Pjesëmarrje e lartë në zgjedhje, qytetarë në radhë në qendrat e votimit, morën pjesë 48.2% e votuesve

Sipas të dhënave të përditësuara të KQZ, rezulton se deri në orën 19:00, kanë votuar në total 47.94% e votuesve. Deri në orën 19:00 kanë raportuar 642 qendra votimi nga 5199 që janë gjithsej.

Pjesëmarja në rang vendi

Sipas të dhënave të përditësuara të KQZ, rezulton se deri në orën 18:00, kanë votuar në total 45.46% e votuesve.

Sipas KQZ-së nga 5199 qendra votimi në total, deri në orën 18:00 kanë raportuar në lidhje me pjesëmarrjen 1687 qendra votimi ku deri më tani vihet re se kanë votuar 540 822 qytetarë.  Kukësi, Elbasani, Dibra dhe Tirana kryesojnë si qarqet me pjesëmarrjen më të lartë të votuesve.

Sipas të dhënave të përditësuara të KQZ, rezulton se deri në orën 17:00, kanë votuar në total 43.68% e votuesve.

Sipas KQZ-së nga 5199 qendra votimi në total, deri në orën 17:00 kanë raportuar në lidhje me pjesëmarrjen 1653 qendra votimi ku deri më tani vihet re se kanë votuar 508968 qytetarë. Vijon Dibra dhe Tirana të kryesojnë si qarqet me pjesëmarrjen më të lartë të votuesve, me përkatësisht 49.82% dhe 49.30%.

Sipas të dhënave të publikuar nga KQZ, deri në orën 16:00 kanë votuar 40.91 %. Sipas KQZ-së nga 5199 qendra votimi në total, deri në orën 16:00 kanë raportuar në lidhje me pjesëmarrjen 1712 qendra votimi ku deri më tani vihet re se kanë votuar 492 102 qytetarë.

Ndërkohë rezulton se Tirana dhe Dibra janë dy qarqet që kanë regjistruar deri më tani pjesëmarrje më të lartë në votime, përkatësisht 46.30 % dhe 47.40 %.

Sipas të dhënave të publikuar nga KQZ, deri në orën 15:00, pjesëmarrja e votuesve në të gjithë vendin është 38.08%.

Sipas të dhënave të publikuar nga KQZ, deri në orën 14:00 kanë votuar 35.62 %. Sipas KQZ-së nga 5199 qendra votimi në total, deri në orën 14:00 kanë raportuar në lidhje me pjesëmarrjen 2207 qendra votimi ku deri më tani vihet re se nga 1274400 kanë votuar 453 940 qytetarë.

Ndërkohë rezulton se Tirana dhe Dibra janë dy qarqet që kanë regjistruar deri më tani pjesëmarrje më të lartë në votime, përkatësisht 39.93 % dhe 41.50 %.

Nga të dhënat e gjeneruara nga Komisioni Qendror i Zgjedhjeve 31. 87% e shqiptarëve kanë votuar deri në orën 13:00.

Ndërkohë që nderi në mesditë kishin votuar 27.5%.

Në orën e parë të procesit të votimit në të gjithë vendin në 711 qendra votimit që kanë dërguar të dhënat në KQZ  kanë votuar 2.88% e shqiptarëve. Informacioni është dhënë në faqen e institucionit të administrimit të zgjedhjeve, ndërkohë që ende nuk ka një deklaratë nga KQZ.