Prokurori suedez ka kërkuar për lejen e themeluesit të Wikileaks, Julian Assange që t’a marrë atë në pyetje në Londër.

Assange është ngujuar në Ambasadën Ekuadoriane prej 3 vitesh për të evituar ekstradimin e tij.

Suedia kërkon që t’a marrë në pyetje mbi akuzat për dhunë seksuale dhe përdhunim, të cilat Assange i mohon.

Australiani thotë se ka frikë se mos e dërgojnë nga Suedia në SHBA, ku mund të akuzohet për një nga “rrjedhjet” më të mëdha të informacionit në historinë amerikane.

Avokati i Assange e mirëpriti lëvizjen e prokurorit Suedez drejt Londrës, por paralajmëroi se për këtë do të duhet një proçes i gjatë. Prokurorët kërkojnë gjithashtu realizimin e një testi ADN-je. 


Redaksia Online
(g.f/Shqiptarja.com)