Policia e Dibrës identifikon autorin e tritolvënies së ndodhur 6 vite më parë, e shpall në kërkim

Policia zbulon autorin e një tritol vënieje të ndodhur 6 vite më parë në Bulqizë. Në kërkim është shpallur 46 vjeçari Robert Isaku banues në Fushë Krujë. Ngjarja ndodhi më 29 qershor 2018 në lagjen Minatori

Zbardhet ngjarja e ndodhur në datën 29 qershor të vitit 2018 , në lagjen “Minatori”, ku një shtetas i paidentifikuar i vendosi lëndë eksplozive automjetit të një shtetasi.

Si rezultat i veprimeve të thelluara,  profesionale dhe hetimore, bënë të mundur identifikimin i autorit të dyshuar të vendosjes së lëndës eksplozive, si dhe vijon puna intensive për kapjen e tij.

LEXO EDHE:
Mat/ I vuri zjarrin tokës, por u dogj dhe vetë! Ndërron jetë në spital i moshuari

  Strukturat hetimore të Drejtorisë Vendore të Policisë Dibër në bashkëpunim të ngushtë me Komisariatin e Policisë Bulqizë dhe me Prokurorinë e Dibrës, si rezultat i veprimeve të thelluara hetimore,  të ndjekura me metoda proaktive, bënë të mundur zbardhjen dhe dokumentimi me prova ligjore të ngjarjes kriminale me eksploziv,  të ndodhur në vitin 2018, në Bulqizë. 

Si rezultat u identifikua dhe u shpall në kërkim autori i dyshuar i ngjarjes,  shtetasi Robert Isaku, 46 vjeç, banues në  Fushë-Krujë.

Gjykata e Rrethit Gjyqësor Dibër, ka caktuar ndaj këtij shtetasi masën e sigurisë "Arrest në burg", për veprën penale "Shkatërrimi i pronës me eksploziv".

Shtetasi Robert Isaku, dyshohet se me datë 29 qershor 2018, në lagjen "Minatiri", ka vendosur lëndë plasëse në automjetin e shtetasit T.T.

Vijon puna intensive për lokalizimin dhe kapjen e 46-vjeçarit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

Lajmi  ne perditesim... 

 

S.G/S.B/Shqiptarja.com

TAG:
• Diber