Spanjë - Francë, kjo është finalja e futbollit në Lojërat Olimpike.

Futbollistët spanjollë të Santi Denia dominuan kundër Marokut, duke marrë një fitore 2-1 pas 90-të minutash të vështira.

Hakimi dhe shokët e tij e prekën për pak ëndrrën e finales olimpike duke kaluar në avantazh në pjesën e parë, por pak nga pak spanjollët rritën ritmin dhe dominimin e lojës në mesin e fushës, duke u bërë mjeshtër të ndeshjes.

Pasi shënuan golin e barazimit me Lopez në minutën e 66-të, spanjollët arritën të bëjnë parakalimin përfundimtar pesë minuta nga fundi me njeriun që nuk e prisnin, mbrojtësin e krahut Juanlu Sanchez.

Franca është finalistja e dytë e turneut Olimpik. Në 'Parc Olympique Lyonnais', Blutë mundën Egjiptin në gjysmëfinale, duke kompletuar një rikthim të madh në kohën shtesë.

Për të vendosur fatin e ndeshjes, pas epërsisë egjiptiane nga Saber në minutën e 62-të, ishin golat e Mateta në minutat 83 dhe 99, para 3-1 përfundimtar të Olise në minutën e 108-të. Për Egjiptin, që bëri një paraqitjeje të shkëlqyer, përcaktues ishte përjashtimi i Fayed në minutën e 92-të për kartonin e dytë të verdhë, duke e lënë skuadrën e tij me dhjetë lojtarë.

Franca do të përballet me Spanjën në finale s së premtes më 9 gusht.