POP 5

Lajmet më të lexuara të 5 minutave të fundit

Kultura

Pas fondacioneve, pasuria kulturore dhe tek individët! Ja kriteret që u japin të drejtën e menaxhimit deri në 10 vjet! Specialisti: Problem ligji, ne ishim kundër

Pas fondacioneve të posaçme, qeveria nxjerr kriteret për menaxhimin indirekt të pasurisë kulturore nga individë të posaçëm. Persona publikë a privatë mund të marrin në administrim deri në 10 vjet pasuritë publike, ku me vendim të këshillit të ministrave atyre u lind ndër të tjera e drejta e shfrytëzimit të hapësirave.

Një plan pune, financa të mjaftueshme, së paku 5 vjet eksperiencë në fushën e  trashëgimisë kulturore, ku veprimtaria duhet të jetë e pastër penalisht. Pas fondacioneve të posaçme, janë këto disa nga kriteret sipas Vendimin nr 560  të Këshillit të Ministrave të botuar  në Fletoren Zyrtare (“Për përcaktimin e procedurave publike për dhënien në administrim indirekt të pasurive kulturore personave fizikë ose juridikë, publikë ose privatë”) që duhet të plotësojnë pretendetët për administratorë të pasurive kulturore në rastin e personave fizikë apo juridikë, qofshin ata  publik a privatë, duke pasur edhe të drejtën për shfrytëzimin e hapësirave të nevojshme për ushtrimin e aktiviteteve.

Rrugë të lirë menaxhimit indirekt të trashëgimisë kulturore publike nga këto fondacione e individë i dhanë ndryshimet e bëra në 2018-ën ligjit “Për trashëgiminë kulturore dhe muzetë” përkatësisht në nenet171 e 172. Specifika këto të miratuara ndonëse specialistët e trashëgimisë u shprehën qartazi kundër.

“Unë e kam denoncuar rastin. Që në momentin që u miratua ligji ne ngritëm shqetësimin për disa aspekte të tij, qoftë për termat e monumentit, madhësinë e ligjit, futjen brenda ligjit të rregulloreve,  ku ndër të tjera i bëhet një pasim administrimit të pasurive kulturore, pa bërë përpjekje për t’i fuqizuar institucionet shtetërore nga ana financiare, profesionale. Pra ti shkëpusim institucionet nga duart e  politikave të  ditës”, shprehet specialisti i trashëgimisë Kreshnik Merxhani.

Njësoj si në rastin e fondacioneve të posaçme, në vendimin nr 560 të 29 korrikut, të propozuar nga ministrja e Kulturës theksohet se pronësia e pasurive do t’i mbetet shtetit.Ndërsa në këtë rast përjashtim bëjnë pasuritë kulturore me vlera arkeologjike e ato “me rëndësi universale” ose “me rëndësi kombëtare”. Personave fizikë a juridikë u jepen përmes këtij vendimi në menaxhim indirekt pasuritë kulturore deri në 10 vjet.  Në rast të mos përmbushjes së kushteve apo kur kontraktuesi dëshiron të zgjidhë kontratën, ajo që i mbetet shtetit, sipas këtij vendimi është garancia, 5 për qind e vlerës së investimit të miratuar.

“Ne votojmë qeverinë jo shtetin, shteti duhet të ketë politika afatgjata dhe roli i tij duhet të mbështetet në Kushtetutë. Problemi është që qeveria po i fut duart tek shteti, për ta detyruar që të dalë jashtë detyrave të tij kushtetuese”, thotë më tej.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça