TIRANE - Në Muzeun Historik Kombëtar u mbajtën homazhe për ndarjen nga jeta pas një sëmundje të rëndë, të Gjergj Filipit, drejtorit të Institutit të Statistikave.
 
Homazhet filluan në orën 10.00 dhe zgjatën për disa orë ku morën pjesë edhe drejtues të lartë të Shtetit shqiptar.
 
Drejtori i INSTAT Gjergj Filipi  ndërroi jetë nga një sëmundje e rëndë për të cilën ishte duke u kuruar jashtë vendit.

Gjergj Filipi mori drejtimin e INSTAT në vitin 2013 pas ardhjes në pushtet të socialistëve, detyrëqë e ushtroi deri pak ditë më parë. Më parë ai ka qenë drejtor i institutit “Agenda”, përmes së cilit ka kryer shumë kërkime në fushën e zhvillimit social dhe ekonomisë.