POP 5

Lajmet më të lexuara të 5 minutave të fundit

‘Pizza village’ nga Napoli te sheshi Italia, Rama heq xhaketën dhe shndërrohet në picajol: Pse e imja nuk është rrumbullake si e jotja?

Kryeministri Edi Rama ka hequr xhaketën dhe ka përveshur mëngët duke u shndërruar në disa minuta si picajol në fshatin e madh të picave napolitane të bëra te Shehi ‘Italia’ në kuadër të Javës së Kulturës italiane. 

TIRANË- Kryeministri Edi Rama ka hequr xhaketën dhe ka përveshur mëngët duke u shndërruar në disa minuta si picajol në fshatin e madh të picave napolitane të bëra te Sheshi ‘Italia’ në kuadër të Javës së Kulturës italiane. Rama ka përgatitur një pica nga e para, nga brumi deri te servirja për qytetarët, ndonëse nuk ka qenë edhe shumë i kënaqur nga vetja, pasi nuk i ka dalë.

“Pse e imja nuk është rrumbullake si e jotja”, i tha Rama picajolit nga Italia.

Megjithatë, ai tha se është shumë i lumtur që po merr pjesë në këtë aktivitet, teksa ka vlerësuar ambasadën italiane për të gjitha eventet e bëra, duke e cilësuar si “kampione” pasi ka organizuar më shumë aktivitete në Javën e kulturës.

“Kemi bërë një program shumë të mirë është hera e parë që kemi bërë këtë program te javës ndërkombëtare të kulturës, është dhe hera e parë që Italia që është kampione për numrin e eventeve, dhe mendoj që është një gjë shumë e mirë për këtë fshatin e picës. Kanë dhënë forca për të përfshirë institucione në Itali, për të thënë se ky është një program që duam që të kthehet në traditë, pica është një nga aktivitetet”, tha Rama.

Ministrja e Kulturës, Elva Margarit ka bërë me dije se nesër do të marrin kurse fëmijët se si të bëjnë një picë.

“Nëse nga ora 10:00-11:30 do ketë kurs për fëmijët për të bërë kurs për picët dhe pasta master class”, tha Margariti., teksa tha se janë bërë mbi 400 pica këtë të shtunë.

Këtë fundjavë, Java Italiane, ka si kryefjalë kulinarinë, e sjell në Tiranë “Pizza village” nga Napoli. I zgjedhur si ‘Best Food Festival’, mes 1 milionë organizimesh të ngjashme, Pizza Village prej 10 vitesh ndërmerr udhëtime të jashtëzakonshme në të gjithë botën duke promovuar këtë trashëgimi kulinare italiane. Edhe e  diela vijon me këtë shije, ndërsa Java italiane përfundon të martën...

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Meri: 05/06/2022 13:20

    Nuk me pelqen idea e K.M per te qe perezent ne cdo attività,behet i merzitshem per publikun.2)I lau duarte K.M para se te prekte brumin e pizave ???

    Përgjigju
  • Elbasani: 05/06/2022 12:31

    Si guxon ky klysh bariu me sha picen e Liderit Tone. Ti o lider ben picat me te mira, shqiptaret kan 10 vjet qe i hane. Qytetaret e Tiranes kan pasur fatin dhe i provuar me pare se ne.

    Përgjigju
  • Enea: 05/06/2022 11:10

    Na je bere si « burri i nones »! Cdo event, nje sebep per te dale ne TV! I trembim femijet per t’i vene ne gjume duke iu thene: fli se te erdhi Edi! Boll se u bere bajat!

    Përgjigju
  • Berti: 05/06/2022 06:04

    I madh je i paharruari Koco Devole. Me xha Brahon dhe "a di si bejet rakia". Ja ky na meson si bejet pica....

    Përgjigju
  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Durrës, ia rrëmbyen gjyshërit, mamaja merr 3 vjeçarin, falenderon policinë

Durrës, ia rrëmbyen gjyshërit, mamaja merr 3 vjeçarin, falenderon policinë

20 Prill, 14:59