Pasi shfaqi premierën e filmit ‘Sofia’ në Londër, Arbana Osmani ‘kryqëzohet’ nga ndjekësit e saj: Mendjemadhe

Ndonëse me një afeksion të madh për publikun, rishtazi Arbana Osmani është kryqëzuar nga ndjekësit e saj të shumtë në rrjete sociale.

Arbana Osmani i ka lidhur emocionet që dhuroi ndeshja me një pjesë të filmit të saj “Sofia” të cilën ajo dhe partneri i saj Eduart Grishaj, i cili është dhe regjisori i filmit po e japin në disa kinema të botës.

Arbana është përballur me disa ndjekës të cilët kanë shprehur zhgënjimin e tyre ndaj moderatores duke e quajtur ‘mendjemadhe’.

Ata shprehen se kanë dashur të bëjnë një foto me moderatoren por ajo iu është larguar dhe është treguar shumë e ftohtë me ta. Komentet i kanë rënë në sy Arbanës, e cila e ka mohuar menjëherë dhe u shpreh se ajo ka qëndruar aty deri në fund.

 “Filmi shumë i bukur, por para dhe mbas premierës në Londër u afruam për të bërë një foto me ju, por na ikë dy herë dhe s’na e dhe mundësinë”-komentoi një ndjekëse.

“Në asnjë mënyrë, kemi qenë aty deri në fund, derisa nuk kishte njeri fare fare”- iu përgjigj Arbana.

“Faktikisht ka të drejtë. Kam rastisur dy herë afër teje dhe të dyja herët ke qenë shumë e ftohtë, madje mund të them mendjemadhe. Zhgënjim total nga ç’të shohim në ekran. Gjithsesi shpresoj të kenë qenë thjesht çaste të gabuara në ditë të gabuara”,- shtoi një tjetër.

G.MO/Shqiptarja.com

TAG:
• Arbana Osmani