POP 5

Lajmet më të lexuara të 5 minutave të fundit

Kronikë

Polici:1500 lekë gjobë, ishe në
celular.Shikoni si reagon shoferi

Policia e Shtetit vijon të publikojë video për të ndërgjegjësuar drejtuesit e mjeteve, që të mos shkelin rregullat e qarkullimit dhe të mos i përdorin automjetet kur konsumojnë alkool, apo kur përdorin telefonat celularë  VIDEO
TIRANE - Policia e Shtetit vijon të publikojë video për të ndërgjegjësuar drejtuesit e mjeteve, që të mos shkelin rregullat e qarkullimit dhe të mos i përdorin automjetet kur konsumojnë alkool, apo kur përdorin telefonat celularë.

Policia e Shtetit ka publikuar në faqen zyrtare në "Facebook" një video të regjistruar nga kamerat e trupit të efektivëve, ku duket momenti i gjobitjes së një qytetari, i cili u kap duke drejtuar makinën teksa fliste në celular.

DIALOGU
Polici: Përshëndetjes, si je?

Qytetari: Si kalove?

Polici: Arsyeja e ndalimit, përdor aparatin telefonik gjatë drejtimit të mjetit. Mund të shoh pak dokumentet të lutem?

Polici: Zoti…do marrësh një masë gjobe për përdorimin e aparatit telefonik. 1500 lekë është vlera e gjobës.

Polici: Nëse ke ndonjë pretendim për shkeljen do shkruash këtu.

Qytetari: Po, jo mo!

Polici: Nëse s’ke, emër, mbiemër, firmë. (qytetari firmos)

Polici: Ditë të mbarë, mirupafshim! Kujdes në rrugë!

MASAT E POLICISE RRUGORE GJATË 24 ORËVE TË FUNDIT

Vijon zbatimi i masave nga Policia rrugore për rritjen e parametrave të sigurisë.
Plan masash i veçantë për fundjavën.

Policia Rrugore në të gjithë vendin gjatë fundjaës është fokusuar më tepër në drejtim të:

• Evidentimit dhe ndëshkimit të gjithë atyre drejtuesve që drejtojnë automjetin nën efektin e akoolit apo në gjendje të dehur.

• Ndëshkimit të drejtuesve që drejtojnë automjetin me shpejtësi tej normave të lejuara.

• Të atyre drejtuesve që përdorin celularin gjatë drejtimit të automjetit.

• Të atyre drejtuesve dhe pasagjerëve që nuk përdorin rripin e sigurimit.

• Evidentimit dhe ndëshkimit të të gjitha shkeljeve të tjera të Kodit Rrugor.

Në këtë kuadër gjatë 24 orëve të fundit, në të gjithë vendin janë arrestuar 10 drejtues mjetesh, nga të cilët: 4 në gjendje të dehur, 3 të pa pajisur me leje drejtimi si dhe 3 për shkelje të rregullave të Kodit Rrugor duke shkaktuar aksident me pasoja në njerëz.

Janë pezulluar 87 Leje Drejtimi, nga këto:

39 për alkool, 38 për shpejtësi si dhe 10 për semafor e shkelje të ndryshme.

Janë vendosur:

168 masa administrative për përdorim celulari gjatë drejtimit të automjetit.

198 masa për mos vendosje të rripit të sigurimit.

223 masa për shpejtësi tej normave të lejuara.

32 masa për mungesë të kaskës mbrojtëse

1009 masa për shkelje të tjera të Kodit Rrugor.

Policia Rrugore do të vijojë punën në mënyrë të vazhdueshme gjatë gjithë ditëve të javës, me qëllimin e vetëm, ndërgjegjësimin e drejtuesve të automjeteve për zbatimin e rregullave të qarkullimit rrugor, duke bërë të mundur rritjen e parametrave të sigurisë rrugore.
(er.nu/shqiptarja.com)
 

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksi Elbasan-Lekaj/ Nënshkruhen 6 kontratat me vlerë 148 mln euro, punimet do zgjasin 24 muaj

Aksi Elbasan-Lekaj/ Nënshkruhen 6 kontratat me vlerë 148 mln euro, punimet do zgjasin 24 muaj

11 Janar, 10:43