POP 5

Lajmet më të lexuara të 5 minutave të fundit

Sport

Përballja me Flamurtarin, Gega: Duhet vlerësim maksimal, me Gjicin nuk …

Partizani këtë javë do të përballet me Flamurtarin me qëllimin për t’u rikthyer te fitoret pas disfatës që pësoi me Laçin. Para sfidës trajneri Skënder Gega fillimisht ka deklaruar se duhet përqendrim i madh pavarësisht largimeve që ka patur këto kohë Flamurtari, ndërsa më pas bëri edhe një koment për deklaratat e presidentit të Kukësit Safet Gjici.

Të shtunën në “Selman Stërmasi” Partizani do të presë Flamurtarin në ndeshjen e vlefshme për javën e 23 të Superligës. Të kuqtë e Skënder Gegës udhëheqin me diferencë kampionatin, por javën e fundit u mposhtën 1-0 nga Laçi. Një tjetër hap fals do të kompromentonte qëllimin e tyre në një kohë kur përballë kanë një skuadër e cila vjen pas fitores me Skënderbeun. Gjithsesi kohët e fundit te Flamurtari ka patur shumë largime dhe duke llogaritur që nga muaji janar janë plot 8 futbollistë të cilët nuk janë më pjesë e skuadrës.

“Është e vërtetë që ka ikur një pjesë e mirë. Mund të jenë një pjesë e madhe e lotjarëve që mund të ketë më shumë dëshirë se ata që kanë ikur, kështu që do t’i vlersojmë maksimalisht ata që do të jënë në fushë. Nuk besoj se aty do të ketë ndryshime drastike.”

Trajneri tropojan lidhur me komentet e presidentit të Kukësit Safet Gjici se Partizani merret me skuadrën verilindore ka deklaruar:

“Kur është pyet për Kukësin ose presidentin, kam thënë që nuk merrem. Asnjëherë nuk jemi marr me ta, asnjë futbollist. Nuk kam asnjë koment. Jam në fokus te Partizani, kjo është familja ime.”

Ndërkohë në kampin vlonjat sulmuesi Andi Ribaj që shënoi 1 nga dy golat e fitores kundër Skënderbeut për ndeshjen me Partizanin është shprehur:

“Partizani është ekipi më I mirë për momentin dhe ne ekemi vlerësuar maksimalisht këtë ndeshje. Si rrjedhojë i kemi marrë masat dhe besoj se do të marrim maksimumin.”

Po të shtunën në Gjirokastër luhet Luftëtari-Teuta, ndërsa java e 23 e Superligës mbyllet me dy ndeshjet e së dielës Kastrioti-Laçi dhe Kukësi-Kamza. 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi