Më shumë se 100 persona kanë humbur jetën në Indi nga rrëshqitjet e tokës dhe përmbytjet e shkaktuara nga shiu i fortë muson goditën pjesë të Indisë Perëndimore, ndërkohë që më shumë se 1.000 persona janë shpëtuar pasi ishte bllokuar nga përmbytjet.

Shtetet e Goa dhe Maharashtra janë prekur më së shumti dhe  në vend ka filluar frika se përmbytjet mund të zhvendosen drejt qendrës financiare të vendit,  Mumbai.

Të paktën 136 njerëz kanë vdekur në Maharashtra, ndërsa në Goa-n fqinje dhe mbi 90 mijë persona janë detyruar të zhvendosen nga shtëpitë.

Kryeministri Narendra Modi tha se ishte i pikëlluar nga humbja e jetëve.

"Situata në Maharashtra për shkak të shirave të mëdha po monitorohet nga afër dhe të prekurve po u ofrohet ndihmë”, shkroi Modi në Twitter.

Ushtria, marina, roja bregdetare dhe Forca Kombëtare e Reagimit të Fatkeqësive  janë vënë në kërkim të personave që rezultojnë të humbur.

Fatkeqësitë e shkaktuara nga rrëshqitjet e tokës dhe përmbytjet janë të zakonshme në Indi gjatë sezonit të musoneve, kur reshjet e mëdha të shiut dobësojnë bazat e strukturave që shpesh janë të ndërtuara keq.

Shumë faktorë kontribuojnë në përmbytjet, por ekspertët thonë se ndryshimi i klimës i shkaktuar nga ngrohja globale i bën reshjet ekstreme edhe më të mundshme.

Reshje të mëdha shiu dhe përmbytje kanë goditur gjithashtu Evropën Perëndimore dhe pjesë të Kinës javët e fundit, ndërsa Amerika e Veriut është ndeshur me valë të mëdha nxehtësie.

/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 12 Mars, 14:12

    PS rrëzon kërkesën e SPAK për arrestimin e Ballukut, si e vlerësoni?

Lajme të tjera