Pas deklaratës së Berishës për
kërcënime, Koni: Jam në garë

Kandidati për rektor në Universitetin e Tiranës, profesor doktor Mynyr Koni ka reaguar pas deklaratës së ish-kryeministrit Sali Berisha, i cila tha se Emiljano Shullazi ka kërcënuar kandidatin Koni për ta detyruar atë që të tërhiqet nga gara, si dhe rektorin e UT Dhori Kule.
 
“Unë, kandidati Mynyr Koni, deklaroj që vazhdoj të jem në garë për postin e rektorit të Universitetit të Tiranës”, shkruan Koni në profilin e tij në Facebook, por pa thënë nëse vërtet është kërcënuar apo jo.

Më tej ai u bën ftesë studentëve dhe stafi akademik që ta çojnë përpara procesin.

“I kërkoj studentëve dhe stafit akademik që sëbashku ta çojmë përpara këtë proces zgjedhor me urtësinë dhe zgjuarsinë që karakterizon botën tonë akademike," deklaron Koni.

Redaksia online
(u.s/shqiptarja.com)
 
 

TAG:
• mynyr koni