Dita botërore e bletëve, Gjeçi: Nuk do mungojë mbështetja financiare për këtë sektor

Dita botërore e bletëve mblodhi në Lezhë bletar nga të gjithë Shqipëria, Kosova dhe lugina e Presheves. Përmes një panairi ata ekspozuan produktet e bletës, ndërsa u përcoll mesazhi për të bashkërenduar përpjekjet për ruajtjen dhe kultivimin e bletëve.

Të pranishëm në këtë aktivitet ishin autorite lokale dhe qëndrore. Kryebashkiaku i Lezhës, Fran Frrokaj, tha se dikasteri që ai drejton do të vijojë mbështetjen ndaj aktiviteteve të tilla.

Bashkia ka qenë dhe do të jetë gjithmonë një institucion i hapur ndaj evenimenteve të tilla, më vjen mirë që ky eveniment filloi me Lezhën. Faleminderit të gjithëve, shpresoj që të keni mbarësi në aktivitete të tilla. Një nga gjallesat më productive të globit ka festën sot.

Kryebashkiaku i Lezhës, Fran Frrokaj

Zëvëndësministrja e Bujqësisë dhe Zhvillimit Rural, Ermira Gjeçi, tha se nuk do të mungojë mbështetja financiare për sektorin e bletërritësve.

Ministria e Bujqësisë ka qenë dhe do të jetë gjithmonë në mbështetje dhe në komunikime shoqatat e bletërritësve. Unë dua të ndaj me ju të dhënat e fundit që kemi nga aplikimet për mbështetje financiare në sektorin e bletërritësve dhe hapet program i IPARD-it, janë fondet e BE-së që ka masë edhe për bletarritësit. E dyta që dua t’u njoftoj sot, është që ne po merremi me problemet e shqetësimet që ju keni ngritur në ministrinë e Bujqësisë.

Ermira Gjeçi, Zv\Ministre e Bujqësisë dhe Zhvillimit Rural

Aktiviteti për ditën botërore të bletëve u mbyll me një konference shkencore mbi rëndësinë që kanë bletët.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Qeveria shtyn zbatimin e fashës 800 kWh për çmimin e energjisë, mendoni se është zgjidhja e duhur?



×

Lajmi i fundit

Derbi Tirana-Partizani, ja momentet më spektakolare të ndeshjes

Derbi Tirana-Partizani, ja momentet më spektakolare të ndeshjes