Një relike 8-mijëvjeçare, e zbuluar tre vjet më parë në Pogradec, ishte e para surprizë, kur ekskluzivisht me kamerën e Report TV eksploruam fondet e jashtëzakonshme të Muzeut Arkeologjik, në Tiranë.
Mbi 210 mijë thesare strehohen në këto fonde.
“Ashtu është e vërtetë, ne aktualisht në Muzeun Arkeologjik të Tiranës kemi këtu pranë akademisë 210 objekte të paraqitur për publikun, ndërsa thesari i arkeologjisë shqiptare është diçka krejt tjetër. Unë mund të them se thesari i arkeologjisë shqiptare që ne disponojmë sot është diku tek 80 mijë objekte. Pra disponojmë një sasi për 40 muze arkeologjikë, që ne sot i kemi gjendje.”, tha drejtori i Institutit të Arkeologjisë, Luan Përzhita.
Drejtori i Institutit të Arkeologjisë, Përzhita na bën me dije se 60 mijë objekte nga ky fond janë të gatshme për ekspozim, por hapësirat mungojnë.
“Dhe ajo që do ta mbyllte këtë shqetësim tonin dhe këtë paraqitje të kësaj trashëgimie kulturore dhe të këtij thesari arkeologjik, natyrisht do të ishte një Muze Nacional i Arkeologjisë”
Keni bërë ju ndonjë kërkesë për një muze të ri të arkeologjisë ?
“Kemi bërë thirrje nëpërmjet jush, mediave, dhe nëpërmjet takimeve që kemi patur, jemi shprehur që mbase do të bëhej godina e Piramidës, që është një godinë e përcaktuar si muze edhe me përmasat e duhura. Ajo mund të ishte shumë bukur dhe të kishim një muze arkeologjik këtu në qendër të Tiranës, por me sa pashë, kjo godinë është në dispozicion të Bashkisë së Tiranës për një funksion tjetër.”, tha arkeologu Përzhita.
Këto mrekulli arkeologjike, që janë puna e mundi i përgjatë një shekulli të ikonave të arkeologjisë shqiptare dhe asaj të huaj, nuk e kanë parë dritën e ekspozitës. Ato fshehin mjaft histori brenda, mes tyre dhe objektet e qytetit të humbur ilir, Arnisa.
“Atje është zbuluar një figurë prej bronzi, është e shekullit të gjashtë para Krishtit, një figurë kalorësi e hipur në kalë, që është një prej objecteve unikale të zbuluara në Mesdhe.
Ku është kjo figurë, ku gjendet?
-Këtu tek ne. Por për momentin nuk mund ta ekspozojmë”, tha Përzhita.
Syri të sheh jo pak objekte që përfaqësojnë historinë e qyteteve të harruara ilire, me datim të mbi 2400 vjetëve më parë, objekte të antikitetit të vonë, të periudhave greke e romake, por edhe të qytetërimeve primitive.
Për Mareglen Verlin, drejtorin e Akademisë së Studimeve Albanologjike, çështja e muzeut është emergjente:
“Megjithëse synimi ynë është didaktik për këtë muze, është e patolerueshme që pasuri të jashtëzakonshme të ndodhen në fonde, kur duhet të shihen nga ata që do t’i studiojnë këto objekte dhe që janë të interesuar për arkeologjinë. Do të ishte sot më e domosdoshme se kurrë një gjë e tillë edhe në përkorje me strategjinë shtetërore për nxitjen e turizmit cilësor dhe më gjerë. Ne do të kërkonin një muze të arkeologjisë po se po, por ndoshta edhe të etnografisë e të antropologjisë, sepse nuk kemi hapësira për të ekspozuar gjithccka që kemi.”, tha Marenglen Verli, drejtor i Akademisë së Studimeve Albanologjike.
Muzeu Arkeologjik në Tiranë prezanton kërkimet dhe zbulimet arkeologjike në të gjithë territorin e Shqipërisë. U çel në vitin 1948 si Muze Arkeologjik-Etnografik dhe vazhdoi i tillë deri në vitin 1976, ku pas këtij viti qëndroi si muze i profilizuar arkeologjik.
Lajme të tjera
-
EKSKLUZIVE/ Zbulohet në Gostivar, statuja e lashtë që ndryshon historinë, e njëjtë me ato të gjetura në Apolloni e Butrint! Profesor Përzhita: Ndodh njëherë në 100 vjet (VIDEO)
7 Nëntor, 19:31
-
EKSKLUZIVE/ Zbulohet mozaiku i tretë në Durrës! Gjurmët mund t’i çojnë arkeologët në zbulimin e të katërtit
4 Qershor, 11:30
-
Zbulohet mozaiku i rrallë dymijë vjeçar në Durrës! Arkeologu për Report Tv: Pjesë e një vile luksoze të shekullit të I! Më i veçanti në rajon (VIDEO +FOTO)
13 Tetor 2023, 12:13
-
‘Shkrirja’ e ASA-s antiligjore?! Rektori Përzhita për Report Tv: S’na pyetën, rrezikohen punonjësit! Prodhimin tonë, Akademia e Shkencave e bën veç në ëndrra!
27 Maj 2023, 18:30 -
STUDIMI/ Nga ndërtimi te funksioni e dedikimet, Kalatë e Ali Pashë Tepelenës, Përzhita: U ndërtuan mbi shtresa më të hershme të shek. XIII-XIV!
16 Mars 2023, 16:22
-
Nga Cërnica në Bujanoc, 2 dekada studime arkeologjike nxjerrin ‘Dardanët’ të plotë, Përzhita: Historia me gërmimet, pse Damastion mendohet si kryeqendra e Mbretërisë
6 Korrik 2022, 17:20
-
SPECIALE/ Gjuetarë, bujq dhe peshkatarë, jeta e shqiptarëve 100.000 vjet më parë! Aristokratët varroseshin së bashku me objektet e çmuara! ‘Thesaret’ që ruhen sot në Muzeun Arkeologjik Kombëtar
9 Qershor 2022, 21:30
-
Instituti i Arkeologjisë konferencë për kërkimet në pandemi, Muka: 2021-shi rikthim i rëndësishëm, shënuam 30 projekte! Zbulimet do i shërbejnë identitetit kombëtar
15 Prill 2022, 22:05
-
Pandemia ndërpreu gërmimet arkeologjike, Luan Përzhita: Botuam 100 vepra! 2022-shi i suksesshëm me 30 ekspedita, ekspozojmë dhe zbulimet e reja
11 Prill 2022, 16:38
-
Arkeologjia, sfida e restaurimit për muzeun dhe objektet, flet Luan Përzhita: Kur nisin ndërhyrjet në objekt dhe si do të vihet në punë laboratori i ri
28 Mars 2022, 20:31
-
Meta dekreton emërimin e Rektorit të Akademisë së Studimeve Albanologjike, Luan Përzhita
8 Shtator 2021, 12:09 -
Luan Përzhita rrëfen ‘Arkeologjinë e Tiranës’. Arkeologu: Problem për turistët, infrastruktura
26 Shkurt 2021, 16:49
