave të identitetit, Çuçi : Asnjë qytetar nuk do të mbetet pa votuar! Thirrje partive politike: Nuk do të tolerohet askush që shkel rregullat anti-COVID
22 Shkurt 2021, 12:06 -
Pakti për Universitetin/ Ina, studentja ekselente e cila u punësua nga platforma 'Punë të Mbarë'
17 Shkurt 2021, 14:01 -
Qindra qytetarëve në Fier u kanë skaduar kartat e identitetit, kryebashkiaku Subashi u bën thirrje: Aplikoni që të ushtroni të drejtën për të votuar
2 Shkurt 2021, 14:48 -
Pamje me dron/ Si duket nga lart kantieri i konvikteve në Universitetin Bujqësor, do strehohen 2200 studentë (VIDEO)
27 Janar 2021, 08:03 -
8 godina për 2200 studentë! Rama në kantierin e konvikteve të Universitetit Bujqësor: Ndryshim radikal
26 Janar 2021, 16:50 -
KQZ apel qytetarëve: Rinovoni kartat ID, verifikoni emrat në listat e zgjedhësve
20 Janar 2021, 12:42 -
Pas Yuri Kim edhe ambasadori i BE-së, Soreca takim me Celibashin, thirrje shqiptarëve: Rinovoni kartat ID për të votuar më 25 prill
20 Janar 2021, 10:23 -
Zgjedhjet e 25 prillit, 1 mln shqiptarë pa karta ID! Apeli i Yuri Kim: Merrni letërnjoftimin e ri që të votoni, mos prisni minutën e fundit
6 Janar 2021, 13:16 -
Pakti për Universitetin/ ministrja Kushi: 210 të punësuar nga Programi Kombëtar i Praktikave të Punës
23 Nëntor 2020, 14:57 -
Skadimi i kartave ID, qeveria shtyn afatet deri në përfundim të gjendjes së epidemisë
11 Qershor 2020, 12:46 -
Nga e hëna hapen zyrat për të marrë ID dhe pasaportën! Lleshaj: Qytetarët do njoftohen për të lënë orarin, që të shmangen grumbullimet
10 Prill 2020, 13:11
