Një miliard euro është fatura e dëmit nga tërmeti tragjik i 26 nëntorit që goditi Shqipërinë duke lënë 51 viktima dhe dëme të shumta materiale. Nga Italia ku zhvilloi një vizitë zyrtare me qëllim organizimin e Konferencës së Donatorëve, kryeministri Edi Rama u prit nga homologu Giuseppe Conte dhe ministri i Jashtëm Di Maio, ndërsa u shpreh në një video-mesazh nga Roma se javën tjetër do të takohet edhe me kancelaren gjermane Angela Merkel me qëllim që konferenca të jetë e suksesshme.
Kreu i qeverisë shtoi se pavarësisht si do të jetë rezultati nga konferenca e 17 shkurtit, qeveria pas asaj që do të ndodhë në Bruksel në mes të muajit të kaluar do të ketë lëvizje të tjera me qëllim rindërtimin. Ministri i Jashtëm italian u shpreh besimplotë se do të gjendet një zgjidhje në Konferencën e Donatorëve. Kjo ishte hera e tretë që Rama dhe Conte takoheshin në pak muaj. Vizita e Contes në Shqipëri në tetor u pasua nga e kryeministrit Rama në Itali, po vitin e kaluar, ndërsa sot do të kenë një tjetër takim në Romë.
Kryeministri Edi Rama deklaroi për herë të parë zyrtarisht se fatura e dëmeve nga tërmeti llogaritet rreth një miliard Euro. Konferenca e Donatorëve është shpresa e madhe për të siguruar një shumë sa më të madhe për rindërtimin. Megjithatë, Rama pas takimeve në Itali me homologun Conte dhe ministrin e Jashtëm Di Maio u shpreh se javën tjetër do të takohet edhe me kancelaren gjermane Angela Merkel që konferenca të jetë e suksesshme. Kreu i qeverisë gjithashtu shtoi se pavarësisht si do të jetë rezultati nga konferenca e 17 shkurtit, qeveria pas asaj që do të ndodhë në Bruksel në mes të muajit të kaluar do të ketë lëvizje të tjera me qëllim rindërtimin.
"Përshëndetje nga Roma, ku kemi kryer dy takime të rëndësishme, me Kryeministrin dhe ministrin e Jashtëm në funksion të Rindërtimit, në vigjilje të Konferencës së Donatorëve për Shqipërinë, e cila do të mbahet në 17 shkurt në Bruksel, nën kujdesin e Presidentes së Komisionit Europian, Ursula Von Der Leyen.
I kam falenderuar natyrisht, Kryeministrin Conte dhe ministrin e Jashtëm Di Maio, për ndihmën e paçmuar të Italisë mike, qysh në orët e para pas tërmetit shkatërrues të 26 nëntorit. I kam informuar për punën që kemi bërë me planet e rindërtimit, si edhe me raportin e dëmeve, i cili pritet të përfundojë në ditët në vijim, në bashkëpunim me Bashkimin Europian dhe Kombet e Bashkuara. Shifra përfundimtare nuk ka dalë ende, por të dhënat e konsiderueshme që janë mbledhur deri tani na japin një shumë që në fund do të rrotullohet rreth miliardit në euro, pak më shumë, pak më pak.
Ne do të bëjmë çmos, edhe me ndihmën e miqve të mëdhenj të Shqipërisë, ku Italia është pa asnjë dyshim ndër më të afërtit, që Konferenca e Donatorëve të jetë një sukses. Ndërkohë që e kemi shumë të qartë që për të përmbushur të gjithë nevojën e jashtëzakonshme, nuk do të mjaftojë, por jemi të mirëpërgatitur, për të vijuar pas Konferencës edhe disa me veprime të tjera kurajoze në aspektin financiar, duke përfituar nga qëndrueshmëria e lartë makroekonomike që kemi garantuar në këto vite reformash, si edhe duke kombinuar disa skema financimi për Rindërtimin, gjithnjë pa ndërprerë, sepse kjo është ambicia dhe pa reduktuar programe të tjera të investimeve, zhvillimit e të mbrojtjes sociale gjithashtu.
Jam shumë mirënjohës dhe realisht i inkurajuar nga vëmendja e veçantë dhe gatishmëria e plotë që kam gjetur qoftë nga Kryeministri, qoftë nga ministri i Jashtëm, ndërkohë që do të vijojmë me takimin me Kancelaren Merkel në fillimjavën e ardhshme e më tutje, edhe me disa kontakte kyçe të nivelit të lartë në mënyrë që Konferenca të jetë një sukses.
Ju informoj po ashtu se planet e rindërtimit po ecin shpejt brenda kalendarit të parashikuar, për të mundësuar fillimin e ngritjes së banesave të para individuale në pranverë dhe përfunduar me shtëpitë në zonën rurale, brenda vitit 2020. Po punohet edhe me planet e zonave të rindërtimit në qytetet e prekura, brenda perimetrit, ku ndërhyrjet do të jenë masive dhe procesi i projektimit natyrshëm pak më i gjatë. Por jemi brenda afateve të përcaktuara dhe ndërkohë është e qartë për të gjithë dhe dua ta ritheksoj se do të vijojmë t’u paguajmë deri ditën e fundit qeranë e shtëpisë ku janë sistemuar njerëzit e prekur, deri kur t’i kthejmë në apartamentet e reja.
Gjithashtu jemi brenda afateve edhe me kalendarin ambicioz të rindërtimit të shkollave në gjithë zonën e prekur, si edhe të spitalit të Laçit, sëbashku me 5 qendra shëndetësore që duhen ndërtuar nga e para. E di shumë mirë që për njerëzit e prekur çdo ditë është shumë e gjatë se është një pritje e lodhshëm, por ju lutem të gjithëve të mirëkuptojnë nevojën për durim. Durim dhe besim të plotë se askush nuk do të mbetet vetëm" deklaroi ai.
Pas takimit me ministrin e Jashtëm Di Maio, kryeministri Edi Rama është pritur me ceremoni shtetërore nga homologu i tij italian Giuseppe Conte. Rama thotë se takimi po zhvillohet për mbështetjen e mëtejshme të Italisë mike në funksion të Rindërtimit, në vigjilje të Konferencës së Donatorëve më 17 shkurt në Bruksel.
Vizitën zyrtare në Itali me fokus të veçantë organizimin e Konferencës së Donatorëve, kryeministri Edi Rama e ka nisur me një takim me ministrin e Jashtëm Di Maio. Kreu i qeverisë shqiptare videon e takimit e ka publikuar në faqen e tij në Facebook, ndërsa nga komunikimi me Di Maion në momentin e pritjes dhe ecjes në korridor, Shqiptarja.com ka zbardhur bisedën mes tyre.
"Raporti do të jetë gati për pak ditë por deri tani është përllogaritur rreth një miliard (euro)" dëgjohet të thotë Rama, ndërsa ministri italian shprehet se kjo shumë është e lartë, por shton se ka besim se do të gjendet një zgjidhje në Konferencën e Donatorëve. "Një miliard?! Shumë. Por unë kam besim se në Konferencën e Donatorëve do ta gjejmë një zgjidhje".
"Po pikërisht për këtë dua të flasim" shton më tej Rama. "Po patjetër" i përgjigjet Di Maio. Ndërkohë që temë e bisedës kanë qenë edhe hetimet për tërmetin, pas mbërritjes në Shqipëri hetuesve të GdF-së pak ditë më parë. Di Maio e pyet nëse kanë ardhur dhe Rama i përgjigjet duke i thënë 'Po, kanë ardhur'. Në vizitën që po zhvillon në Itali, Rama është i shoqëruar nga Ministri për Rindërtimin, Arben Ahmetaj.
Komente
Lajme të tjera
-
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Nesër publikohet drafti i fjalorit të madh të Gjuhës Shqipe, Rama: E hedhim në konsultim publik! Të mbrojmë shqipen nga barbarët e rrjeteve sociale
21 Nëntor, 10:58 -
Nis së shpejti projekti i ripërtëritjes së Ujërave Termale të Bënjës në Përmet, destinacion që preferohet nga turistët
21 Nëntor, 08:16 -
Vrasja e 14 vjeçarit, psikologia për Report Tv: Mbyllja e Tik Tok dhe Snapchat një masë jo vetëm për adoleshentët, por edhe ndaj atyre që kanë varësi
20 Nëntor, 20:54
Thirri mendjes o drogmen ,,nuk te jep europa me shume se 20 milion,,,prandaj shtrengo rripin dhe nxirri te gjitha parate qe ke vjedhur dhe ktheja popullit,,,ZOTI QENKA I MADH I SHIKOKA TE GJITHA. ..
Përgjigju