Pesë persona të armatosur e të maskuar grabisin një shtëpi në Klos, autorët lidhën nënë e bir dhe i dhunuan! Marrin 8 mijë euro e sende me vlerë

Një grabitje me armë zjarri u regjistrua në fshatin Dom të Bashkisë së Klosit. Ngjarja ndodhi rreth orës 03.30 të mëngjesit të kësaj të diele, ku 5 persona të armatosur me maska grabitën një banesë në fshati. Paraprakisht dyshohet se grabitësit morën rreth 8 mijë euro, 1 milion lekë dhe sende të tjera me vlerë.

Grabitësit hynë me forcë duke shqyer dyert e shtëpisë, rrahën me qytat e armëve anëtarët e familjes Përparim Lleshi dhe më pas i lidhën me litar.

Një i njohur i familjes rrëfen tmerrin që të afërmit e tij përjetuan nga grabitësit. Ai thotë se djali ka pësuar fraktura të mëdha në kokë, (4 fraktura) dhe nëna po ashtu, pasi janë goditur me qytën e automatikut.

“Çunin e familjes e kanë rrahur tmerrësisht, e kanë lidhur dhe më pas i kanë vjedhur. Si lagje nuk na ka ndodhur ndonjëherë kjo gjë. Se dimë se ça po hyn e ça po del. Kush bën kështu veprimesh, duhet pushkatuar. Po është hequr pushkatimi. Ishte nëna me fëmijën vetëm në shtëpi”, tha i afërmi, që është dhe banor i zonës.

Policia ndërkohë shoqëroi gjashtë persona në Komisariat në lidhje me ngjarjen, ndërsa vijon kontrolli i zonës për kapjen e personave të  përfshirë në këtë ngjarje, pasi nuk ka asnjë gjurmë nga autorët.

Rendit zhvillimet sipas orarit:
Ora 20:07
Dhunimi dhe grabitja e familjes në Klos, deputetja  e PD-së: Prokuroria të zbardhë ngjarjen

1659121966_cupi.jpg

Deputetja e Partisë Demokratike Dhurata Çupi ka reaguar pas ngjarjes së rëndë që ndodhi në Klos, ku familja Lleshi u dhunua e më pas u grabit. Çupi i kërkon prokurorisë dhe policisë që të zbardhet ngjarja.

‘Ngjarja e rëndë kriminale e grabitjes dhe dhunimit të familjes Lleshi, në fshatin Dom, Klos ka prekur të gjithë banorët e kësaj zone. Siç edhe e deklarojnë banorët e fshatit , familja Lleshi  njihet si familje punëtore, e ndershme e paqtë. 

Si deputete e tyre, në qarkun Dibër, kêrkoj  Policisë së Shtetit dhe Prokurorisë së Rrethit Dibër të zbardhin menjëherë ngjarjen që ka tronditur komunitetin fisnik të Klosit. Vonesa në zbardhjen e ngjarjes janë rënduese për drejtorinë  vendore të qarkut Dibër.

Gjendja e pasigurisë në vend është e papranueshme . Jeta e qytetarëve duhet  të jetë e barabartë, e sigurtë dhe me vlerë, si në Tiranë, Vlorë dhe Dibër.’- shkruan Çupi.

Ora 10:47
Grabitja me armë dhe dhunimi i familjes në Klos, policia jep detajet: Janë shoqëruar 6 persona

1664698524_jgfd.jpg

6 persona janë shoqëruar nga policia e cila po zhvillohen hetimet e para për ngjarjen e rëndë të ndodhur në Klos të Dibrës, ku një familjeje u grabitën disa mijëra euro.

“Rreth orës 03.30, datë 02.10.2022,  në fshatin Dom, Klos,  persona ende të paidentifikuar dyshohet  nën kërcënimin e armës, janë futur në banesën e shtetases Sh.Ll,  e cila ndodhej në banesë së bashku me djalin e saj   dhe me forcë   ju kanë marrë një shumë të konsiderueshme vlerash monetare. Shërbimet e Policisë kanë  shoqëruar 6 persona në Komisariat, dhe vijon kontrolli i zonës  për kapjen e personave të  përfshirë në këtë ngjarje. Grupi hetimor nën drejtimin e Prokurorisë vijon punën për zbardhjen dhe dokumentimin e ngjarjes”, thuhet ne njoftimin e policisë.

Ora 10:12
Si ndodhi grabitja në Klos, autorët lidhën nën e bir dhe i dhunuan, më pas morën mbi 8 mijë euro

 

Të tjera detaje janë zbuluar nga grabitja në Klos. Mësohet se është grabitur familja e Përparim Lleshit.

Dyshohet se grabitësit kanë hyrë me forcë duke shqyer dyert e shtëpisë, ku më pas kanë rrahur me qytat e armëve Përparim Lleshin dhe nënën e tij dhe pas i kanë lidhur me litar. Më pas grabitësit kanë marrë nga shtëpia 8 mijë euro, 1 milion lekë të vjetra dhe sende me vlerë.

Një i afërm thotë  se djali ka pësuar fraktura të mëdha në kokë, (4 fraktura) dhe nëna po ashtu, pasi janë goditur me qytën e automatikut.

“Çunin e familjes e kanë rrahur tmerrësisht, e kanë lidhur dhe më pas i kanë vjedhur. Si lagje nuk na ka ndodhur ndonjëherë kjo gjë. Se dimë se ça po hyn e ça po del. Kush bën kështu veprimesh, duhet pushkatuar. Po është hequr pushkatimi. Ishte nëna me fëmijën vetëm në shtëpi”, tha i afërmi, që është dhe banor i zonës.

SI.E./M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Per liken: 02/10/2022 14:45

    O like Po nderroje kaseten mor burre se ngele tek Saliu, dorezohu njehere refuzoje Sufllaqen.

    Përgjigju
  • Likja: 02/10/2022 12:46

    Keto jane mbeturinat e sali gallates

    Përgjigju
  • Arbërori: 02/10/2022 10:39

    Tani kan filluar të veprojn hordhit Edvin shkjaut shqipfolës nga serbia

    Përgjigju
  • Sondazhi i ditës:

    Opozita akuzon Ramën për sulmin ndaj Berishës, si e vlerësoni?



×

Lajmi i fundit

Britania: Rusia ka filluar sërish sulmin me dronë të prodhuar nga Irani

Britania: Rusia ka filluar sërish sulmin me dronë të prodhuar nga Irani