POP 5

Lajmet më të lexuara të 5 minutave të fundit

Ekonomi

Drejt Punës

Pandemia dëmton eksportin e livandos së Gramshit në Europë, kultivuesit: Çmimi ka rënë ndjeshëm

Era e livandos ndihet që në rrugë që vjen nga fushat e Gramshit, ku është mbjellë.

Fermerët e Gramshit që prej vitesh kultivojnë bimë e rrallë mjekësore të livandës këtë vit ndodhen në vështirësi ekonomike. Ata shprehen se çmimi i ka rënë ndjeshëm pasi mbyllja e kufijve ka penguar që livandoja e Gramshit të eksportohet si çdo vit drejt Gjermanisë, Francës e Suedisë. 

Është pikërisht korriku, muaji kur mblidhen lulet të cilat më pas thahen dhe bëhen gati për tregtim.

Të qëndrosh pak orë mes këtyre fushave lejla është mrekulli në vete, por kultivimi i tyre dhe qëndrimi çdo ditë në diell për mbledhur lulet është një punë e mundimshme.

“Ne e kemi shitur me 120 lekë. Edhe 160 lekë të reja. Sivjet nuk e dimë çmimin. Shumë vështirë është tani në vapë. Ka më shumë interes nga livando", tha një fermer.

Fermerët e fshatrave të Gramshit vitet e fundit janë fokusuar tek kultivimi i bimëve mjekësore e aromatike. E tillë është edhe livandoja me përdorim të gjerë në kozmetikë e mjekësi.

Në fillim, thonë fermerët, çmimi i ishte i kënaqshëm se lulja shitej me 400 lek për kilogram, por tashmë çmimi ka njohur vetëm rënie. Grumbulluesit këtë vit e blejnë livandon tek fermerët e Gramshit për 100 deri në 160 lek/kilogramin.

“Me livandon faktikisht filluam se ishte me çmim të mirë, pastaj ra me 100 lekë. Vijnë këtu i marrin. Ato marrin lekun tonë. Kemi mbjellë edhe lule ‘zjarri’. Na thanë se do e marrin me 500, por se sa do e marrin pastaj nuk e di", tha një tjetër.

Ata janë të pakënaqur nga luhatja e çmimeve, por gjithsesi livando mbetet një nga kulturat më fitim-prurëse, madje krahasuar edhe me grurin.

Livandoja e Gramshit shkon e gjitha për eksport si në Gjermani, Francë e Suedi. 

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Gili dhe Redoni tërhiqen nga gara, Egli në lot, ja si reaguan banorët e tjerë

Gili dhe Redoni tërhiqen nga gara, Egli në lot, ja si reaguan banorët e tjerë

26 Dhjetor, 14:58