Përplasje në gjyqin për grupin falsifikator, përgjigjja e gjyqtarit acaron avokatin Visha: Përjashtojeni!

Është shoqëruar me debate e përplasje seanca e sotme në Apelin e Krimeve të Rënda për grupin kriminal të falsifikatorëve të vizave e pasaportave, duke çuar në ndërprerje të seancës.

Grupi i të pandehurve i përbërë nga 27 persona kanë kërkuar rivlerësim të masave të sigurisë, por gjyqtari Dhimitër Lara pa dhënë vendimin ju ka thënë të pandehurve se për këtë ata duhet t’i drejtohen Gjykatës së Lartë.

Kjo ka acaruar avokatin Ardian Visha, i cili ka kërkuar përjashtimin e gjyqtarit Lara për vendim të paragjykuar. Kërkesa e avokatit për përjashtimin e gjyqtarit është marrë në shqyrtim nga kryetari i Gjykatës, Fehmi Petku.

Grupi i të arrestuarve dërgonin klandestinë në SHBA, Kanada dhe Britani kundrejt 20 mijë eurove. Nga 17 të arrestuarit në Shqipëri, 2 janë efektivë policie, ndërsa goditja e grupit kriminal u bë në mes të muajit maj, pas një hetimi të gjatë.

Gjatë operacionit u zbuluan dhe sekuestruan 7 laboratorë në Greqi dhe 4 në Shqipëri për falsifikimin e dokumenteve, pajisje të ndryshme dhe një sasi e madhe parash cash, pasaporta biometrike të BE-së të falsifikuara.

Personat e arrestuar:

1. Ilir Myrtaj, 60 vjeç, nga Tirana

2. Alfred Myrtaj, 54 vjeç, nga Tirana

3. Marjo Myrtaj, 29 vjeç, nga Tirana

4. Albert Xhelilaj, 57 vjeç, nga Tirana

5. Gentjan Stojku, 37 vjeç, nga Tirana

6. Florjan Hysenaj, 53 vjeç, nga Shkodra

7. Entela Çala, 43 vjeçe, nga Tirana, punonjëse policie

8. Arian Uku, 39 vjeç, nga Tirana, punonjës policie

9. Keldi Beshi, 48 vjeç, nga Tirana

10. Arben Kadiu, 54 vjeç, nga Tirana

11. Ismail Alushani, 47 vjeç, nga Tirana

12. Ylli Gokaj, 63 vjeç, nga Shkodra

13. Aleksandër Leka, 61 vjeç, nga Tirana

14. Shkëlqim Mema, 46 vjeç, nga Tirana

15. Qazim Hysko, 60 vjeç, nga Tirana

16. Rezalba Hotaj, 22 vjeçe, nga Shkodra

17. Vera Mehmetaj, 27 vjeç, nga Shkodra

/Shqiptarja.com

TAG:
• Ilir Myrtaj
• falsifikimi i vizave
• ardian visha
• dhimiter lara
• klandestine ne shba