Plani i Integruar i Menaxhimit për Butrintin, që këtë periudhë, është duke u konsultuar në dëgjesa publike nga Ministria e Kulturës, ka ngjallur jo pak pakënaqësi tek specialistët e trashëgimisë. Arkeologu Moikom Zeqo, ndonëse këto ditë vazhdon të kurohet ne spitalin universitar “Nënë Tereza”, zgjedh që mos të heshtë përballë këtyre ndryshimeve, që janë bërë në ligjin e miratuar në vitin 2018, “Për trashëgiminë”. Pasi fillesat e projektit të menaxhimit të Butrintit, që më vonë do të pasojë edhe me projekte të tjera në zona të mbrojtura nga UNESCO, janë pikërisht në këtë ligj, që i hap rrugën menaxhimit të pasurive kombëtare nga fondacionet private.
“Bota ka miliona fondacione, çfarë statusi ka ky fondacion,që nuk kishte as përvojë edhe as studime, por as tituj shkencorë, përveçse një përvoje që ka copëtuar kalldrëmet Gjirokastrës?! Nuk mundet që t’ja japësh Butrintin, që ka të ardhura më shumë se Ministria e Kulturës, 1 mln apo edhe më shumë një fondacioni. Këto lekë mund t’i marrë lehtësisht shteti shqiptar. Unë nuk jam dakord që sitet arkeologjike që kanë rëndësi të madhe kombëtare edhe ndërkombëtare t’u jepen fondacioneve. Cfarë do të bëjë ky fondacion, përveçse do të vjelë paratë aq më tepër në dhjetë vite. Vetëm nga biletat fitohet në Butrintit, prandaj kjo po synohet”, shprehet profesor Zeqo.
Profesori e cilëson këtë bashkëpunim të mirëmenduar vetëm për qëllime biznesi, ndërsa, e konsideron të pavend në një moment, që mbyll dyert e punësimit për specialistët vendas
“S’jam dakord, që as Butrinti, as Bylisi edhe as qytetet e tjera t’u jepet fondacioneve. Në këtë mënyrë ne kemi shkatërruar bazën vendase të arkeologëve, muzeologëve, që të punësoheshin. Kjo ishte një mënyrë që shteti t’i punësonte këta specialistë, që të mirëmbanin asetet kombëtare. Nuk arrij që ta kuptoj këtë gjë”, shprehet Zeqo.
Ndonëse, Ministria e Kulturës para se Plani i Integruar për Menaxhimin e Butrintin të shkojë për miratim në kuvend ka nisur konsultat publike, akoma nuk deklaruar sesa do t’i kushtojë buxhetit të shtetit shqiptar zbatimi i këtij projekti dhjetëvjeçar.
Lajme të tjera
-
Ministria e Kulturës u shkri në një me Inovacionin dhe Ekonominë, reagon Margariti: Krenare për gjithë sa bëmë e që do të vijohet
16 Janar, 16:22 -
E paprecedentë/ Rithemelimi pengon fjalimin e Begajt! Sesionin e ri e nisin me zakonin e vjetër! PS voton ministrat e rinj! Ambasadorët vëzhgojnë
15 Janar, 07:45 -
Begaj dekreton ndryshimet në qeveri, ikën Margariti! Blendi Gonxhja ministër i Ekonomisë, Kulturës e Inovacionit, Ervin Mete mbetet te 'Financat'
12 Janar, 15:14 -
Ndryshimet në qeveri, Zhupa në Report Tv: U shkri Ministria e Kulturës të jepet me koncesion trashëgimia
9 Janar, 14:31 -
Rama ndryshon strukturën e qeverisë, bashkon ‘Kulturën’ me ‘Ekonominë' dhe 'Inovacionin' në një ministri! Emëron në krye Blendi Gonxhen! Largohet Margariti
8 Janar, 15:20 -
'Transumanca', riti i shtegtimit të bagëtive nga barinjtë në bjeshkë futet në UNESCO! Margariti: Traditë e lashtë, aplikuam bashkë me Spanjën e Francën
6 Dhjetor 2023, 08:16 -
‘Butrinti’, Zhupa për Report Tv: Koncesion anti-kushtetues, vë në rrezik historinë dhe trashëgiminë kulturore! Margariti në konflikt interesi
1 Dhjetor 2023, 13:41 -
'Krishti i gjithëpushtetshëm', ikona e shekullit të XVI-XVII tashmë një thesar i shpëtuar!
19 Nëntor 2023, 20:15 -
Plan Menaxhimi për ish-kamp-burgun e Spaçit, nis në 2024-ën. Ndreca: Aty vuajti elita, të punohet me ritme më të shpejta
13 Nëntor 2023, 22:31 -
4,46 miliardë lekë, 'portofoli' i Kulturës rritet me 12% për 2024! Gjysma e buxhetit për ‘kantieret’ e hapura nga Teatri Kombëtar tek Parku i Artit
13 Nëntor 2023, 19:38 -
Regjisori i mirënjohur Vladimir Prifti shuhet në moshën 81-vjeçare, filmat e tij shkollë për brezat
5 Nëntor 2023, 10:19 -
Vila e ish-diktatorit Enver Hoxha shndërrohet në rezidencë artistësh! I pranishëm edhe Macron, Rama: Lëmë pas fantazmat e së shkuarës përmes lirisë së shprehjes
17 Tetor 2023, 12:52
