PD-ja nuk ndal sulmet për Pjetrin: Qytetarët ta refuzojnë! Shkodra do njerëz dinjitoz

TIRANË-Në muajin gusht, në periudhën kur ka bërë pushim nga protestat, PD-ja ka fokusuar akuzat tek një njeri i vetëm, kryebashkiaku Shkodrës i dalë nga zgjedhjet e 30 qershorit, Valdrin Pjetri. Pas akuzave të njëpasnjëshme që kanë ardhur nga figura të ndryshme të kësaj force politika, nga qendra, por edhe nga dega e Shkodrës, një reagim ka ardhur edhe nga ish-deputeti Bardh Spahia. Në një reagim të shkurtër, Spahia shkruan se qytetarët duhet të refuzojnë që Valdrin Pjetri të marrë detyrën, pasi ka një të shkuar kriminale, për të cilën shprehet se nuk e justifikon, por struket pas pushtetit.

Këto sulme vijnë pak ditë para 21 gushtit, ditë kur pritet që të konstituohet Këshilli Bashkiak dhe që Voltana Ademi të lërë bashkinë.

"Figura e kujt pretendon te jete qytetari i pare i Shkodres eshte padyshim interes i cdo qytetari shkodran, i majte apo i djathte. Refuzimi i nje pretendenti te tille, me nje te shkuar te erret ne Itali, te cilen fillimisht e fsheh, e pastaj kur i zbulohet, nuk arrin ta justifikoje, por struket pas fuqise se pushtetit, qe mbron te ngjashmit e tij, eshte nje detyrim qytetar i cdo shkodrani, i majte apo i djathte. Papergjegjshmeria qe e detyron te shmange transparencen, duke perdorur klishe te lodhura, vecse fut ne siklet ate 5% qe e votoi ne 30 qershor. Pervec te shkuares se erret, duket se ka edhe nje tjeter problem: si ish prefekt, nuk flet dot ne ajer per abuzime te bashkise, pasi vendimet (abuzive apo jo) sipas ligjit shumica konfirmohen nga prefekti, si gjithmone, perfaqesues i partise ne pushtet! As si perfaqesues i nje mazhorance e i nje kryeministri qe nuk ka lene vegel te ketij pushteti pa perdorur kunder Shkodres dhe bashkise se saj. Nje figure me te kaluar te erret eshte padyshim e keqja e Shkodres, dhe abuzimi me fuqine e pushtetit vecse diskretiton edhe me thelle ate vete dhe PS qe vazhdon te kandidoje individe me probleme! Pretendenti ne Shkoder thjesht po tregon devotshmeri, si pjese e te njejtit karvan te erret, qe koha e ka treguar se nuk shkon dot larg", shkruan Bardh Spahia.

B.K./Shqiptarja.com

TAG:
• Shkoder
• PD
• voltana ademi
• Bardh Spahia
• valdrin pjetri