“Është gjaku i Jonadës!” Me këtë thirrje, qytetarët në formë demonstrate kanë lyer me bojë të kuqe murin e Ministrisë së Brendshme teksa kërkonin drejtësi për vrasjen e 7-vjeçares Jonada Avdia në plazhin e Potamit në Himarë. Më pas marshuan drejt kryeministrisë. Atje u ulën këmbëkryq së bashku me disa fëmijë, të cilët janë të shoqëruar nga prindërit dhe mbajnë pankarta në duar me shkrime të ndryshme, por kryesisht kërkonin që shpirti i Jonadës së vogël duhet të pushojë në paqe me vendosjen e drejtësisë maksimale.
Në dallim nga protesta e 4 ditëve më parë, këtë herë i kërkonin kryeministrit Edi Rama që të shkarkonte ministrin e Brendshëm Bledi Çuçi, ministren e Turizmit, Mirela Kumbaro dhe Drejtorin e Përgjithshëm të Policisë së Shtetit, Gledis Nano. Sipas qytetarëve, ata janë përgjegjësit kryesor për përplasjen për vdekje të 7-vjeçares nga gomonia e drejtuar nga Arjan Tase. Protestuesit i kishin lënë afat kryeministrit Rama që të merrte masat për të vënë para përgjegjësisë ministrat dhe drejtorin e policisë. Duke qenë se nuk morën asnjë reagim, këtë të hënë paralajmëruan nisje të peticionit për largimin e tyre nga detyra. Teksa vijuan thirrjet “Drejtësi për Jonadën” dhe “Poshtë kriminelët”, qytetarët i kërkuan kryeministrit të dalë e të kërkojë falje.
“Mbroni fëmijët me djersën, gjakun tuaj se me këta banditë nuk ka shpresë derisa e drejta do të fitojë dhe do të fitojë patjetër”.
“Kemi ardhur këtu që t’i themi këtij ministrit ik sa më parë zotëri. Do ikësh, por më mirë ik vetë se do ikësh me turp. Edi dil dhe kërko falje se je ti fajtor që ke vënë këtë ministër. I vë cmimet si të do qejfi ty. Ti e bën qëllimisht këtë, bën gjithcka për karrigen tënde. Kanë qenë burra më të fuqishëm se ty e kanë përfunduar në puse. Ky popull nuk është aq i urtë”, thanë protestuesit.
Të pranishëm në protestë ishin përfaqësues të partive politike në vend, por ndryshe nga hera e kaluar mungojnë krerët e partive opozitare. Ndërkohë efektivë të forcave të rendit ishin të pranishëm pranë Ministrisë së Brendshme. Teksa ndodheshin poshtë zyrës së tij, anëtarja e Këshillit Kombëtar të PD së Berishës, Ilirjana Kuçana tentoi të telefononte kryeministrin Edi Rama për t'i treguar kërkesat e protestuesve, por pavarësisht përpjekjes nuk mori asnjë përgjigje. Protesta që zgjati rreth 75 minuta u mbyll në orën 20:45 ndërsa qytetarët theksuan se do të dalin sërish derisa të vihet drejtësia për Jonadën.
Si ndodhi ngjarja?
Ngjarja e rëndë ndodhi dy ditë më parë (2 gusht) në Plazhin e Potamit në Himarë, ku 7-vjeçarja Jonada Avdia, u godit për vdekje nga një gomonja me drejtues policin Arjan Tase, teksa ajo po lahej në det. E mitura u përplas fillimisht nga pjesa ballore e gomones dhe më pas trupi i saj është prerë nga helikat duke ndërruar jetë në vend. Fëmija, me origjinë nga Tropoja jetonte jashtë shtetit me familjen e saj në Angli, por ishte kthyer në atdhe për pushime.
Drejtuesi i gomones, Arjan Tase është arrestuar, ndërsa ndaj tij rëndon akuza ‘vrasje me dashje’ dhe jo “vrasje nga pakujdesia”, që ishte akuzuar më herët. Që do të thotë se me akuzën e re të ngritur nga organi i akuzës, Tase rrezikon nga 10-20 vite burg, e jo gjobë-5 vite burg siç ishte raportuar më herët. Tase ka qenë ish-shef i Policisë në Himarë, ndërsa kur ndodhi ngjarja ai mbante postin e shefit të Policimit në Elbasan, por Gledis Nano e përjashtoi përfundimisht nga policia. Për këtë ngjarje është shkarkuar i gjithë zinxhiri drejtues i Policisë Kufitare të Vlorës, si edhe inspektorët përgjegjës.
Teksa ndodhen poshtë zyrës së tij, anëtarja e Këshillit Kombëtar të PD së Berishës, Ilirjana Kuçana ka tentuar të telefonojë kryeministrin Edi Rama teksa protestuesit kërkonin shkarkimin e ministrave Bledi Çuçi e Mirela Kumbaro dhe drejtorit të policisë Gledis Nano. Ajo i tha qytetarëve se do ia thoshte 'live' kërkesat e tyre, por nuk mori asnjë përgjigje.
Qytetarët kanë mbërritur në ambientet e kryeministrisë dhe janë ulur këmbëkryq dhe kërkojnë drejtësi për 7-vjecaren që u përplas për vdekje nga gomonia në Himarë. Edhe fëmijët, të shoqëruar nga prindërit, janë ulur në shkallët e kryeministrisë dhe mbajnë pankarta në duar që shkruajnë: “Drejtësi maksimale që Jonada të pushojë në paqe” apo edhe "Zoti kryeministër, kë do të përqafojnë sonte prindërit e Jonadës".
Fëmijët në protestë
Në ditën e dytë të protestës për vrasjen e 7-vjeçares Jonada Avdia, qytetarët kanë lyer me bojë të kuqe murin e Ministrisë së Brendshme duke thënë: "Është gjaku i Jonadës". Ndër të tjera kërkojnë nga qeveria që të shkarkojë dy ministrat Çuçi dhe Kumbaro si dhe drejtorin e policisë Gledis Nano.
Komente
Lajme të tjera
-
‘Për hajër ura e madhe e Kukësit’, Rama 'thumbon' dhe kritikët: Lutje për ata që thoshin u ndryshk, shani sa më shumë se na shtoni inatin për punë! (VIDEO)
4 Nëntor, 21:14 -
Skënder Minxhozi: Kur humbesh pas detajeve e harron pyllin
4 Nëntor, 20:53
-
'Vorio-Epiri injorancë anti-shqiptare', Ngjela në 'Studio Live': Rama shkoi në Selanik t'u tregojë se jemi të fortë
4 Nëntor, 20:06 -
‘Studio Live’, vizita e Ramës në Selanik, Llalla: Vorio-Epiri jo term i vdekur, Greqia ka ende aktiv Ligjin e Luftës! Beleri dhe Dule kërkojnë ngritjen e statujës së ‘motrës epiriote’ në Athinë
4 Nëntor, 19:32 -
Pas takimit me shqiptarët në Selanik, Rama për mediat greke: Keqinformim për pronat në Himarë! Keqardhje për zhurmën 'Beleri'! Asnjë problem për të forcuar marrëdhëniet me Greqinë
4 Nëntor, 15:18 -
Orban fton Ramën të enjten në Budapest! Hungaria mbështet ngritjen e kampeve jashtë BE
4 Nëntor, 14:54 -
Hapet Ura e Madhe në Kukës, merr pjesë në inagurim kryeministri Rama, pritet me këngë dhe valle! Planet me dron
4 Nëntor, 13:40 -
Spartak Ngjela: Edi Rama kaloi në një stad patriotik, të cilin nuk e ka pasur deri tani
4 Nëntor, 11:46
-
Partia e Lirisë kërkesë Policisë e Ministrisë së Brendshme: Na vini në dispozicion emrat e policëve që ‘rrëmbyen’ Ilir Metën, operacion kriminal
4 Nëntor, 11:46 -
Dritan Hila: Pse Rama gjuan në portën pa portier
4 Nëntor, 11:09
-
Rama ndan video nga takimi me shqiptarët në Selanik: Frymëzim kuqezi
4 Nëntor, 08:50 -
Masakra në Shkodër dhe vizita në Selanik, Berisha akuza Ramës nga ballkoni: Viktima të krimit të mafias shtetërore, të licencuara për mandatin e tij!
3 Nëntor, 19:44
Shpellaret kane dale te pershurrin mbi gjakun e Edison Durdes te vrare ne Gerdec nga Sali Berisha dhe Shkelzen Berisha.
PërgjigjuNon grata dhe Like spiuni po perdorin militantet per te mare pushtetin por populli nuk eshte budalla, ne Amerike behen vrasje makaber neper shkolla dhe nuk del njeri me kerkesa te tilla.
PërgjigjuPerhere te vrerosur keta te Saliut. Kalerojne plot vrerr lajmin e trishte apo te dhimbshem. Te shemtuar,te pabesuar,IQ e ulet Hajde besoji ketyre…. Keta te vrasin cdo dite dhe cdo dite e mohojne Keq per keta te rinj,keq,por pa dyshim e kane te qarte rrugen Ne nje te ardhme ndofta nje pozicion diku dhe…dhe qejf,para”lumturi “ Se kane keq….a nuk jane shumica e shqiptareve e tille?
@Franci. Aman o aman, kush na flet pèr Amerikèn neve? Tè ta prejè dikush kokèn ty nè breg tè detit me helikat e gomoneve tè trafikantève? Tè pèlqen si ide? Hè si thua? Apo çi qi tèmèn, nuk ishte koka jote, ishte e njè fèmije tè dikujt qè nuk e njeh ti? "Amerikanè" ju kemi, me letra biles. Vetèm koka, ajo e shkretè nuk u bè kurrè amerikane, mbeti ashtu siç ishte kur ike, bosh.!!!