POP 5

Lajmet më të lexuara të 5 minutave të fundit

Ekonomi

Pandemia uli numrin e azilkërkuesve në vend, Shqipëria e preferuara e sirianëve dhe e irakienëve

Pandemia COVID-19 dhe mbyllja e kufijve ka ulur numrin e azilkërkuesve që kanë tentuar të hyjnë në Shqipëri gjatë vitit të kaluar. Sipas raportit të INSTAT në numri i azilkërkuesve u ul me 66%. Ndërkohë numri më i lartë i azilantëve është nga Siria dhe Iraku

Mbyllja e kufijve si pasojë e pandemisë COVID-19, ka ulur edhe numrin e aplikimeve të kryera për azilkërkues në Shqipëri. Sipas të dhënave të INSTAT në vitin 2020 rezultojnë 2.232 azilkërkues në Shqipëri, duke pësuar rënie me 66,0 %, krahasuar me vitin 2019.

Ndërkohë numri i azilkërkuesve femra është 501, ndërsa i meshkujve është 1.687, pra meshkujt dominojnë me 75,6 % të numrit gjithsej të azilkërkuesve. Shqipëria vijon të jetë vendi i preferuar për shtetas me origjinë nga Siria dhe Iraku, pasi 54.4% e aplikimeve janë bërë nga këta shtetas.

“Duke analizuar vendin e origjinës së azilkërkuesve, kuptojmë se shumicën e rasteve e përbëjnë ata me origjinë nga Siria me 876 azilkërkues, Iraku me 339 azilkërkues, Afganistani me 316 azilkërkues dhe nga Maroku me 297 azilkërkues”, thuhet në raportin e INSTAT.

Sipas raportit gjatë vitit të kaluar janë dhënë vetëm 4 vendime pozitive për dhënie të statusit të refugjatit dhe statusit të mbrojtjes plotësuese për azilkërkuesit, ku të gjithë këto raste i përkasin shtetasve nga Siria.

Nga ana tjetër pandemia ka ndikuar edhe tek numri i marrjes dhe lënies së shtetësisë. Bazuar në raport thuhet se gjatë vitit 2020 rezultojnë 423 persona të cilët kanë fituar shtetësi shqiptare, duke pësuar rënie me 12,8 %, krahasuar me vitin 2019, ndërsa kanë lënë shtetësinë 513 persona përsëri me rënie me 30,8 %, krahasuar me vitin 2019.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Penguan qarkullimin e makinave gjatë tubimit para Bashkisë, nën hetim 7 protestues! Policia: Vendosën një automjet në mes të rrugës

Penguan qarkullimin e makinave gjatë tubimit para Bashkisë, nën hetim 7 protestues! Policia: Vendosën një automjet në mes të rrugës

11 Janar, 13:37