Tirane- Nëse zgjedhjet do të mbaheshin sot, në Qarkun e Elbasanit Partia Socialiste do të rezultonte fituese. Sipas sondazhit të Report Tv, në bashkëpunim me analistin Eduard Zaloshnjën, i publikuar në emisionin “Repolitix”, PS ruan rezultatin e zgjedhjeve të fundit parlamentare të 2021, 8 mandate dhe lufton për mandatin e nëntë nga 14 që ka qarku.
Ndërsa partia më e madhe në opozitë, rrezikon të mos ketë më të njëjtin rezultat. Sipas sondazhit PD merr 4-5 mandate dhe mandatin e 14 mund ta marrin partitë e reja.
Sondazhi analizoi edhe se sa prej zgjedhësve të pyetur, janë të vendosur për të votuar qysh sot, për partinë që preferojnë.
Elbasani pritet të jetë një nga betejat elektorale më të vështira për zgjedhjet e 2025, pas përplasjeve të vazhdueshme politike për këtë qark. Socialistët ia kanë besuar drejtimin e fushatës Arbian Maznikut, ndërsa pas arrestimit të Ervin Salianjit, PD vendosi së fundmi drejtues politik Tomorr Alizotin.
Në zgjedhjet e shkuara, vetëm 4 ditë para mbajtjes së votimeve, përplasja politike coi në përdorimin e armëve, ku nga strukturat e mbrojtjes së votës së PD u vra biznesmeni Pjerin Xhuvani.
Shënim - Metoda e ndjekur për këtë sondazh nga Eduard Zaloshnja: Kampioni, 1182 votues të vendosur për të votuar qysh sot: – 804 në gjithë territorin e qarkut, të kontaktuar me SMS krejt të rastësishme të shpërndara proporcionalisht në bashkitë Elbasan, Cërrik, Librazhd, Prrenjas, Belsh, Peqin, Gramsh – 378 votues nga emigracioni të kontaktuar përmes miqve/të afërmve këtu. Kampioni u ripeshua statistikisht për ta përfaqësuar elektoratin sa më mirë demografikisht, gjeografikisht dhe politikisht. Maksimumi i marzhit të gabimit statistikor: Plus/minus 3.4%.
Së fundmi në sondazhin e Report Tv dhe Zaloshnjës për qarkun e Elbasanit u pasqyrua dhe shpërndarja e mandateve parlamentare nëse do votohej sot.
Gjithsej ky qark ka 14 mandate deputeti. Partia socialiste do të merrte 8 me një projeksion për të nëntin.
Kujtojmë se në 2021 socialistët morën 8 mandate. PD-ja do zbriste 1 apo 2 mandate më poshtë, me një projeksion 4-5 mandate. Për partitë e vjetra dhe të reja nuk kapin dot pragun e 1 mandati, duke u projektuar respektivisht 0.3-0.4.
Në sondazhin e Report Tv për qarkun e Elbasanit, njëra prej pyetjeve ishte dhe motivi i qytetarëve për të dhënë votën.
Sa i përket votuesve të Partisë Socialiste 75.3 % prej tyre kanë motiv për të votuar mbështetjen ndaj partisë së tyre, ndërsa 24.7% votojnë vetëm për të kundërshtuar partitë rivale.
Votuesit e PD-së në 78.4% prej tyre votojnë për mbështetje ndaj partisë së tyre, 21.6% votojnë për të kundërshtuar partitë rivale.
Ndërkohë për votuesit e partive të tjera të reja dhe të vjetra, 19.6% prej tyre votojnë për të mbështetur partinë e tyre, kurse 80.4% votojnë për të kundërshtuar partitë rivale, kryesisht partitë e mëdhaja.
Në sondazhin e Report Tv dhe Zaloshnjas për qarkun e Elbasanit del se femrat janë më të predispozuara të votojnë Partinë Socialiste.
Megjithëse socialistët janë mazhorancë edhe për meshkujt, këta të fundit kanë më presdispozitë për partitë e reja dhe PD-në se sa femrat.
Për femrat PS do merrte 63.4%, PD-ja 32.7%, partitë e vjetra 1.9%, kurse partitë e reja 2%. Për meshkujt PS-ja 58.4%, PD-ja 35.9%, partitë e vjetra 2.3% dhe partitë e reja 3.4%.
Në sondazhin e Report Tv dhe Eduard Zaloshnjas për qarkun e Elbasanit lidhur me zgjedhjet parlamentare, moshat më reja del se janë më të predispozuara të votojnë partitë e reja.
Moshat 18-49 vjeç në Elbasan do votonin 58.1% për Partinë Socialiste, 36.7% për Partinë Demokratike.
Sakaq 1,4% prej tyre për partitë të tjera të vjetra dhe 3.8% për partitë e reja. Sa i përket moshësh 50 vjeçe e sipër del se 63.5% do votonin PS-në, 32.1% PD-në. Partitë e vjetra do merrnin 2.7%, kurse partitë e reja 1.7%.
Në sondazhin e fundit, Report Tv dhe Eduard Zaloshnja u ndalën në qarkun e Elbasanit. Nëse do votohej sot 60.39% e votuesve sipas sondazhit do të votonin Partinë Socialiste. Më tej si forcë e dytë PD do kishte me vete 34.3% të votuesve, ndërsa parti të tjera që të vjetra 2.1%, kurse partitë e reja marrin 2.7% të votave.
Duke marrë parasysh vetëm votuesit që jetojnë në Shqipëri, votues të këtij qarku, Partia Socialiste do kishte me vete 58.5%, PD 36.2%. Partitë e reja do kishin një marzh vote prej 3.1%, kurse partitë e vjetra të vogla 2.2%.
Për ata që jetojnë në emigracion, votues të qarkut Elbasan, PS merr akoma më shumë vota me 66%, PD do zbriste me 30.3%, partitë e vjetra 1.9% dge partitë e reja 1.8%.
Lajme të tjera
-
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Ylli Pata: Logjika politike e guerriles së senatorëve të Sali Berishës
24 Dhjetor, 18:33
-
Përplasja fizike në Kuvend, Luan Baçi i del në mbrojtje Agron Shehajt, kundër Flamur Nokës
24 Dhjetor, 18:31 -
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23 -
Trafik i rënduar në aksin Tiranë-Elbasan, shqiptarët drejt Pogradecit e Korçës për festat e fundvitit
24 Dhjetor, 15:44 -
Protesta e PD-së, Martin Leka në Report Tv: Po kthehet në rutinë, Berisha nuk ka njerëz! Përdor propagandë për të karikuar simpatizantët! Më shumë kishte policë
24 Dhjetor, 13:56 -
Nesër sondazhi i fundvitit në Report Tv/ Si ndahen mandatet në 5 qarqet më të rëndësishme! Çfarë mendojnë shqiptarët për mbylljen e TikTok-ut
24 Dhjetor, 13:12 -
Zyrtare/ Bruno Telushi pa ekip, AF Elbasani konfirmon largimin
24 Dhjetor, 11:48 -
Humbi ndjenjat në protestë, videoja që rrëzon pretendimin e Gjekmarkajt! QSUT: S'ka problem shëndetësor! Policia: S'e goditi askush! Deputeti: Më shtynë brutalisht
24 Dhjetor, 11:02 -
I kallëzuar për 'shpërdorim detyre', shkarkoi drejtorin e UKSH në 2022! Ish-kryebashkiaku i PD në Shkodër, Bardh Spahia 1 orë në SPAK: S'ka lidhje me krimin, as korrupsionin (VIDEO)
24 Dhjetor, 09:54
