Përfundon rikonstruksioni i shkollës 9-vjeçare ‘Eftali Koçi’ në Durrës, hap dyert për 650 fëmijë, nxënës e mësues

Shkolla 9-vjeçare “Eftali Koçi” në Durrës ka marrë një pamje krejt të re pas rikonstruksionit total. Kryeministri Edi Rama ka ndarë pamjet nga ambientet e reja të shkollës, ndërsa shkruan se ka hapur dyert për 650 fëmijë, nxënës e mësues.

Investimi për rikonstruksionin e shkollës ka përmirësuar infrastrukturën fizike, si dhe e ka pajisur shkollën me laboratorë të rinj për IT, kimie, biologji, dhe fizikë, si dhe një palestër dhe terrene sportive moderne.

“MIRËMËNGJES dhe me një tjetër shkollë të re, “Eftali Koçi” në Durrës, e rindërtuar me standardet më të mira me mbështetjen edhe të partnerëve tanë të #BE, bashkë me kopshtin për më të vegjlit, që sapo kanë hapur dyert për 650 fëmijë, nxënës e mësues, ju uroj një ditë të mbarë”, shkruan Rama.

LEXO EDHE:
Durrës/ Masakroi fqinjin 82-vjeçar në lagjen nr.16 për një borxh 200 mijë lek, dalin pamjet e autorit teksa del nga pallati (VIDEO)

Shkolla 9-vjeçare “Eftali Koçi” është financuar nga programi EU4School, i Bashkimi Europian në bashkëpunim me Ministrinë e Arsimit dhe Sportit dhe Bashkinë Durrës.

Në ceremoninë e inaugurimit të shkollës së re ishin të pranishëm, Ministrja e Arsimit dhe Sportit, Ogerta Manastirliu, Ambasadori i BE në Shqipëri, Silvio Gonzato, Kryetarja e Bashkisë së Durrësit, Emirjana Sako, përfaqësuesesja e UNDP, Monica Merino, mësues, nxënës dhe përfaqësues të komunitetit lokal.

Përmes programit EU4School është investuar në 18 objekte të ndryshme arsimore në qarkun e Durrësit dhe në 64 në gjithë Shqipërinë. 

TAG:
• Durres
• edi rama

Sondazhi i ditës:

Çfarë prisni në vitin 2025?

• Punë

  10.9%

• Shëndet

  67.5%

• Mirëqënia

  21.7%

Vota total: 2092

Votat totale janë unike

• Sondazhi i ditës:

  Çfarë prisni në vitin 2025?

  Punë Shëndet Mirëqënia