X

POP 5

Lajmet më të lexuara të 5 minutave të fundit

Politikë

Pas furtunës në qeveri, Rama mbledh 60' Kryesinë për organizimin para zgjedhjeve lokale

Edi Rama ka mbledhur Kryesinë e PS ditën e sotme nga ora 09:00 deri rreth orës 10:00 për të diskutuar në lidhje me organizimin brenda partisë socialiste në prag të zgjedhjeve lokale të qershorit. Mbledhja e sotme erdhi 24 orë pas lëvizjeve të forta në qeveri, ku Rama njoftoi 9 ndryshime, 7 prej të cilave në nivel ministrash.

TIRANE-Një ditë pas lëvizjeve të mëdha në qeveri, kryeministri Edi Rama mblodhi mëngjesin e sotëm për rreth 60 minuta Kryesinë e partisë. Pjesë e mbledhjes së Kryesisë, sikur duket edhe nga pamjet e Report Tv ishin edhe ministrat e rinj e të larguarit. Sipas burimeve të Report Tv në mbledhje u diskutua për organizimin e partisë në prag të zgjedhjeve lokale të qershorit, ndryshimi i të deleguarve në qarqe, por edhe Kongresin e partisë në mars, ku mund të shpallen zyrtarisht kandidatët për bashkitë. 

Takimi i sotëm erdhi pas mbledhjes së djeshme të asamblesë, ku kreu i qeverisë njoftoi 9 ndryshime në qeveri, 7 prej të cilave në nivel ministrash. Kryeministri Edi Rama shkarkoi në Asamblenë Kombëtare të PS ministrat që kanë mbi 5 vite në qeveri si Lindita Nikolla, Arben Ahmetaj, Ditmir Bushati, Mirela Kumbaro, Damian Gjiknuri, Niko Peleshi dhe Sonila Qato. Gjithashtu, ndryshimet kanë prekur edhe postin e zv/kryeministrit, ku u largua Senida Mesi dhe në vend të saj u emërua Erion Braçe

Ndërkohë që është rikthyer Ministria për Marrëdhëniet me Parlamentin, ku u emërua Elisa Spiropali. Nga furtuna kanë shpëtuar, Sandër Lleshaj, Olta Xhaçka, Pandeli Majko, Etilda Gjonaj, Blendi Klosi dhe Ogerta Manastirliu. Për dy të fundit, Rama la një afat 6 mujor për bërjen e detyrave, në të kundërt, tha ai, do shkarkohen (lexo këtu).

Rendit zhvillimet sipas orarit:
Ora 10:54
Mbledhja/ Anëtarët e Kryesisë së PS asnjë koment për mediat

Asnjë nga anëtarët e Kryesisë së Partisë Socialiste nuk ka pranuar që të flasë për mediat pas përfundimit të mbledhjes. Ata janë larguar nga selia e partisë duke mos pranuar që të flasin për atë që u diskutua.

Ora 10:29
Mbledhja e Kryesisë së PS, u diskutua edhe për lëvizjet në qeveri

Burime për Report Tv theksojnë se përpos temës kryesore të diskutimit që ka qenë organizimi i partisë për zgjedhjet lokale, kryeministri Rama ka prekur edhe lëvizjet që bëri dje në qeveri. Kreu i qeverisë ka kërkuar angazhim maksimal nga strukturat për zgjedhjet e 30 qershorit.

Ora 10:23
Zbardhen detaje nga Kryesia e PS/ Do lëvizen të deleguarit politikë në qarqe

Burime nga Kryesia e PS, pohojnë për Report Tv se në mbledhje është vendosur për lëvizje të deleguarve politikë në qarqe. Ndërkohë që këshillat e koordinimit të partisë socialiste do të mblidhen në janar, Kongresi i partisë është afruar me një javë nga data 30 mars kur ishte vendosur në 23 mars.

Ora 09:10
Kryesia e PS/ Nga Veliaj me biçikletë, te përshëndetja e Braçes dhe të larguarit e vrenjtur

r.k./Shqiptarja.com

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Abdyli: 30/12/2018 00:47

    Ministrat e pushuar nga Rama Duke filluar nga AHMETAJ dhe Gjiknuri duhet te VRASIN veten si hajdute te popullit

    Përgjigju
  • Qobani: 29/12/2018 15:53

    Evlad ashtë shum e dobishme kur pranohet Drejtsia,shum ma leht e ka Populli me e rrit SOJIN,kshtu edhe gjarpinjët e popullit shëndrohen në Luana për Popull

    Përgjigju
  • Ggg: 29/12/2018 09:32

    Aha hiq ministra sa te duash.... po nuk hoqe ate qe duhet ska zgjidhje joooo, duhet te heqesh veten qe te shpetojme te gjithe or ti Edrame.....

    Përgjigju
    • liri: 30/12/2018 12:58

      njerez si ky tos komentusi i duhen ktij vendi, qe i votojne kta si te keqen me te vogel. hahahhahahahah hahhahahah ca niveli. qe ktu duhet me ik me vrap me len edin qe ja fut tosave

    • Tosi: 29/12/2018 17:07

      Po kush te vije mor zoteri? Mos do te vije ndonje rrumpalle tjeter qe ta coje vendin prape ne grope aty ku ishte?

  • Sondazhi i ditës:

    Si e vlerësoni punën e Gjykatave e Prokurorive në qarqe?

Lajme të tjera



×

Lajmi i fundit

Mbledhja e mbetjeve me orar/ Kumbaro inspektim në Mat: Rrisim gjobat për kundravajtjet mjedisore

Mbledhja e mbetjeve me orar/ Kumbaro inspektim në Mat: Rrisim gjobat për kundravajtjet mjedisore

26 Prill, 10:49