POP 5

Lajmet më të lexuara të 5 minutave të fundit

Bota

Pas dy jave pezull, Maqedonia dhe Greqia rinisin negociatat për emrin

Paraprakisht, Zaev tha se komunikimi mes dy qeverive po vazhdon. Sipas tij, janë momentet e fundit kur pritet të arrihet zgjidhja dhe se mezi pret që të kumtojë lajmin se është arritur marrëveshje me Greqinë.
Pas dy jave pezull, Maqedonia dhe Greqia rinisin negociatat për emrin

Zoran Zaev dhe Aleksis Tsipras

Pas dy javë heshtje, bisedimet rreth emrit lëvizën një hap përpara. Kryeministri, Zoran Zaev, dhe homologu i tij grek, Aleksis Cipras, realizuan bisedën telefonike të paralajmëruar dy javë më parë, njofton Qeveria. “Biseda u realizua mes orës 14 dhe 15, sipas kohës në Maqedoni. Gjatë bisedës u diskutua për çështjet e mbetura dhe u shqyrtuan disa ide për zgjidhje”, - thuhet në njoftimin e qeverisë, duke shtuar se biseda telefonike do të vazhdojë paraditen e së martës.

Paraprakisht, Zaev tha se komunikimi mes dy qeverive po vazhdon. Sipas tij, janë momentet e fundit kur pritet të arrihet zgjidhja dhe se mezi pret që të kumtojë lajmin se është arritur marrëveshje me Greqinë.

“Vazhdimisht ka komunikime në nivel qeverish, i përpunojmë të gjitha llojet e strategjive dhe taktikave që të përfundojmë me gjetjen e zgjidhjes. Sapo të realizojmë bisedën telefonike, unë do ta njoftoj opinionin. Besoj se bëhet fjalë për momentet e fundit rreth përpjekjeve që të afrojmë qëndrimet. Shpresoj që së bashku do ta kumtojmë lajmin e mirë edhe për qytetarët e RM-së edhe për qytetarët e Greqisë se ka marrëveshje mes Maqedonisë dhe Greqisë”,- tha kryeministri, Zoran Zaev.

Menjëherë pas kësaj, kryeministri do të njoftojë presidentin e Republikës, krerët e opozitës dhe opinionin, ndërsa vendimin përfundimtar do ta marrin institucionet dhe qytetarët në referendum. Ai mohoi spekulimet se procesi ka ngecur për shkak të kërkesave të reja nga pala greke.

“Jo, bëhet fjalë për aspekte të ndjeshme, shkrirje juridike të marrëveshjeve, për të arritur marrëveshje dinjitoze dhe korrekte si për qytetarët e RM-së po ashtu edhe për qytetarët e Greqisë, duke ruajtur identitetin edhe në Maqedoni edhe në Greqi. Besoj se me këto hapa të fundit do të bëjmë tekst mjaftë të mirë, i cili do të jetë garanci formale juridike për të dyja palët”,- tha kryeministri, Zoran Zaev.

Të pavërteta janë edhe spekulimet se vizita e paralajmëruar për në Gjermani ka të bëjë me çështjen e emrit. Sipas tij, vendet e BE-së dhe ShBA-të inkurajojnë Shkupin dhe Athinën që të gjejnë zgjidhje të pranueshme për të dyja palët, por bisedimet janë bilaterale dhe zgjidhja do të jetë e tillë.

Zaev është optimist se zgjidhje do të arrihet para Samitit të BE-së të paralajmëruar për më 28-29 qershor. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu