POP 5

Lajmet më të lexuara të 5 minutave të fundit

Politikë

PD kërkon aleatë për 1 listë?! Mediu do kandidatë në çdo qark ku ka vota! Shehi "divorc" pa kthim: Primaret, tallje

PD ka nisur bisedimet për bashkëpunim me aleatët në zgjedhje, por krerët e partive të vogla janë të ndarë nëse do jenë në listat e Berishës apo më vete. Fatmir Mediu kërkon 1 listë për të mos humbur vota, por kërkon përfaqësim në çdo qark. Kurse Dashamir Shehi konfirmon divorcin final me PD.

Ilir Meta ishte i përzgjedhuri i Partisë Demokratike për të nisur takimet konsultative me aleatët, për formulën e bashkëpunimit në zgjedhjet e 2025.

Pas tij, një tur takimesh do të zhvillohen me partitë aleate, që ndryshe nga zgjedhjet e shkuara, PD nën drejtimin e Sali Berishës, duket t’i ketë më të pakët. 

Fatmir Mediu i Republikanëve mendon se dalja bashkë, forcon pozitat e opozitës.

“Opozita ka nevojë për një koalicion brenda vetes për të ndërtuar një marrëdhënie koalicioni me qytetarët shqiptarë. Kështu që i takon Partisë Demokratike të ngrejë një grup koordinimi, qëndrimi dhe veprimi brenda opozitës për të krijuar një koalicion sa më të gjerë””, shprehet Fatmir Mediu.

Kushti i Mediut për të qenë bashkë në zgjedhje është i qartë: pesha elektorale e partive përbërëse duhet të gjejë pasqyrim te vendet e sigurta në lista.

“Është e rëndësishme që në çdo zonë elektorale, në çdo qark ku Partia Republikane ka votat e saj të qenësishme që çojnë në fitoren e një mandati, patjetër duhet të ketë kandidat”, thotë Mediu.

Por, ftesën për konsultim si Mediu, nuk do ta pranojë kreu i LZHK Dashamir Shehi, që njëjtë si aleatët e tjerë, doli deputet nga koalicioni opozitar në 2021. Jo-ja e tij, për të qenë në zgjedhjet e ardhshme në aleancë me Sali Berishën është e prerë:

“Jo Flamur Noka të vijë, por edhe Berisha të vijë vetë, kjo punë është e mbyllur”, - thotë Dashamir Shehi.

Refuzimin nuk e bazon te kalkulimet elektorale, por thotë se parimet e ndajnë nga PD e drejtuar nga Berisha.

“Nuk mund të bëjë e djathta shqiptare armiq miqtë më të mirë si SHBA, Europën, Britaninë. Këto kolegët tonë opozitarë në darkë i thonë bande kriminale PAK-ut dhe pastaj shkojnë dorëzojnë letra. Na ndan raporti me drejtësinë e re”, - shprehet Shehi.

Shehi thotë teksa refuzon koalicionin me PD me Sali Berishën kryetar, po bën përpjekje për të bashkuar forcat, për një koalicion të ri opozitar:

 “Gjykoj që formula më e mirë që partitë e tjera të vogla, të reja, në parlament ose jo, të bëjmë një listë të përbashkët”, shtoi kreu i LZHK-së.

Qoftë aleati Mediu, por edhe i zhgënjyeri nga PD, Shehi skeptikë janë për premtimin e Berishës se kandidatët për deputetë do të dalin nga primaret:

 “Unë nuk mendoj që statuti i PD është statut i koalicionit”, pohon Mediu.

“Primaret e tyre janë një tallje. Listat e hapura janë primare. S’ka nevojë pse të lodhen, të pranonin listat e hapura”, mendon Dashamir Shehi.

PD nën drejtimin e Sali Berishës nuk ka humbur vetëm Dashamir Shehin. I dukshëm është distancimi edhe i kreut të PDIU, Shpëtim Idrizi, që në koalicionin me PD në 2021, mori jo pak, por 4 mandate deputetësh.

G.M./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

24 Nëntor, 09:15