POP 5

Lajmet më të lexuara të 5 minutave të fundit

Arkiva

Parapraket: Shkodra braktis të
djathtën,LSI 1 mandat të sigurtë

LSI siguron një mandat të sigurtë dhe përpiqet për të dytin, ndërkohë që Partia Demokratike merr vetëm një deputet më shumë se PS. Fiton edhe një demokristian “i majtë”
Parapraket: Shkodra braktis të<br />djathtën,LSI 1 mandat të sigurtë
SHKODER - Kur kanë mbetur gati 30 kuti pa u numëruar koalicioni i majtë vazhdon drejt konfigurimit të fitores në qarkun e Shkodrës, të njohur si bastioni i së djathtës.

Qytetarët kanë zgjedhur të jenë kritikë me një qeveri dhe një koalicion të djathtë, që humbi besimin e zgjedhësve në mbarë vendin, përballë dështimeve ekonomike e sociale dhe tendencës për të kthyer praktika të dikurshme jodemokratike.

Kur janë numëruar 384 kuti nga 417 gjithsej e djathta ka marrë pesë mandate, ku kryeson kryetarja e Kuvendit të fundit, Jozefina Topalli.Partia Socialiste ka siguruar katër poste në Kuvend, LSI me presidentin e “Vllaznisë” një, ndërkohë që përpiqet për të dytin. Por, një mandat i gjashtë të majtëve u shtohet nga prania ndër të zgjedhur e demokristianit Mark Frroku.

Qarku Shkodër 11 mandate
PD 5 mandate
 Jozefina Topalli
Helidon Bushati
Voltana Ademi
Nard Ndoka
Gjovalin Bzheta
 
 PS 4 mandate
Mimoza Hafizi
Tom Doshi
Paulin Sterkaj
Namik Kopliku
 
LSI 1 mandat
Agron Çela
 
PKDSH 1 mandat
Mark Frroku


Analiza e humbjes spektakolare të PD-së që po projektohet nga numërimi i votave deri më tani, është ende shumë herët të bëhet nga strukturat zyrtare të selisë blu, nëse do të bëhet ndonjëherë. Por kjo nuk e pengoi dje Besnik Mustafajn, ish-ministër e zyrtar i lartë demokrat, të vijojë analizimin e disa shkaqeve se përse erdhi kjo fundosje e vërtetë, bashkë me deputetin në largim Mark Marku, ata, në Top Channel, në emisionin maratonë të Sokol Ballës.

Besnik Mustafajt duket se “nuk i del inati” me nënkryetaren e partisë Jozefina Topalli. “Ajo ja doli të bëjë në Shkodër, atë që s’e bëri dot as Enver Hoxha: E ktheu qytetin majtas!”, tha ai, në kritikën e parë direkte ndaj numrit dy të partisë më të madhe qeverisëse deri tani nga një eksponent i deklaruar i së djathtës shqiptare.

Arritja e më shumë deputetëve të majtë ndaj të djathtëve përbën një fitore të thellë për koalicionin e partive anti-Berishë. Pas marrjes së një bastioni tjetër të djathtë, Kavajës, kalimi në opozitë në Shkodër i PD-së është edhe një dështim personal i Jozefina Topallit dhe Sali Berishës vetë.   


 Redaksia Online
(gksg/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça