POP 5

Lajmet më të lexuara të 5 minutave të fundit

Ekonomi

Ahmetaj konfirmon: Zero tatim fitimi për biznesin e vogël deri në 2029

Biznesi i vogël nuk do të paguaj tatim mbi fitimin deri në vitin 2029. Vendimi u njoftua nga kryeministri Edi Rama një ditë më parë, ndërsa këtë të premte ministri i Rindërtimit Arben Ahmetaj tha se heqja e tatimit është pjesë e planit kombëtar deri në vitin 2030.

Të gjitha bizneset e vogla, me xhiro nga zero deri në 14 milionë lekë nuk do të paguajnë tatimin mbi fitimin deri në vitin 2029. Një vendim i tillë që pritet të zyrtarizohet ligjërisht në këtë periudhë pandemie, u njoftua nga vetë kryeministri Edi Rama një ditë më parë, ndërkohë që Ministri i Rindërtimit u shpreh ditën e sotme tha se heqja e tatimit është pjesë e planit kombëtar deri në vitin 2030.

“Jam këtu sot për të komunikuar me qytetarëve avancimin e planit kombëtar 2030. Ky plan do të jetë i detajuar zhvillimi, me reforma konkrete dhe me projekte konkret dhe me kalendarizim muaj pas muaj e vit pas viti. Synimi i planit kombëtar është vazhdimi i transfromimit ekonomik të Shqipërisë dhe integrimit evropian të Shqipërisë. Brenda planit kombëtar 2030, siç e ka konfirmuar dhe kryeministri Edi Rama, do të ketë një masë të rëndësishme për shumicën e shqiptarëve që punojnë në sektorin privat. Për shqiptarët që bëjnë ose punojnë në biznesin e vogël. Kryeministri dje ka komunikuar iniciativën e fundit për çlirimin nga taksat për te gjithë biznesin e vogël deri në xhiron 14 milionë lekë. Zero tatim fitimi për të gjithë biznesin e vogël deri në vitin 2029. Zerimi i tatimit mund te shoqërohet me heqje te vlerës se tatimit te shtuar. Zerimi i tatim fitimit mund të shoqërohet me heqjen e TVSH. Ne kemi angazhuar një sërë specialistësh në kuadrin e planit kombëtar 2030 për të pasur aty reflektim për çdo shqiptar që do të jetojë me punë të ndershme dhe për çdo shqiptar që do ti kthehet atdheut", u shpreh Ahmetaj.

Bizneset e vogla me xhiro nga 8 deri në 14 milionë lekë, paguajnë tatim mbi fitimin në vlerën e 5%, nga 5 deri në 8 milionë paguajnë tatimin e thjeshtuar, ndërsa bizneset me xhiro nga 0 deri në 5 milionë nuk paguajnë tatim. Një vendim i tillë pritet të ndikojë pozitivisht tek biznesi por që do të reduktojë të ardhurat në buxhet. Në vend përafërsisht janë 90 mijë biznese që i përkasin kategorisë së biznesit të vogël, por që jo të gjithë paguajnë tatimin. Edhe pse ende nuk është marrë një vendim përfundimtar, pritet të zerohet edhe TVSH-ja për biznesin e vogël konkretisht për ato biznese me xhiro nga 2 deri në 14 milionë lekë, pasi nën fashën 2 milionë nuk paguhet TVSH-ja.

Me hyrjen në fuqi të këtij vendim mund të lindin disa hapësira për abuzim nga ana e biznesit pasi bëhet më e vështirë ti kontrolluar, për këtë arsye po shikohet mundësia e ulja së masës së TVSH-së që aplikohet, ose bërja e ndryshimeve ligjore që të paktën biznesi të deklarojë në sistem të ardhurat reale. Por nuk përjashtohet mundësia që të rritet pragu i TVSH-së si para vitit 2018, kur biznesi deri në 5 milionë  lekë nuk paguante TVSH.

Ky vendim sipas qeverisë synon të rrisë formalizmin e biznesit të madh, por nuk përjashtohet mundësia që sipërmarrjet e mëdha të joshjen nga lehtësirat fiskale duke u kamufluar si biznese të vogla.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • sondazhi: 05/06/2020 16:48

    U be deti kos

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Presidenti ukrainas Zelensky: Kemi çdo shans për t'i dhënë fund luftës vitin e ardhshëm

Presidenti ukrainas Zelensky: Kemi çdo shans për t'i dhënë fund luftës vitin e ardhshëm

24 Nëntor, 08:24