Gjykata e Posaçme kundër Krimit ka lënë në burg Artur Balla dhe Bledar Lilo, të akuzuar për grup të strukturuar kriminal dhe pastrimi parash. SPAK kërkoi që të dy njerëzit e besuar të Reazart Taçit, lë liheshin pas hekurave, kërkesë që është mbështetur edhe nga GJKKO. Ato akuzohen si të përfshirë në skemën e pastrimit të 18.4 mln eurove.
Pala mbrojtëse ka kërkuar që çështja të mos hetohet nga SPAK dhe të shpallë moskompetencën, pasi Artur Balla dhe Bledar Lilo vetëm kanë qenë shoqërues të italianit Francesco Zummo, 90 vjeç dhe ekonomisti i tij Fabio Petruzzella dhe mohojnë që të kenë pasur para apo të kenë hapur llogari bankare apo krye transferta. Por kjo kërkesë është rrëzuar nga GJKKO. Gjithashtu pala mbrojtëse pretendon se ata nuk kanë pasur lidhje me paratë, ndërsa thonë se ata kanë kaluar në rrugë bankare dhe se duhet të mbajnë italiani Francesco Zummo përgjegjësi pasi ata kanë kryer veprimet.
Nga hetimet e SPAK, Artur Balla dhe Beldar Lilo kanë pasur një rol aktiv për të ndihmuar italianët Francesco Zummon dhe ekonomistin Fabio Petruzzella-n, të dy të arrestuar në Itali, të hapnin llogari bankare dhe të bënin transferta parash për pastrimin e tyre.
Balla dhe Lilo ndihmonin italianët me lëvizjet e tyre në Shqipëri dhe bënin transfertat e parave sipas porosive që u jepte Rezart Taçi, i cili është në kërkim.
Sipas dosjes së siguruar nga Report Tv 18.4 milionë euro ishin depozituar nga korriku në një llogari bankare të hapur pranë ‘Alpha bank’ në Tiranë dhe pastaj duhet transferoheshin në Hong-Kong dhe Singapor nëpërmjet një kompanie të Rezart Taçit, po SPAK e ka bllokuar operacionin.
Llogaria ishte në emër të Francesco Zummo me shumën 18.399.996 euro. Ndërsa Taçi do të fitonte 3 milionë euro nga ky operacion, ose 16% e shuma. Shuma vinte nga një bankë në Kantonin zviceran të Ticino dhe ishin pjesa e pasurisë 150 miliona euro te Francesco Zummo ta konfiskuar nga gjykata italiane si te ardhura të Cosa Nostra.
Skema e pastrimit të parave ku ishin përfshirë ish bosi i naftës Rezart Taçi, kunati i tij Artur Balla dhe ish truproja e tij Bledar Lilo, u zbulua nga SPAK pas hetimeve disa mujore.
Në dosje tregohen edhe detaje nga rruga që do të ndiqnin paratë e pista nga Tirana në Hong Kong dhe pastaj në Singapor. Po ashtu në dosje janë zbardhur përgjime të italianëve, 2 prej të cilëve tashmë të arrestuar, Francesco Zummo, 90 vjeç dhe ekonomisti i tij Fabio Petruzzella, të cilët kanë ardhur në Shqipëri në muajin qershor ku hapën edhe llogari bankare për të transferuar më pas 18 milionë eurot që u sekuestruan nga SPAK.
Gushtin e kaluar, në tryezën e prokurorit të Palermos, Francesco Lo Voi, kane ardhur disa dokumente u dërguan nga kolegët në Napoli, të cilët po hetonin për një trafik ndërkombëtar droge. Mes të përfshirëve do të ishte edhe Daniele Cestagalli, nje broker italo-zvicerane miku i Rezart Taci. Në majin e kaluar, Cestagalli ishte përgjuar teksa fliste me Petruzzella-n. Ky i fundit tha: "... nëse arrijnë atje, atëherë ok le të bëjmë një gjë, në vend që t'i zhvendosim nga e njëjta llogari rrjedhëse, unë e hap vetë një dhe ia transferoj vetes ... kështu që ai vdes dhe i humbet gjurmët”. Sipas hetuesve, ai po fliste për operacionin e madh të pastrimit të parave të Zummo.
Gjatë të njëjtit takim, Petruzzella do t'i kishte dorëzuar Cestagalli-t 70,000 euro cash: "... ndërkohë, mbajini këto, mbajini..."; "... i keni numëruar tashmë?"; "70". Petruzzella e ftoi bashkëbiseduesin të jetë i vetëdijshëm: "Oh jo, duhet të më thuash nëse është ... ka ndonjë ‘kal trojan brenda’. Ai kishte frikë se mos përgjohej me një virus kompjuterik.
Të nesërmen Cestagalli foli me Rezart Taci të cilit i tregoi detaje të operacionit.
“...mbrëmë më pas zbrita tek personi i tij i kontaktit që quhet.... Fabio Petruzzella ... Z. Zummo dëshiron të largojë gjithçka menjëherë dhe të heqë qafe atë dhe më pas të bëjë një turne në llogarinë e tij të avokatit, domethënë, me pak fjalë, ai i merr këto fonde dhe më pas i transferon menjëherë në llogarinë e avokatit të tij (në realiteti është një nga kontabilistët më të respektuar te Palermos) kush është ky Fabio Petruzzella përveç kësaj duhet te me hapesh një llogari për rezultatet sepse atëherë unë duhet te njoh gjysmën e botës gjithçka duhet, megjithatë pyetja dedikuar në seritë e sakta dhe kjo është arsyeja pse unë doja të të shihja për të folur me ju për numrat, komisionet e kështu me radhë”.
Në disa biseda, Petruzzella, i referuar si ndihmësi i Zummo-s, flet qartë me një bashkëpunëtor për operacionet financiare që duhen bërë për të pastruar paratë. Për shërbimin e tij, llogaritari italian dhe biznesmeni shqiptar, Rezart Taçi, kishin rënë dakord të ndanin një tarifë fitimi prej 3 milionë eurosh, ose 16% e totali te pastruar.
Një tjetër detaj që zbulohet nga përgjimet është se ai shpresonte se ta kalonte shumën e parave nga Tirana në Hong Kong dhe pastaj në Singapor. Plan i ndalur nga Njësia Antikorrupsion e Palermos, e cila akuzon Zummo-n se ka përdorur profesionin e tij si sipërmarrës dhe kontaktet me botën financiare për të fshehur dhe investuar paratë e pista të mafies përmes llogarive të hapura në të gjithë botën.
Emri Zummo-s, u shfaq për herë të parë në një hetim 42 vjet më parë. Një shënim i zbuluar në makinën e Michael Pozza-s, "personeli" i mafies kanadeze, i gjetur i vrarë në Toronto në vitin 1979, i prezantoi hetuesit me Francescon. Menjëherë pas kësaj, Giovanni Falcone u përball me ndërtuesin e Palermos, duke hetuar një trafik të madh droge midis SHBA-së dhe Italisë, që u bë i njohur atëherë si “Pizza Connection”.
Ish biznesmeni i naftës në Shqipëri, Rezart Taçi, kunati i tij Artur Balla dhe ish turpëroja Beldar Lilo, akuzohen për pastrim parash për llogari të 'Cosa Nostras-s'. Në bashkëpunim me italianin Francesco Zummo dhe ekonomistin e tij Fabio Petruzzella, Taçi së bashku me dy njerëzit e tij akuzohet se kanë hapur llogari bankare pranë ‘Alpha Bank’ në Tiranë dhe pastaj duhet transferoheshin në Hong-Kong dhe Singapor nëpërmjet një kompanie të Rezart Taçit. Paraqë që do trasferoheshin kapnin shifrën e 18.4 milionë euro, por u bllokuan nga SPAK.
Burime zyrtare nga 'Alpha Bank’ informojnë se "banka që në momentin e parë të depozitimit ka ndërmarrë të gjitha masat e duhura sipas procedurave të saj të brendshme dhe kuadrit ligjor, duke informuar dhe bashkëpunuar ngushtë me organet kompetente".
Lajme të tjera
-
Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'
25 Dhjetor, 18:54 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Kosova dhe Shqipëria me ekipe të përbashkëta hetimore, Dumani dhe Isufaj firmosin marrëveshjen
24 Dhjetor, 12:52 -
I kallëzuar për 'shpërdorim detyre', shkarkoi drejtorin e UKSH në 2022! Ish-kryebashkiaku i PD në Shkodër, Bardh Spahia 1 orë në SPAK: S'ka lidhje me krimin, as korrupsionin (VIDEO)
24 Dhjetor, 09:54 -
Tjetërsimi i 66 mijë m2 tokë te Rana e Hedhun, Apeli i GJKKO dyfishon dënimin për ish-kryebashkiakun Frrokaj! Do kthehet në qeli, do vuajë 2,8 vite burg (VENDIMI)
23 Dhjetor, 14:15 -
Koncesioni i sterilizimit/ SPAK pranon kërkesën e GJKKO, rëndon akuzat për Beqajn, Rjepajn e Rrapajn! Avokatët kërkojnë kohë
23 Dhjetor, 10:59
-
Tiranë/ Akuzohet nga SPAK për deklarim të rremë, shtyhet përsëri seanca paraprake në GJKKO për Asllan Dogjanin! Solli raport mjekësor
23 Dhjetor, 10:13
-
Tiranë/ Për të dytën herë SPAK kërkon pushimin e çështjes për Selim Çekajn, akuza për përfshirje në trafik droge nuk vërtetohet! Gjykata shtyn vendimin
23 Dhjetor, 10:07
-
Pastruan 11 mln euro përmes kompanive fiktive, i sillnin nga parajsat fiskale, Gjykata cakton 'arrest në burg' për Darin Gezdarin dhe 'arrest shtëpie' Arlinda Markut
23 Dhjetor, 09:48
-
Simon Hadaj: Çfarë di Dumani që e tmerron Sali Berishën?
22 Dhjetor, 18:11
-
Mero Baze: Pse Flamur Noka po betohet se 'nuk merret peng'?
21 Dhjetor, 20:38
-
'Djathtas 1912' partia e parë që deklaron votën: Jemi pro zgjatjes së mandateve të prokurorëve të SPAK! 70% e qytetarëve e mbështesin, i vetmi që lufton korrupsionin
21 Dhjetor, 18:00
