Sot në emisionin “Pa Gjurmë” u trajtua një histori dashurie mes një vajze 30-vjeçare nga Durrësi (Joana) dhe 50-vjeçarit Bilbil Xhafa nga Kukësi, i cili i përket komunitetit egjiptian. Dashuria e tyre pengohet nga familja e Joanës e cila nuk është dakord me këtë lidhje, por edhe nga ish-bashkëjetuesja e Bilbilit, Mimoza Shkoza, me të cilën ai ka qëndruar 12 vite. Kjo e fundit teksa ndiqte emisionin direkt mbërriti menjëherë në studio. Stafi i “Pa Gjurmë” e telefonoi për një përballje me çiftin, por ajo na komunikoi se ishte shumë pranë “Report tv” dhe donte të ishte e pranishme përballë Bilbilit dhe Joanës. Pavarësisht thirrjes së moderatores Odeta Dume, për të mos pasur ofendime në studio, Bilbili dhe Mimoza nuk u përmbajtën dhe hodhën akuza e sharje ndaj njëri-tjetrit.
Mimoza: Ato që dëgjova janë të gjitha gënjeshtra. Një njeri që merret me punë nuk merret me fjalë.
Bilbili: Kjo gënjen se të vërtetat i di vetëm unë.
Mimoza: Unë s’kam punë me Joanën, se ajo është femër si mua. Është e papunë.
Bilbili: Kjo nga 365 ditë, 360 është në polici.
Mimoza: Ti nuk solle asnjë lekë në shtëpi.
Bilbili: 80 milionë lekë i hëngre ti në 12 vite.
Mimoza: S’kam punë me të, s’e njoh fare. Ik vazhdo me jetën tënde, unë nuk të dua më
Bilbili: Atëherë pse më ndjek nga mbrapa ?
Mimoza: Unë nuk të ndjek s’kam punë me ju. As me këtë femër.
Bilbili: S’ta mban ty moj. Unë këtë do e mbaj fort se këtë kam. Hajde se të pres jashtë dhe sqarohemi…. Çuni i kësaj merr në telefon dhe më thotë mua gocën tënde e kam pasur të dashur.
Mimoza: Unë nuk e dua më këtë, se një bukë nuk ma sillte në shtëpi.
E dashura aktuale e Bilbilit, Joana pretendon se Mimoza e përndjek dhe se e ka dhunuar, madje shpeshherë ka përfunduar në polici. Ajo i bën apel ish-bashkëjetueses së burrit, që të mos ndërhyjë më në jetën e tyre.
Mimoza: Nuk i shqetësoj aspak.
Joana: Djali i saj më ka ardhur me duar në fyt dhe më ka kërcënuar duke më thënë se do të më vriste. Unë këtu nuk kam ardhur për të sharë njeri. Mimoza të flasi për veten e saj.
Mimoza-Bilbilit: Ti merresh me femra. Kjo (Joana) më del me makinë më ndjek.
Bilbili: Mimoza më ka vjedhur pasaportën dhe s’e kam denoncuar.
Mimoza: Gënjen!
Joana-Mimozës: Te lokali dhe te puna pse më përndjek?!
Mimoza: Gënjen. Unë nuk kam më punë me këta.
Joana: Ti Bilbil duhet të tregohesh më i qetë. Unë kam ardhur këtu që t’i them Mimozës, që të mos i shqetësojë më familjarët e mi. Dua ndihmë që ajo të na lërë rehat. Unë kur e shaj një person nuk e marr më partner. Kjo ka të dashur vëllain tënd.
Bilbili: Ajo s’ka të drejtë me vëllain tim kur e kam lënë unë. Ja ky është vëllai im. I kam kapur bashkë kam edhe fotot.
Lajmi kryesor:
Dashuria e ndaluar/ E reja nga Durrësi dashurohet me djalin me ngjyrë! Çifti rrëfehet në Pa Gjurmë: Familja nuk na do! Përplasje e ashpër në studion e ‘Pa Gjurmë’
Lajme të tjera
-
Historia në Lushnje/ Në burg për përdhunimin e një vajze, fëmijët e 63 vjeçarit në 'Pa Gjurmë' kërkojnë drejtësi për të atin
12 Korrik, 17:28 -
Skandali tek Onkologjiku/ Koduzi në 'Repolitix': Shërbimi më i keqfinancuar! Gazetarja: Mjeku denoncoi rrezatimin e Kobalto Terapisë, u detyrua të linte punën
25 Qershor, 21:46 -
U gjet i pajetë me tatuazhin ‘Korça’ në Belgjikë, thirrje për identifikimit e shqiptarit në 'Pa Gjurmë’! Mister shkaqet e vdekjes, dyshohet se familja ndodhet në Shqipëri
25 Qershor, 16:27 -
Ndodh e papritura në ‘Pa Gjurme’! Nëna dhe babai kërkojnë djalin e humbur, i riu i suprizon live: Jam mirë
29 Maj, 18:10 -
Pas apelit në ‘Pa Gjurmë’, bebja 11 muajshe e braktisur strehohet në Shtëpinë e Foshnjes! Koçiu: E trazuar nga ngjarja! Denonconi çdo rast
10 Prill, 15:53 -
Ekskluzive/ 'O marr atë o vetëflijohem!’ Babai i 14 vjeçares që u martua me 35 vjeçarin flet për ‘Pa Gjurmë’: Ma rrëmbeu, e pranova nga e keqja
12 Janar, 16:52 -
Varrimi i 33 vjeçarit që u vra nga kunati se abuzoi seksualisht me vajzën e tij, mungon motra, gruaja e autorit! Nuk shkojnë as shokët e viktimës: Ndihemi të turpëruar
12 Janar, 16:14 -
29-vjeçari Angjelo Avdiu u gjet i varur në Greqi, i vëllai në ‘Pa Gjurmë’: E njoha vetëm nga çakmaku! Ja çfarë dyshon policia
27 Nëntor 2023, 16:15 -
Gjashtë muaj pas vdekjes së Brisilda Nexhipit, reagon nëna: Vajza nuk bëri aksident, dyshoj se trupi u fsheh në morg!
23 Nëntor 2023, 17:19 -
'Artemis mbahet peng!' Prindërit e 19 vjeçares së zhdukur prej 3 vitesh në Greqi kërkojnë ndihmë në 'Pa Gjurmë'! Letra anonime dhe dëshmitë e reja
1 Nëntor 2023, 18:57 -
Lidhet live nga burgu me ‘Pa Gjurmë’, 37-vjeçari Artur Çollaku kërkon të rilidhet me familjen: Prej 8 vitesh në izolim nuk kam takuar askënd
30 Tetor 2023, 17:10 -
Historia e pabesueshme! U rrëmbye 13 vjeç gjatë luftës në Kosovë, 'Pa Gjurmë' e bashkon me familjen pas 24 vitesh
27 Tetor 2023, 14:15
