Kryebashkiaku i Tiranës, Erion Veliaj i ka dërguar një kërkesë Gjykatës së Posaçme kundër Korrupsionit të Krimit të Organizuar (GJKKO), që të lejojë transmetimin live të seancave gjyqësore që po zhvillohen ndaj tij.

Po ashtu, në kërkesën e tij Veliaj pretendon se transmetimi live i seancave gjyqësore është një detyrim për gjykatën dhe jo çështje zgjedhje.

Kjo kërkesë e Veliajt vjen pas një kërkese që kryebashkiaku dërgoi më herët në Gjykatën Administrative, ku po zhvillohet seanca gjyqësore për padinë e kryebashkiakut ndaj prokurorit të posaçëm, Ols Dado. Kujtojmë se Veliaj i kërkoi Gjykatës Administrative shfuqizimin e dekretit që e bëri prokuror Ols Dadon, pasi sipas tij nuk ka plotësuar asnjë kusht për t’i emëruar si i tillë.

Një argument i kryebashkiakut, i paraqitur në kërkesën në Administrative, është edhe shembulli i Gjykatës Kushtetuese, e cila tashmë transmeton live seancat publike, si standard për garantimin e transparencës dhe aksesit të qytetarëve në drejtësi. Sipas Veliajt, kjo praktikë duhet të shërbejë si model për të gjitha gjykata.