PD pa kryetar, Pampuri në Report Tv: Basha tashmë është përfshirë në garën brenda partisë

Deputetja e Partisë Demokratike, Oriola Pampuri e ka cilësuar një rikthim të ish kryedemokratit Lulzim Basha. E ftuar në Sot Live në Shqipëri me gazetarin e Report Tv, Nertil Agalliu, Pampuri thotë se Basha po përfshihet në garën për kryetar të Partisë Demokratike. Megjithëse nuk shprehu simpati të drejtpërdrejtë, Pampuri tha se mjafton të zgjidhet një kryetar i cili është i pastër nga ana politike dhe nga korrupsioni.

“Nuk do e quaj rikthim. PD tashmë është pa kryetar. Dhe prej një viti që kur Basha bëri një hap pas dhe me përgjegjshmëri e bëri, nga pala tjetër nuk pati. Dhe ja ku jemi sot. Nuk e quaj rikthim. Ai është deputet i PD. Ka nisur një tur por s’është rikthim. PD do hyjë në proces zgjedhjeje. Pritja nuk është në të mirë të PD-së.

Është përfshirje në garë e Bashës. Basha ka mbështetjen e strukturës.”-tha Pampuri.

Situata e brendshme me demokratët që shkuan të përçarë edhe në zgjedhjet e 14 majit, sipas deputetes Oriola Pampuri, është i vetmi shkak për rezultatin e thellë humbës, edhe në bashkitë bastion, siç ishte Shkodra Ky rezultat i humbjes së thellë të opozitës, sipas deputetes Pampuri, duhet të shërbejë mësim për demokratët, që në zgjedhjet parlamentare të 2025-ës, duhet të mos përsërisin më të njëjtat gabim.

“Të gjithë demokratët të bashkohen në logo për betejën e 2025”

Nga studio e Report Tv, deputetja e Partisë Demokratike Oriola Pampuri e quan nevojë urgjente organizimin e partisë që ende është në kërkim të kryetarit pas dorëheqjes së Enkelejd Alibeajt. Ndër të tjera, Pampuri bëri përgjegjës, koalicionin Berisha-Meta për humbjen e bastioneve të së djathtës në zgjedhjet vendore 2023.

“Të humbasësh në bastionet e së djathtës është e rëndë. Është më shumë se e rëndë. Është bërë e pamundur që të shtrijmë dorën.  Është rast i paprecedentë. Përgjegjësit janë ata që penguan.”- tha Pampuri në Report Tv.

G.MO/K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Berisha me zë Gazi!

Berisha me zë Gazi!