'Po lundrojmë mes dallgëve të egra', mjeku Tritan Kalo: Virusi tinëzar sulmoi disa nga radhët tona, por do ja dalim

Mjeku Tritan Kalo në fillim të muajit të ri, por vendimtar për Shqipërinë për të parë ecurinë e koronavirusit, ka bërë një status falenderimi dhe mirënjohje të kolegëve të tij që e nisin dhe e mbyllin ditën duke u kujdesur për pacientët e infektuar. Ai ka theksuar se në këtë luftë, dita nis me shkëmbim të mendimeve, eksperiencave dhe informacioneve për situatën dhe si të trajtojnë më mirë pacientët e infektuar me COVID-19.

Kalo gjithashtu nuk lë pa përmendur edhe mjekët e prekur nga ky virus, duke u thënë se pavarësisht se u larguan nga ky 'virus tinëzar', ato shpirtërisht mbeten pjesë e mjekëve në frontin e luftës.

Postimi i mjekut Tritan Kalo

"1.04.2020…Dita e parë e një muaji të ri….Beteja ndaj COVID-19 vazhdon dhe fundi i saj ende larg, por ka edhe dritë në fund të këtij tuneli. Dita fillon me takimin e mëngjesit me ekipin roje: Infeksionistë, Reanimatorë, Infermjerë e Staf ndihmës….Shkëmbehen mendime, eksperienca, përcaktohen platforma ndjekje për të bërë të gjithë, më të mirën e mundshme në ndihmë të të prekurve nga Sars-Cov2/Covid-19….jemi të gjithë në vijën e parë të betejës….disa përkohësisht të tërhequr nga “linja e parë e frontit” të prekur prej këtij virusi tinëzar…janë në mjekim në kushte shtëpie apo spitali, por pavarësisht këtyre rrethanave të përkohëshme ata/ato mbeten për çdo çast shpirtërisht pjesë e jona….puna në ekip kurdoherë ka dhënë e jep më shumë rezultate, në dallim me ndonjë protagonizmin të kërkuar ose të ofruar..…koha kërkon vetëm e vetëm bashkëpunim e mirëkuptim profesional…..jemi të gjithë në të njejtën anije, e cila “lundron mes dallgëve të egra të stuhisë mbarëbotërore covid-19”….ju lutem na dëgjoni dhe na respektoni…..ju duam, po ju gjendemi dhe kurdoherë do të jemi pranë jush…..bashkë ne do ja dalim pa as më të voglin dyshim!!!....muaj të mbarë!

TAG:
• tritan kalo
• Koronavirus
• koronavirusi ne shqiperi