VLORË- Rruga “Albano dhe Romina” në Vlorë, mbushet nga uji sa herë ka reshje shiu. Të premten e 4 tetorit, situata ishte më kritike nga çdo rast. Reshjet e shiu siç autoritetet njoftuan vërshuan në pak orë me intensitetin e një muaji.
“Dje kanë ardhur 180 mm shi, sa për 1 muaj, gjithë këto prurje reshjesh erdhën për 3 orë”, tha kryebashkiaku i Vlorës, Ermal Dredha.
Me theksin se jo vetëm rruga Albano dhe Romina, por edhe zona të tjera të Vlorës, shfaqin këtë panoramë të trishtë që përsëritet çdo here që ka prurje reshjesh më shumë se normalet, kryetari i Bashkisë së Vlorës, Ermal Dredha, shpjegon disa nga shkaqet e përmbytjeve në qytetin bregdetar.
“Ka zona në Vlorë që janë nën nivelin e caktuar ka disnivel mes rrugëve, ajo pastaj krijon efektin vaskë.”
Siç duket në këto pamje zona më e prekur nga rrjedha e ujit që kanali kullues ktheu në qytet është lagjia Karabash.
Drejtuesi i politik i PS në Vlorë Bledi Çuçi teksa shfaqi pamje të autoriteteve duke u pastruar mbeturinat nga hidrovori i Vlorës, nuk dha përgjigje se kush janë përgjegjësit për mospastrimin e kolektorëve por tha se do të nisë një verifikimin për të gjetur se çfarë çedoi në Vlorë.
'Mësimet që morëm, sidomos në zonat informale, ku ka munguar urbanizimi, kryetari i bashkisë do aprovojë ndërhyrjet, për të pastruar sidomos ato ndërtimet pa leje mbi kolektorë që janë çmenduri dhe që duhet të marrin fund përfundimisht', thekson Çuçi.
Hidrovori ka qenë në punë me kapacitet të plotë – thotë kryebashkaiku i Vlorës, por për të mundësuar tërheqjen e sasive të mëdha të ujit, ai ngre nevojën e investimeve të reja.
“Është në kapacitet të plotë edhe Hidrovori, janë investime të vjetra, duhet parë mundësia që më vonë, të paktën nga 4 pompa, 2 t’i zëvendësojmë, 2 i kemi pak më të reja. Ato punojnë, por dihet edhe vjetërsia që kanë”, tha Dredha.
Edhe ministri i mbrojtjes, Pirro Vengu u ndal te shkaqet e përmbytjeve pas mbledhjes së Emergjencave. Përpos vërshimit të madh të ujit, edhe Vengui ndalet tek hidrovori, duke thënë se nuk ka punuar në kushtet optimale. Edhe ministri ngiti nevojën për investim të ri.
“Ka shkaqe objektive, kemi një situatë ku në shumë pak orë kanë vërshuar 20 cm ujë. Ka dhe shkaqe teknike që lidhen me rrjetin infrastrukturor dhe të evakuimit të ujërave të zeza dhe bardha në nivel bashkie dhe qarku. Janë evidente nga ekipet në terren që po shohin, që nga kolektorët deri te hidrovorët e stacionet e pompimit, situata nuk ka qenë detyrimisht në kushtet optimale. Na duhet të reagojmë dhe përmirësojmë përmes investimeve në javët në vijim”, tha Vengu.
Stacionet e pompave të cilat kanë peshën kryesore të tërheqjes së ujit që kanalet e kullimit kthyen në qytet mendohet të mos kenë punuar në momentet kritike të përmbytjeve kur në gjithë Vlorën u ndërprenë dritat, të cilat mungojnë ende në disa zona.
Megjithatë, autoritetet sqaruan për Report tv se stacioni stakohet sa herë ka tejmbushje dhe uji del mbi të, për të shmangur incidentet.
Banorët shprehen se përmbytja është e qëllimshme dhe mos pastrimi i kanalit i ujërave të lartë na shkaktoi dëme të shumta, jemi tmerruar bashkë me fëmijët thonë ata dhe askush nuk na ka ardhur pasi kërkuam ndihmë.
Report Tv sjell pamjet ku tregohet se kanali i ujrave të larta është bllokuar jo vetëm nga mbetjet por dhe nga ndërhyrjet në të. Një burrë tregon si janë vendosur disa tuba të trashë të cilët kalojnë mes për mes kanalit duke penguar në këtë mënyrë dhe rrjedhën e ujit.
Ky është krim. Krim I organizuar. Kaq! Çoje fjalën time. Unë jam 73 vjeç por kam kaluar terror me fëmijët. Çfarë të të them. Nuk përgjigjet policia shtetit. Nuk përgjigjen institucionet. Është raportuar dy muaj para se të ndodhej kjo punë. Ky magjistral (I bie tubave të medhenj me dorë) nuk e lë ujin e mbjetjet të ecë. Nuk punon shteti.
Një grua tregon se muri 20 metra beton ngjtiru me kanalin i ka rënë në shtëpi
Muri 20 metra me beton ka rënë në shtëpi. Kam frikë se do më bjerë shtëpia. Të gjitha janë dëmtuar, thotë qytetarja.
Vlora u përmbyt nga reshjet e djeshme si asnjëherë më parë dhe shkaku më kryesor është edhe dëmtimi i kanaleve të ujërave të larta, i cili nuk arriti të dërgoj ujin e shirave në hidrovor si pasojë e ndotjeve dhe më tej uji vërshoi në qytet.
Banorët shtojnë se ky problem është evidentuar me kohë por askush nuk ka bërë asgjë.
Lajme të tjera
-
Kroacia kthen mbrapsht 3 ngarkesa me mandarina, me nivele të larta pesticidesh! Ministria e Bujqësisë: U Nisën nga Berati e Fieri, gjobit grumbulluesin
18 Dhjetor, 21:12 -
Bashkia e Vlorës zhvendos tregun e gjësë së gjallë, tregtarët bëjnë rezistencë: S’vjen njeri të blejë kaposhë në Nartë se është larg
18 Dhjetor, 17:08
-
Shpërndanin drogë në Sarandë e Delvinë, “Arrest në burg” për 12 persona
18 Dhjetor, 17:02
-
Shqipëri-BE marrëveshje bashkëpunimi për sigurinë e mbrojtjen, jep 13 milionë euro për ushtrinë! Rama: Lidhje e pandashme! Hasani: Luftojmë kërcënimet kibernetike
18 Dhjetor, 11:31 -
I dënuar me 21 vite burg në Itali për trafik droge, konfiskohen dy resorte në Sarandë të Emiljan Burbës! Vlera rreth 3 mln euro (VENDIMI)
18 Dhjetor, 10:04 -
Arrestohet hajduti i biçikletave në Vlorë, momenti kur kryen një nga grabitjet
17 Dhjetor, 12:00 -
Ministri Vengu takon studentët e masterit në AFA: T'i kushtojmë më shumë rëndësi sigurisë kombëtare
16 Dhjetor, 18:51 -
I vuri tritol lokalit ‘The Boss’ në Lungomare, Gjykata e Vlorës lë në burg 28-vjeçarin! Selamaj zgjedh heshtjen (VENDIMI)
16 Dhjetor, 15:38 -
Vlorë/ Rekrutonin shtetas të huaj për aktivitet kriminal, Gjykata lë në qeli ukrainasin dhe bjellorusin, liron 2 të tjerët për mungesë provash (EMRAT+VENDIMI)
16 Dhjetor, 15:20 -
Vlorë/ Shpërndanin lëndë narkotike pranë shkollave, Prokuroria kërkon arrest me burg për autorët
16 Dhjetor, 12:55 -
Policia operacion kundër shpërndarësve të drogës në Vlorë, Sarandë e Delvinë, 12 të arrestuar, 1 në kërkim
16 Dhjetor, 10:57 -
Vlorë/ Shpërndanin kanabis në doza, arrestohen 3 persona, shpallet në kërkim një tjetër
15 Dhjetor, 13:50
