Në Fierzën e hidrocentralit shërben prej vitesh doktor Ndue Cara. E ka mbushur moshën e pensionin, por nuk heq dore nga pasioni. Një misionar i heshtur që u sherben 1200 banorëve, në një prej zonave më të thella të Fushë-Arrëzit.
“Kur erdha në këtë institucion nuk kishte asgjë. Kishte shumë vite që nuk funksiononte qendra shëndetësore. Në ditën e parë mendova se s’do mund të punoj por më pas me vështirësi arritëm me ndihmën e institucioneve ta vendosim në funksion, të sigurojmë medikamentet”, tha Ndue Cara.
Vështirësia më e madhe në fshatra është mungesa e stafit të mesëm mjekësor, tregon ai për Report TV.
“Çdo ditë po zbrazen fshatrat dhe distanca është e largët, 92 km nga Puka, kështu që të rinjtë demotivohen. Nga sistemi “Infermier për Shqipërinë” këtu nuk ka përfunduar asnjë infermier në gjithë këto vite. Unë do të dëshiroja tu bëja thirrje diplomuarve në mjekësi apo infermeri të punojne në fshatra. Eshtë e vertetë që ka vështirësi, por s’duhet të refuzojnë, secili duhet të angazhohet në mënyrë që dhe këta njerëz të marrin shërbim shëndetësor”.
Ndue Cara udhëton çdo të hënë 92 km nga qyteti i Pukës deri në Qendrën Shëndetësore të Fierzës, për tu kthyer pranë familjes vetëm në fundjavë. Mjeku shpesh detyrohet të ecë në këmbë maleve dy-tri orë për të qene pranë të sëmurëve.
“Ne arrijmë të bëjmë vaksinat dhe urgjencat por për arsye të terrenit të vështirë nuk mund të realizojnë atë që duhet, kujdesin permanent. Sepse ka paciente që janë në vështirësi fizike e mendore që nuk mund të vijnë në qendren shëndetësore. Ata duan një kujdes të veçantë”, u shpreh mjeku.
Cara jo vetëm i ka shëruar por ua ka lehtësuar jetën banorëve në Fierzë.
“Mjek i mrekullueshëm, që zona se ka pas kurrë më parë. Është i përkushtuar me pleqtë e fëmijët. Jep maksimumin”, thanë banorët.
Mjeku mban mbi supe 75 vite, ka bërë një karriere të pasur si drejtues shendetesie dhe kryetar bashkie, por pa hequr dorë kurre nga “Betimi i Hipokratit”
Lajme të tjera
-
'4,7 milionë euro', kryebashkiaku i Shkodrës: Lidhet kontrata për fillimin e punimeve në rrugën Shirokë-Zogaj
18 Tetor, 19:16 -
Transferta me Laçin, Thomas Brdaric ankohet për kushtet: Vllaznia ka shumë mungesa, nuk stërvitemi në fushë të mirë
18 Tetor, 11:14 -
‘Ulu, policia’, i riu kapet mat duke vjedhur në banesë! VIDEO e momentit të arrestimit nga blutë e Shkodrës
18 Tetor, 09:28 -
Vrau bashkëmoshatarin me thikë në Shkodër, Gjykata vendos masën 'Arrest me burg' për 15-vjeçarin
17 Tetor, 12:17
-
Aksident në aksin rrugor ‘Lezhë-Shkodër’! Makinat përplasen me njëra-tjetrën, 2 të plagosur
17 Tetor, 09:34 -
Rreziku i përmbytjeve, Bashkia Shkodër nis punën për lirimin e kolektorëve! Beci: Asnjë tolerim, s’mund të rrezikojmë qytetin për ndërtime pa kriter në këto zona
16 Tetor, 13:48
-
Shkodër/ Vëllezërit e shfrytëzonin afganin e mitur si 'skllav', babai i djemve mohon akuzat: E kam trajtuar si djalin tim! Publikon video nga momentet me 16-vjeçarin
16 Tetor, 12:57
-
KPA lë në fuqi shkarkimin nga detyra të gjyqtares së Shkodrës Luveda Dardha! Shkarkohet edhe prokurori i Tiranës Artan Lulaj
15 Tetor, 20:41 -
U vetëflijua për të mos rënë në duart e forcave malazeze, Oso Kuka shpallet ‘Dëshmor i Atdheut’
15 Tetor, 15:45 -
Pukë/ Përndiqte prej një muaji 17- vjeçaren, arrestohet 47- vjeçari
15 Tetor, 15:35 -
Aksident në Shkodër/ 34-vjeçarja me makinë përplas çiftin e të moshuarve, përfundojnë në spital
15 Tetor, 11:32 -
Vrau 15 vjeçarin në Shkodër, zbardhet dëshmia në polici e autorit të mitur: E qëllova me thikën e tij pasi më goditi i pari
15 Tetor, 09:50
