Përmbytjet në Shkodër, 300 shtëpi dhe 5 mijë hektarë nën ujë, 69 persona dërgohen në konvikt

Bashkia Shkodër vijon që të kërkojë shpalljen e gjendjes së jashtëzakonshme, edhe pse dje qeveria e refuzoi. Sipas informacioneve të bashkisë, në Njësitë Administrative të përmbytura situata vazhdon të përkeqësohet dhe sipërfaqja totale ka arritur mbi 4958 Ha, janë mbi 300 shtëpi të rrethuara nga uji, ndërkohë që probleme ka edhe në disa shkolla. Problem vijojnë që të mbeten argjinaturat, që rrezikojnë të çahen. Probleme ka edhe në qytet, pasi janë përmbytur disa lagje, ndërsa aktualisht janë 69 persona të akomoduar në konvikt.

“Kërkohet të ndërhyhet për lartësimin e argjinaturës së Pentarit, Shirqit dhe Darragjatit. Rruga Shirq- Darragjat , rruga, Belaj- Pentar, Rruga Bishti i Qarrit dhe Urrela jane te bllokuara. Ne disa shkolla ne ambientet e brendshme te shkolles ka prezence uji.

Kane rene disa shtylla te energjise elektrike ne rrugen e Dajcit. Kerkojme nga OSHEE nderhyrje emergjente duke marre masat perkatese.  Paraqitet shume e nevojshme vendosja e shenjave orientuese ne rruge per te bere te mundur kalimin. Jane mbi 300 shtepi te rrethuara nga uji. Kerkohet furnizim me uje te pishem per banoret” njofton bashkia. Ana e Malit, Dajçi dhe disa fshatra, mes tyre më rëndë Oboti vijojnë që të ketë probleme prej rreth 20 ditësh.

Ministria e Mbrojtjes informon se Forcat a Armatosura vazhdojnë operacionin me mbi 200 forca dhe dhjetëra mjete ne Dajc ne Obot, Trush Livadhe, Velipoje,Pentar dhe ne qytetin Shkodër. Gjate natës janë vendosur mbi 2 mijë thasë rërë në argjunaturën e fshatit Pentar, ndërsa efektivet e FA janë prezent ne cdo zone ku shtimi i nivelit te ujit paraqet rrezik per banoret dhe bagetite

Njësia Administrative Ana e Malit: 1300 ha
Ujesjellesi Oblika 1 dhe Oblika 2 jane jashte funskionit. Kerkohet furnizimi me uje te pijshem per banoret dhe nevojiten çizme te gjata per banoret.Lagjia Gorice eshte totalisht e izoluar. Jane 177 shtepi te rrethuara nga uji , 150 ne Obot dhe 27 ne Gorice.
Njësia Administrative Bërdicë:
Në njësinë administrative Bërdicë janë mbi 1280 ha tokë e përmbytur .

Stacioni i pompave te Ujesjellesit ne Trush si pasoje e permbytjeve eshte jashte funskionit. Jane 100 shtepi te rrethuara nga uji.

Njësia Administrative Velipojë:

Në njësinë administrative Velipojë, janë të përmbytura mbi 410 Ha tokë :

Në fshatin Luarz del uji nën argjinaturë. Ndersa ne ate te Çasit paraqiten shume probleme..Kerkohet nderhyrje emergjente. Rruga nacionale eshte e pakalueshme.

Fshati Luarz eshte pa energji elektrike.

Paraqitet shume e nevojshme vendosja e shenjave orientuese ne rruge per te bere te mundur kalimin.

Njësia Administrative Rrethina:

Në njësinë administrative Rrethina janë të përmbytura 70 Ha tokë Në zonën e Livadheve (Nj.ad.Rrethina) janë 17 shtëpi të rrethuara nga uji. Në 3 shtëpi ka hyre uji brenda.

Njësia Administrative Guri i Zi:

Në njësinë administrative Gur i Zi vazhdon gërryerja e tokës në fshatin Juban, në afërsi të Malit të Vukatanës. Paraqitet shume problematike kjo dukuri pasi mund te rrezikohet argjinatura.

Qyteti Shkodër:

Në zonën e Livadheve janë të përmbytura 135 ha. Në këtë rrugë ndodhen mbi 70 shtëpi me prezencë uji afër oborreve të tyre. Me shume veshtiresi kalohet me makine ushtrie , ndersa ne disa zona kalimi behet i mundur vetem me varke.

Në lagjen Ajasëm janë rreth 3ha tokë e mbuluar nga uji. Në 13 banesa ka prezencë uji.

Bashkia Shkoder ka bere evakuime te banoreve dhe gjese se gjalle kur jane paraqitur nevoja. Ne kete moment jane 69 persona te akomoduar ne konvikt. Gjithashtu Bashkia Shkoder ka bere te mundur edhe levizjen e banoreve dhe akomodimin e tyre tek te afermit e tyre.

Specialistët tanë janë në terren, dhe po bëjnë vlerësimet e dëmeve të shkaktuara.

Nevojat për bazë ushqimore afatgjatë, për blegtorinë, në zonat e përmbytura janë Imediate dhe paraqiten si më poshtë:

1.            Koncentrat 110t

2.            Bar i thatë 50 t

Baza ushqimore e ardhur nuk eshte e duhura(ka ardhur elb).

Nga ana tjetër, duhet të merren masa për furnizim me klor për dizefektim për zonat e përmbytura pas tërheqjes së ujit.

Bashkia Shkodër ka bërë një shkresë publike drejtuar Ministrisë së Mbrojtjes ku ka kërkuar shpalljen e gjendjes së emergjencës civile në këto njësi pasi rrezikohet rëndë shëndeti dhe jeta e popullatës, gjësë së gjallë, pasurisë e mjedisit.

Edhe pse kjo kërkesë është përsëritur disa herë, akoma Bashkia Shkodër nuk ka një përgjigje zyrtare nga autoritetet përgjegjëse.

Insistojmë në kërkesën tonë të vazhdueshme për shpalljen e emergjencës civile në një pjesë të territorit të Bashkisë së Shkodrës pasi situata e krijuar është rezultat i shkarkimeve të mëdha në sasi dhe për një kohë të gjatë në kaskadën e lumit Drin.

Bashkia Shkodër është e angazhuar në monitorimin dhe përgjigjen në çdo kohë të nevojave emergjente të banorëve.

 

/b.ha./Shqiptarja.com

TAG:
• emergjenca
• permbytje
• bashkia shkoder