Presidenti i Ukrainës, duket se zgjodhi vendin dhe shoqërinë e gabuar për të shprehur një qëndrim të njohur të vendit të tij ndaj çështjes së Kosovës dhe mosnjohjes së pavarësisë së saj. Deklarata e tij në Beograd, në krah të presidentit serb Aleksandër Vuçic, i cili nuk ka pranuar sanksionet ndaj Rusisë, duke mbajtur linja të hapura komunikimi me Moskën, nuk mund të kalonte në heshtje. Për Tiranën, Kosova dhe Ukraina janë dy realitete tërësisht të ndryshme e se mes tyre nuk mund të hiqet asnjë paralele.

“Nuk duhet të ketë keqkuptime në këtë pikë: çdo përpjekje për të vendosur një paralele ose për të krijuar një ekuacion midis Kosovës dhe çdo situate tjetër ndërkombëtare është e gabuar, oportuniste dhe thellësisht çorientuese. Rasti i Kosovës qëndron mbi themelet e veta historike, politike dhe ligjore. Shpallja e pavarësisë së Kosovës nuk shkeli të drejtën ndërkombëtare. Agresioni i Rusisë kundër Ukrainës është një çështje krejtësisht e ndryshme. Ai përbën një shkelje të rëndë të Kartës së OKB-së dhe të drejtës ndërkombëtare, si dhe një shkelje flagrante të rendit ndërkombëtar të bazuar në rregulla", thuhet në deklaratën e Ministrisë.

Në mbështetje të hapur të Ukrainës që në ditët e para të agresionit rus, Shqipëria është rreshtuar pa hezitim në një linjë me Bashkimin europian duke qenë pjesmarrëse aktive në shumë forume ndërkombëtare në krah të Kievit.  Kosova po ashtu iu bashkua sanksioneve që BE dhe SHBA, duke mbështetur sovranitetin territorial të Ukrainës, pavarësisht pozicionit të Kievit ndaj saj.

Veteranët e Ushtrisë Çlirimtare të Kosovës nuk i kanë gëlltitur dot deklaratat e Zelenskyt të cilat sipas tyre “i shkojnë për shtat një aktori komik”,  duke kujtuar profesionin që Zelensky e ka ushtruar përpara se të hynte në politikë.

Në reagimin e tyre, veteranët e UÇK kujtojnë në deklaratën e tyre se legjitimiteti i pavarësisë së Kosovës u konfirmua nga organet më të larta të drejtësisë globale, me GJND në Hagë që konstatoi se shpallja nuk kishte shkelur të drejtën e përgjithshme ndërkombëtare në 2010.

Zelensky mbërriti në Beograd më 7 gusht, një takim i paralajmëruar prej kohësh, por që erdhi tre javë pas samitit Ukrainë-Evropa Juglindore në Kiev, gjatë së cilës Vuçiç ishte i vetmi udhëheqës që nuk e nënshkroi deklaratën e përbashkët.

Deklarata e plotë e Ministrisë për Evropën dhe Punët e Jashtme:

"Vizita e Presidentit Zelensky në Serbi është e rëndësishme. Dialogu është gjithmonë i mirëpritur, sidomos kur krijon hapësirë për të trajtuar çështje të vështira me qartësi, përgjegjësi dhe me vetëdije për historinë.

Ashtu si Shqipëria qëndron dhe do të vazhdojë të qëndrojë fort në mbështetje të sovranitetit, pavarësisë, integritetit territorial dhe të ardhmes evropiane të Ukrainës, po aq fort qëndron edhe në mbështetje të sovranitetit, pavarësisë dhe vendit të merituar të Kosovës në familjen euroatlantike.

Për këtë nuk duhet të ketë asnjë keqkuptim: çdo përpjekje për të bërë një paralele ose për të vendosur një barazim mes Kosovës dhe çdo situate tjetër ndërkombëtare është e gabuar, oportuniste dhe thellësisht çorientuese.

Rasti i Kosovës qëndron mbi themelet e veta historike, politike dhe juridike. Me kërkesë të Asamblesë së Përgjithshme të OKB-së, Gjykata Ndërkombëtare e Drejtësisë ishte e qartë: shpallja e pavarësisë së Kosovës nuk ka shkelur të drejtën ndërkombëtare. Agresioni i Rusisë kundër Ukrainës është një çështje krejtësisht tjetër. Ai përbën një shkelje të rëndë të Kartës së OKB-së dhe të së drejtës ndërkombëtare, si edhe një cenim të hapur të rendit ndërkombëtar të bazuar në rregulla.

Nga këndvështrimi i Shqipërisë, një parim është themelor: një Ballkan Perëndimor paqësor, i qëndrueshëm dhe evropian kërkon pranimin e realitetit dhe të pakthyeshmërisë së pavarësisë së Kosovës. Pavarësia e Kosovës ka kontribuar në stabilitetin rajonal dhe është pjesë e një të ardhmeje ku kufijtë nuk ndryshohen me forcë dhe ku popujt dhe komunitetet mund ta përcaktojnë të ardhmen e tyre në paqe dhe siguri.

Ne mbajmë po ashtu qëndrimin se Serbia dhe Kosova i përkasin të dyja një të ardhmeje të përbashkët evropiane. Normalizimi i marrëdhënieve mes tyre, që në fund duhet të çojë në njohje të ndërsjellë, nuk do ta dobësonte Serbinë. Përkundrazi, do të ndihmonte në mbylljen e një prej kapitujve më të dhimbshëm të historisë së afërt të rajonit tonë dhe do të hapte rrugën për pajtim të vërtetë, marrëdhënie të mira fqinjësore dhe paqe të qëndrueshme. Ballkani Perëndimor ka nevojë për këtë energji pozitive sot, ndoshta më shumë se kurrë.

Vizita e Presidentit Zelensky në Serbi i shërben, para së gjithash, interesave të Ukrainës. Kjo është njëkohësisht e kuptueshme dhe legjitime. Megjithatë, çdo hap që e ndihmon Serbinë të largohet më tej nga ndikimi keqdashës i Rusisë dhe t’i afrohet Evropës është pozitiv. Por çdo angazhim është gjithashtu një mundësi për të çuar përpara një kuptim themelor: Ballkani Perëndimor duhet të ecë përpara, jo prapa."

Rendit zhvillimet sipas orarit:
Ora 18:23
Konjufca i përgjigjet Zelensky-t: Kosova ishte me Ukrainën që në ditën e parë, Serbia jo!

Ministri në detyrë i Punëve të Jashtme të Kosovës, Glauk Konjufca, ka reaguar 24 orë pas deklaratës së presidentit ukrainas Volodymyr Zelensky, i cili gjatë vizitës në Beograd rikonfirmoi se Ukraina nuk e njeh pavarësinë e Kosovës.

Përmes një postimi në rrjetin social X, Konjufca tha se Prishtina e pret me keqardhje këtë qëndrim, duke kujtuar se Kosova ka qenë në krah të Ukrainës që nga dita e parë e agresionit rus.

"Që nga dita e parë e agresionit të plotë të Rusisë, Kosova ka qëndruar pa mëdyshje në krah të Ukrainës. Ne dënuam pushtimin, u rreshtuam plotësisht me Politikën e Përbashkët të Jashtme dhe të Sigurisë, vendosëm sanksione ndaj Rusisë dhe Bjellorusisë, ofruam ndihmë humanitare, strehim për gazetarët ukrainas, si dhe ndihmë ushtarake dhe trajnim në mbështetje të mbrojtjes së Ukrainës", shkroi ai.

Konjufca theksoi se, ndryshe nga Kosova, Serbia nuk është rreshtuar me sanksionet e Bashkimit Evropian ndaj Rusisë, ndërsa ritheksoi se nuk mund të ketë asnjë paralele mes Kosovës dhe pushtimit rus të Ukrainës.

Në fund të reagimit, ai tha se Kosova mbetet e palëkundur në mbështetjen për sovranitetin dhe integritetin territorial të Ukrainës, por shtoi se Prishtina do ta mirëpriste njohjen e Republikës së Kosovës nga Kievi.

"Një vendim i tillë do t'i forconte pikërisht parimet e lirisë, demokracisë dhe të drejtës ndërkombëtare që vetë Ukraina po i mbron sot", përfundoi Konjufca.

U.D/Shqiptarja.com

Ora 11:48
Pas deklaratave kundër Kosovës në Beograd, veteranët e UÇK e i përgjigjen Zelensky-t: Deklarata juaj anti-Kosovë tregon profesionin që kishit

1786269091_IMG4269.jpeg

Pas deklaratave në Beograd të Presidentit të Ukrainës Volodymir Zelensky, se Kievi zyrtar do të vijojë të mos e njohë pavarësinë e Kosovës, kanë reaguar Vetëranët e Ushtrisë Çlirimtaret ë Kosovës. 

Veteranët e UÇK, në një reagim të shpërndarë në mediat sociale e cilësojnë deklaratën e Zelenskyt si anti-kosovë dhe një deklaratë që shkon për shtat një aktori komik, një profesion që Zelensky e ka ushtruar përpara futjes së tij në politikë. 

““Z. Zelenski, deklarata juaj anti-Kosovë në Beograd, shpërfaq profesionin tuaj para se të bëheshe president!”, thuhet në reagim

Zelensky një ditë më parë tha në Beoigrad në krah të Aleksandër Vuçiç në vizitën e tij të parë zyrtare në Serbi se pozicioni I Ukrainës për të mos njohur shpallej e njëanshme të pavarëisë nga Kosova mbetet I pandryshuar. 

Vetëranët e UÇK kujtojnë në deklaratën e tyre se legjitimiteti I pavarësisë së Kosovës u konfirmua nga organet më të larta të drejtësisë globale, me GJND në Hagë që konstatoi se shpallja nuk kishte shkelur të drejtën e përgjithshme ndërkombëtare në 2010.

Deklarata e plotë

"z. Zelenski, deklarata juaj anti-Kosovë në Beograd, shpërfaq profesionin tënd para se të bëheshe president! Për informacionin tuaj, lexo në vijim ngjarjet që demantojnë deklaratën tuaj, e që janë mbështetur nga të gjitha shtetet që po mbështesin përpjekjet tuaja për t'i dhënë fund pushtimit rus:

1) Pas luftës së zhvilluar në vitet 1998–1999 dhe rezistencës së popullit të Kosovës, vendi u çlirua nga sundimi dhe regjimi opresiv i Serbisë.

2) Bota demokratike, e udhëhequr nga Shtetet e Bashkuara të Amerikës dhe partnerët e NATO-s, ndërhyri ushtarakisht në pranverën e vitit 1999 për të ndalur spastrimin etnik dhe gjenocidin e ndërmarrë nga forcat serbe.

3) Më 17 shkurt 2008, Kosova shpalli zyrtarisht pavarësinë e saj. Deri më sot, pavarësia e Republikës së Kosovës është njohur nga 121 shtete anëtare të OKB-së.

4) Legjitimiteti i pavarësisë u konfirmua nga organet më të larta të drejtësisë globale. Më 22 korrik 2010, Gjykata Ndërkombëtare e Drejtësisë (GJND) në Hagë dha mendimin këshillimor ku konstatoi se Deklarata e Pavarësisë së Kosovës nuk ka shkelur të drejtën e përgjithshme ndërkombëtare, Rezolutën 1244, e as Kornizën Kushtetuese."

U.D/Shqiptarja.com