Në seancën plenare të Parlamentit Evropian në Strasburg të mbajtur sot, është bërë një kërkesë nga komisioni evropian për nisjen e hetimeve për Komisionerin për Fqinjësi dhe Zgjerim, Oliver Varhelyi. Në tekst, ndonëse nuk përmendet me emër, Parlamenti Evropian mbetet i shqetësuar për raportet e fundit dorëzuar nga Komisioneri për Fqinjësi dhe Zgjerimnë të cilëat ulet rëndësia qendrore e reformave demokratike dhe sundimi i ligjit që janë në proces anëtarësimi.
E thënë ndryshe, nuk i ëshë mbështetur pikave për vendet që janë në proces anëtarësimi.
“Parlamenti Evropian mbetet thellësisht i shqetësuar për raportet se Komisioneri për Fqinjësi dhe Zgjerim, me qëllim bën përpjekje që të anashkalohet dhe ulet rëndësia qendrore e reformave demokratike dhe sundimi i ligjit në vendet që janë në proces të anëtarësimit”, thuhet në tekst.
Ankesa e deputetëve është përfshirë edhe në raportin vjetor mbi politikën e jashtme dhe të sigurisë, të miratuar në seancë plenare këtë pasdite.
Socialistët dhe Demokratët janë të alarmuar nga raportet se komisioneri Várhelyi qëllimisht kërkon të minojë qendrën e reformave demokratike dhe të sundimit të ligjit në vendet që aspirojnë anëtarësimin në BE.
Komisioneri Várhelyi vazhdimisht nënvlerëson sulmet e presidentit serb Vuçiç ndaj demokracisë dhe, dyshohet se ka ndihmuar edhe veprimet separatiste të Milorad Dodik në Bosnje dhe Hercegovinë (BiH).
S&D-të arritën të vënë një vulë të fortë në raportin e CFSP-së kur bëhet fjalë për rritjen e mbështetjes së BE-së për të ardhmen evropiane të Ballkanit Perëndimor. Raporti mirëpret aplikimin e Kosovës për anëtarësim në BE, bën thirrje për sanksione ndaj Milorad Dodik dhe organizatorëve të Ditës jokushtetuese të Republikës Srpska më 9 janar, dhe denoncon përpjekjet e Serbisë për të destabilizuar rajonin.
Një prej eurodeputetëve të grupit S&D për politikën e përbashkët të jashtme dhe të sigurisë, Thijs Reuten thotë:
“S&D-të ranë dakord për kandidaturën e komisionerit Várhelyi me kusht që ai të veprojë vetëm në interes të të gjithë BE-së. Jo në interes të qeverisë në Budapest. Tani, tre vjet në detyrë, ka arsye serioze për të besuar se Komisioneri ndjek axhendën e zotit Orban.
“Roli i Komisionit Evropian është të mbrojë integritetin territorial të Bosnjë dhe Hercegovinës, të promovojë demokracinë në Serbi dhe të sigurojë paqen dhe stabilitetin në Mal të Zi dhe Kosovë. Jo e kundërta. Mbështetja e qëndrimeve nacionaliste dhe separatiste të Dodikut nuk do të ishte vetëm kundër Kodit të Sjelljes për anëtarët e Komisionit Evropian, por edhe lojë me zjarrin.
“Përgjegjësia për Komisionin është thelbësore. Ne nuk bëjmë gjykime. Kjo varet nga rezultati i hetimit. Por raportet e vazhdueshme për Komisionerin e Orbanit që shoqërohet me autokratë për të minuar demokracinë kërkojnë veprim të menjëhershëm”.
Hetimet në Parlamentin Evropian janë duke nisur pas tronditjes së madhe që u bë me prangosjen e 4 zyrtarëve të lartë, si lobues të politikave të Katarit.
Që prej 9 dhjetorit, burimet e IT-së të 10 punonjësve të parlamentit janë “ngrirë” për të parandaluar zhdukjen e të dhënave të nevojshme për hetimin. Katër të dyshuarit e arrestuar nga policia belge janë akuzuar për "pjesëmarrje në një organizatë kriminale, pastrim parash dhe korrupsion". Prokurorët në Greqi kanë ngrirë të gjitha pasuritë e zonjës Kaili. Gjashtë persona u arrestuan si pjesë e hetimit mbi akuzat se Katari korruptoi zyrtarët e BE-së për të fituar ndikim. Dy u liruan më vonë, duke lënë në pranga vetëm 4 zyrtarë të Parlamentit Europian.
Komente
Lajme të tjera
-
Samiti/ Rama: Një ditë afrimi i mëtejshëm me Europën, u mbështet fuqimisht plani ynë me KE për mbylljen e negociatave në fund të vitit 2027 (FOTOT)
19 Dhjetor, 09:00 -
Demush Shasha: Testi i vitit 2025
12 Dhjetor, 08:54
-
Këshillit të BE-së i kërkohet që ta shqyrtojë aplikimin e Kosovës për anëtarësim
10 Dhjetor, 16:11 -
Shpërthimi në Zubin Potok/ Raportuesi për Kosovën në PE: Kriminelët të dalin para drejtësisë
9 Dhjetor, 15:43 -
Belgjikë, ish-Komisioneri i BE-së për drejtësinë hetohet për mashtrim financiar
4 Dhjetor, 18:19 -
Augustin Palokaj: Fillimi i ri apo vazhdimi i të vjetrit në BE
25 Nëntor, 15:41
-
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Riho Terras nga Estonia emërohet raportues për Kosovën në Parlamentin Europian
18 Nëntor, 15:49 -
BE/ PPE dhe e djathta kundër ligjit për shpyllëzimin: Shumica Ursula nuk ekziston më
14 Nëntor, 17:58 -
Komisioni Xhafaj/ Lançohet strategjia ndërsektoriale kundër korrupsionit! Gonzato: SPAK po e ndëshkon, s’është nevoja të shpikim rrotën! Pirdeni: Shtrirje kapilare!
4 Nëntor, 22:31 -
Ylli Pata: Shuplaka e europarlamentarëve ndaj Gazment Bardhit, kur BE flet shqip
30 Tetor, 21:16
Piké së pari e ka dëmtuar Kosovën, Pyetne Edvin shkjaun shqipfolës do ju tregojë se si jan dakordsuar me Vucicin
Përgjigju