Zv/Kryeministri Niko Peleshi zhvilloi sot një takim me ambasadoren Beatrice Maser, Drejtoreshë e Organizatës për Bashkëpunim dhe Zhvillim Ekonomik Zvicerian.
Me anë të një postimi në rrjetin social "Facebook", zv/kryeministri Peleshi theksoi se bashkëpunimi i shkëlqyer mes Shqipërisë dhe Zvicrës do të vijë duke u thelluar.
Peleshi gjithashtu ka shprehur mirënjohje për efikasitetin, gatishmërinë dhe ekspertizën me të cilën Zvicra ka përqafuar dhe mbështetur prioritetet e qeverisë.
"Një bashkëpunim i shkëlqyer mes vendeve tona, që do të vijë duke u thelluar. Mirënjohje, por edhe admirim, për efikasitetin, gatishmërinë dhe ekspertizën me të cilën Zvicra ka përqafuar dhe mbështetur prioritetet e qeverisë", shkruan zv/kryeministri Peleshi në postimin e tij. /atsh/